ഷാലിമാർ പൂന്തോട്ടം
- പാകിസ്താനിലെ ലാഹോറിൽ സ്ഥിതിചെയ്യുന്ന ഒരു ഉദ്യാനമാണ് ഷാലിമാർ പൂന്തോട്ടം അഥവാ ഷാലമർ ബാഗ്.
- 1641-ൽ മുഗൾ ചക്രവർത്തിയായിരുന്ന ഷാജഹാനാണ് ഇത് പണികഴിപ്പിച്ചത്.
- മുഗൾ വാസ്തുവിദ്യാ ശൈലിയിലുള്ള ഉദ്യാനത്തിന്റെ നിർമ്മാണം ഏകദേശം നാലു വർഷം കൊണ്ടാണ് പൂർത്തിയായത്.
- മൂന്ന് നൂറ്റാണ്ടിലേറെ പഴക്കമുള്ള ഈ ഉദ്യാനത്തെ 1981-ൽ യുനെസ്കോ ലോകപൈതൃക പട്ടികയിൽ ഉൾപ്പെടുത്തി.
- മുഗൾ ഭരണകാലത്തെ കലാരീതികളെക്കുറിച്ച് മനസ്സിലാക്കുവാനായി ധാരാളം വിനോദസഞ്ചാരികൾ ഇവിടെയെത്തുന്നു.
NB: കാശ്മീരിൽ സ്ഥിതിചെയ്യുന്ന ഷാലിമാർ പൂന്തോട്ടം നിർമ്മിച്ചത് ജഹാംഗീർ ചക്രവർത്തിയാണ്.അതെ മാതൃകയിൽ അദ്ദേഹത്തിൻറെ പുത്രൻ ഷാജഹാൻ ലാഹോറിൽ മറ്റൊരു പൂന്തോട്ടം നിർമ്മിക്കുകയും അതിനും ഷാലിമാർ പൂന്തോട്ടം എന്ന് പേരിടുകയും ചെയ്തു.
