അധ്യാപക വിദ്യാർത്ഥികളുടെ അധ്യാപന നൈപുണികൾ വർധിപ്പിക്കാൻ വേണ്ടി ആവിഷ്കരിച്ചത് ഏത് ?
Aസംഘ അദ്ധ്യാപനം
Bമൊഡ്യൂളുകൾ
Cക്ലാസ്റൂം ഇന്ററാക്ഷൻ അനാലിസിസ്
Dമൈക്രോടീച്ചിങ്
Answer:
D. മൈക്രോടീച്ചിങ്
Read Explanation:
സൂക്ഷ്മനിലവാര ബോധനം (Micro Teaching)
- സൂക്ഷ്മനിലവാര ബോധനം എന്ന പരിശീലനം ആദ്യം നടപ്പിലാക്കിയത് 1961 യു.എസ്.എ യിലെ സ്റ്റാൻഫോർഡ് യൂണിവേഴ്സിറ്റി ആണ്.
- ഡ്വൈറ്റ്.ഡബ്ല്യൂ.അലനും അദ്ദേഹത്തന്റെ അനുയായികളും ആയിരുന്നു ഇതിൻറെ ഉപജ്ഞാതാക്കൾ.
- അധ്യാപക വിദ്യാർത്ഥികൾക്കുള്ള പരിശീലന പരിപാടിയാണ് ഇത്.
- സങ്കീർണ സ്വഭാവമുള്ള നിരവധി നൈപുണികൾ ഉൾപ്പെട്ട അധ്യാപനം എന്ന പ്രവർത്തനത്തിന്റെ പഠനത്തിന് സഹായിക്കുന്നു.
- നൈപുണികളുടെ വികാസത്തിനും ഭാഷാ അധ്യാപനത്തിനും ഈ സമീപനം സ്വീകരിക്കാം.
- അധ്യാപനപ്രക്രിയയുടെ സങ്കീർണസ്വഭാവം ലളിതമാക്കുക എന്നതാണ് ഇതിൻറെ ഉദ്ദേശം.
- ഒരധ്യാപകൻ അഞ്ചോ പത്തോ കുട്ടികൾ മാത്രമുള്ള ഒരു സംഘത്തെ, അഞ്ചോ പത്തോ മിനിറ്റ് മാത്രം നീണ്ട കാലയളവിൽ ചെറിയ ഒരു പാഠഭാഗം പഠിപ്പിക്കുന്ന രീതിയിലുള്ള ബോധനമാതൃകയാണ് സൂക്ഷ്മനിലവാര ബോധനം.
- ഇതുവഴി അധ്യാപകന് പുതിയ നൈപുണികൾ ആർജ്ജിക്കുവ്വാനും പഴയവ സംസ്കരിക്കാനും സഹായകരമായ സാഹചര്യം ലഭിക്കുന്നു.
- അധ്യാപകവിദ്യാർത്ഥികൾക്ക് ഒരു പാഠം എടുത്തു കഴിഞ്ഞാൽ ഉടൻതന്നെ പരിശീലനത്തെ സംബന്ധിക്കുന്ന ഫീഡ്ബാക് ലഭിക്കുന്നതിനുള്ള അവസരമുണ്ട് .
- “ക്ലാസിന്റെ വലിപ്പവും ക്ലാസിന്റെ സമയവും വെട്ടിച്ചുരുക്കിയ ഒരു അധ്യാപന സംരംഭം” എന്നാണ് സൂക്ഷ്മ നിലവാര ബോധനത്തെ അലൻ നിർവചിക്കുന്നത് .
- ’അധ്യാപക പരിശീലനത്തെ ഒരു സമയത്ത് ഒരു പ്രത്യേക നൈപുണിയിൽ ഒതുക്കിയും അധ്യാപനസമയവും ക്ലാസ്സിന്റെ വലിപ്പവും ചുരുക്കിയും അധ്യാപനസന്ദർഭത്തെ ലളിതവും കൂടുതൽ നിയന്ത്രിതവും ആക്കുന്ന അധ്യാപനപരിശീലന പ്രക്രിയ എന്നും ഇതിനെ നിർവചിച്ചിട്ടുണ്ട്.
സൂക്ഷ്മനിലവാര ബോധനം - ഉദ്ദേശങ്ങൾ
- നിയന്ത്രിത സാഹചര്യങ്ങളിൽ പുതിയ അധ്യാപനനൈപുണികൾ പഠിക്കുകയും പരിശീലിക്കുകയും ചെയ്യുക
- ഒരു ചെറിയ സംഘം കുട്ടികളെ കൈകാര്യം ചെയ്ത് അധ്യാപക വിദ്യാർത്ഥികൾക്ക് അധ്യാപനത്തിൽ ആത്മവിശ്വാസം വളർത്തുക.
- നിരവധി അധ്യാപകനൈപുണികൾ സൂക്ഷ്മമായി പരിശീലിക്കുന്നതിനുള്ള സൗകര്യം നൽകുക.
സൂക്ഷ്മനിലവാര ബോധനം - സവിശേഷതകൾ
- അത് വ്യാപ്തി വെട്ടിച്ചുരുക്കിയ ബോധനപരിപാടിയാണ് .
- സാധാരണ അധ്യാപനത്തെ അപേക്ഷിച്ച് സങ്കീർണത കുറവാണ്.
- സൂക്ഷ്മനിലവാര ബോധനത്തിൽ ഉൾപ്പെടുന്ന കുട്ടികളുടെ എണ്ണം കുറവാണ്
- ഏകദേശം 5 നും 10 നും ഇടയ്ക്ക് വിദ്യാർത്ഥികൾ മാത്രമേ ഉള്ളൂ.
- യഥാർത്ഥ പഠിതാക്കളെ കിട്ടിയില്ലെങ്കിൽ പഠിതാക്കളുടെ റോൾ അഭിനയിക്കുന്ന സഹപാഠികളുടെ സഹായം ഉപയോഗിക്കാം
- സമയദൈർഘ്യം കുറവാണ്