Question

വൈകാരിക ബുദ്ധിയെ സംബന്ധിച്ച് ശരിയായ പ്രസ്താവന ഏത് :

• A. വൈകാരിക ബുദ്ധി വീട്ടിലെ അന്തരീക്ഷത്തെ മാത്രം ആശ്രയിച്ചിരിക്കുന്നു.
• B. വിലയിരുത്തൽ തന്ത്രങ്ങൾ രൂപീകരിക്കുമ്പോൾ കുട്ടിയുടെ വൈകാരിക അവസ്ഥ പരിഗണിക്കേണ്ടതില്ല.
• C. വൈകാരിക അവസ്ഥയെ തിരിച്ചറിഞ്ഞ് പ്രതികരിക്കുന്നതിനുള്ള ശേഷി എല്ലാ കുട്ടികൾക്കും ഒരുപോലെയാണ്.
• D. മറ്റുള്ളവരെ പ്രചോദിപ്പിക്കാനുള്ള കഴിവ് വൈകാരിക ബുദ്ധിയുടെ സവിശേഷതയാണ്.

Answer 1

Answer:

D. മറ്റുള്ളവരെ പ്രചോദിപ്പിക്കാനുള്ള കഴിവ് വൈകാരിക ബുദ്ധിയുടെ സവിശേഷതയാണ്.

വൈകാരിക ബുദ്ധി (Emotional Intelligence)

• വൈകാരിക അവസ്ഥകളെ ബുദ്ധിപരമായി നിയന്ത്രിക്കാനുള്ള കഴിവാണ് വൈകാരിക ബുദ്ധി എന്നതുകൊണ്ട് അർത്ഥമാക്കുന്നത്.

  അതായത് ഒരു വ്യക്തിക്ക് തൻറെയും മറ്റുള്ളവരുടേയും വൈകാരിക അവസ്ഥകളെ തിരിച്ചറിയാനും വ്യക്തിബന്ധങ്ങൾ മെച്ചപ്പെടുത്താനുമുള്ള പ്രചോദനമായി തിരിച്ചറിവിനെ ഉപയോഗപ്പെടുത്താനുള്ള സാമൂഹ്യമായ ബുദ്ധിശക്തിയെ വൈകാരിക ബുദ്ധി എന്നു പറയുന്നു.

• വൈകാരിക ബുദ്ധി എന്ന ആശയം അവതരിപ്പിച്ചത് പീറ്റര്‍ സലോവയാണ് .

• 1995 ഡാനിയേൽ ഗോൾമാൻ്റെ  Emotional Intelligence എന്ന പുസ്തകത്തിലൂടെ വൈകാരിക ബുദ്ധിയെ കുറിച്ച് കൂടുതൽ വിവരങ്ങൾ ലഭിച്ചു. അങ്ങനെ ജീവിത വിജയത്തെ നിർണയിക്കുന്ന നിർണായക ഘടകമായി ബുദ്ധിയെ സ്വീകരിക്കുകയും ചെയ്തു.

വൈകാരിക ബുദ്ധിയുടെ പ്രധാന അഞ്ച് ഘടകങ്ങൾ:

1. സ്വയം അവബോധം (Self-awareness): സ്വന്തം വികാരങ്ങളെ തിരിച്ചറിയാനുള്ള കഴിവ്.

2. സ്വയം നിയന്ത്രണം (Self-regulation): വികാരങ്ങളെ നിയന്ത്രിക്കാനും കൃത്യമായി പ്രകടിപ്പിക്കാനുമുള്ള കഴിവ്.

3. അഭിവേഗം/പ്രചോദനം (Motivation): ലക്ഷ്യങ്ങൾ നേടുന്നതിനായി സ്വയം ഉത്തേജിപ്പിക്കാനും മറ്റുള്ളവരെ പ്രചോദിപ്പിക്കാനുമുള്ള കഴിവ്.

4. സഹാനുഭൂതി (Empathy): മറ്റുള്ളവരുടെ വികാരങ്ങൾ അവരുടെ ഭാഗത്തുനിന്ന് ചിന്തിച്ചു മനസ്സിലാക്കാനുള്ള കഴിവ്.

5. സാമൂഹിക നൈപുണ്യം (Social skills): സാമൂഹിക ബന്ധങ്ങൾ ഫലപ്രദമായി കൈകാര്യം ചെയ്യാനുള്ള കഴിവ്.