App Logo

No.1 PSC Learning App

1M+ Downloads
ആരിലാണോ നികുതി ചുമത്തുന്നത് അയാൾ തന്നെ നികുതി അടയ്ക്കുന്നു. എന്നത് ഏതു തരം നികുതിയാണ് ?

Aപ്രത്യക്ഷ നികുതി

Bപരോക്ഷ നികുതി

Cഇന്റർഗ്രേറ്റഡ് G S T

Dഇതൊന്നുമല്ല

Answer:

A. പ്രത്യക്ഷ നികുതി

Read Explanation:

ഇന്ത്യയിൽ നികുതികളെ പൊതുവിൽ രണ്ടായി തരം തിരിച്ചിരിക്കുന്നു.

പ്രത്യക്ഷ നികുതി (Direct Taxes)

  • ആരിലാണോ നികുതി ചുമത്തുന്നത്‌ അയാള്‍ തന്നെ നികുതി അടയ്ക്കുന്നു.
  • ഇവിടെ നികുതി ചുമത്തപ്പെടുന്നതും നികുതിമുലമുളള സാമ്പത്തിക ഭാരം അനുഭവിക്കുന്നതും ഒരാള്‍ തന്നെയായതിനാല്‍ ഇത്തരം നികുതികള്‍ പ്രത്യക്ഷനികുതി എന്നറിയപ്പെടുന്നു
  • നികുതിഭാരം നികുതിദായകന്‍ തന്നെ വഹിക്കുന്നു എന്നത്‌ പ്രത്യക്ഷനികുതിയുടെ പ്രത്യേകതയാണ്

ഇന്ത്യയിലെ പ്രധാനപ്പെട്ട പ്രത്യക്ഷ നികുതികൾ

വ്യക്തിഗത ആദായനികുതി

  • വ്യക്തികളുടെ വരുമാനത്തില്‍ ചുമത്തുന്ന നികുതിയാണ്‌ വ്യക്തിഗത ആദായനികുതി.
  • വരുമാനം കൂടുന്നതിനനുസരിച്ച്‌ നികുതി നിരക്ക്‌ കൂടുന്നു. നിശ്ചിത വരുമാനപരിധിക്ക്‌ മുകളില്‍വരുന്ന തുകയ്ക്കാണ്‌ നികുതി ബാധകമാക്കിയിരിക്കുന്നത്‌.
  • ഇന്ത്യയില്‍ ആദായനികുതിനിയമം 1961 പ്രകാരം കേന്ദ്ര സർക്കാർ ആണ് ഈ നികുതി പിരിക്കുന്നത്‌.

കോർപ്പറേറ്റ് നികുതി

  • കമ്പനികളുടെ അറ്റ വരുമാനത്തിന്മേല്‍ അഥവാ ലാഭത്തിന്മേല്‍ ചുമത്തുന്ന നികുതിയാണിത്‌.

പരോക്ഷ നികുതി (Indirect Taxes)

  • പരോക്ഷ നികുതി ചുമത്തുന്നത് വരുമാനത്തിലോ ലാഭത്തിലോ അല്ല, നികുതിദായകൻ ഉപയോഗിക്കുന്ന ചരക്കുകളിലും സേവനങ്ങളിലുമാണ്.
  • ഒരാളില്‍ ചുമത്തപ്പെടുന്ന നികുതിയുടെ ഭാരം മറ്റൊരാളിലേയിക്ക്‌ കൈമാറ്റം ചെയ്യപ്പെടുന്നതാണ് പരോക്ഷനികുതിയുടെ പത്യേകത.
  • പരോക്ഷ നികുതിയുടെ ഏറ്റവും മികച്ച ഉദാഹരണമായി വില്പനനികുതിയെ കണക്കാക്കാവുന്നതാണ്
  • വില്‍പന നികുതിയുടെ ഭാരം ആദ്യം വരുന്നത്‌ വ്യാപാരിയുടെ മേലും പിന്നീട് വാങ്ങുന്ന ഉപഭോക്താവിലേക്ക് വിലയോടൊപ്പം നികുതിഭാരവും കൈമാറുന്നു.
  • അപ്പോള്‍ ഉപഭോക്താവ്‌ നല്‍കുന്ന വിലയില്‍ നികുതിയും ഉള്‍പ്പെടുന്നു.
  • 2017 ജൂലൈ ഒന്നുമുതൽ ഇന്ത്യയിൽ നിലവിൽ വന്ന അംഗീകൃത പരോക്ഷ നികുതി സമ്പ്രദായം ആണ് ചരക്കുസേവന നികുതി (GST)

 


Related Questions:

ചെലവ് വരവിനേക്കാൾ കൂടിയ ബജറ്റ് ഏത് ?
ഏതു വർഷത്തെ ആദായ നികുതി നിയമപ്രകാരമാണ് കേന്ദ്രസർക്കാർ ആദായനികുതി പിരിക്കുന്നത് ?
വരുമാനം ചിലവിനേക്കാൾ കൂടിയ ബജറ്റിനെ എന്ത് വിളിക്കുന്നു ?

ഒരു ജി.എസ്.ടി ബില്ലില്‍ നിന്നും കണ്ടെത്താവുന്ന അടിസ്ഥാന വിവരങ്ങള്‍ താഴെപ്പറയുന്നവയിൽ ഏതൊക്കെയാണ്?

1.ജി.എസ്.ടി രജിസ്ട്രേഷന്‍ നമ്പര്‍

2.വിവിധ നികുതി നിരക്കുകള്‍

3.ജി.എസ്.ടി ചുമത്തപ്പെടാത്ത ഇനങ്ങള്‍

4.സ്ഥാപനത്തെ സംബന്ധിച്ച വിവരങ്ങള്‍.

താഴെപ്പറയുന്നവയിൽ ശരിയായ പ്രസ്താവന ഏത്?

1.റോഡ്, പാലം തുടങ്ങിയവ നിര്‍മ്മിക്കുക, പുതിയ സംരംഭങ്ങളും വിദ്യാഭ്യാസ സ്ഥാപനങ്ങളും തുടങ്ങുക എന്നിവ വികസനേതര ചെലവുകളുടെ കൂട്ടത്തിൽ വരുന്നു.

2.യുദ്ധം, പലിശ, പെന്‍ഷന്‍ തുടങ്ങിയവയ്ക്കുള്ള ചെലവുകള്‍ എന്നിവ വികസന ചെലവുകളുടെ കൂട്ടത്തിൽ വരുന്നു.