Question

ഒന്നാംലോക യുദ്ധാനന്തരം ഉദയം ചെയ്ത ഫാസിസം ലോക സമാധാനത്തിന് ഭീഷണിയായിരുന്നു. ഇതിന്റെ പ്രത്യേകതകൾ ഇവയിൽ ഏതെല്ലാമായിരുന്നു?

1.ജനാധിപത്യത്തോടുള്ള വിരോധം

2.യുദ്ധത്തെ മഹത്ത്വവൽക്കരിക്കൽ

3.വംശ മഹിമ ഉയർത്തിപ്പിടിക്കൽ

4.ഭൂതകാലത്തെ പ്രകീര്‍ത്തിക്കല്‍

• A. 1,2 മാത്രം
• B. 1,3 മാത്രം
• C. 1,2,3 മാത്രം
• D. 1,2,3,4 ഇവയെല്ലാം

Answer 1

Answer:

D. 1,2,3,4 ഇവയെല്ലാം

ഫാസിസം

• ഒന്നാം ലോക യുദ്ധത്തിനെ തുടർന്നുണ്ടായ രാഷ്ട്രീയ സാമ്പത്തിക അനിശ്ചിതത്വത്തെ ചൂഷണം ചെയ്ത് തീവ്രദേശീയ വാദത്തിൽ അധിഷ്ഠിതമായ രൂപം കൊണ്ട ആശയമാണ് ഫാസിസം.
• ഫാസിസം എന്ന ആശയം രൂപം കൊണ്ടത് ഇറ്റലിയിലാണ് 
• ഇറ്റലിയിൽ ബനിറ്റോ മുസോളിനിയാണ് ഫാസസിസ്റ്റ് പാർട്ടി രൂപീകരിച്ചത്. 
• ഫാസിസത്തിന്റെ ജർമ്മൻ രൂപമാണ് നാസിസം 
• ലാറ്റിൻ പദമായ 'ഫാസസ്'  എന്ന വാക്കിൽ നിന്നാണ് ഫാസിസം എന്ന വാക്ക് രൂപം കൊണ്ടത്.
• ഇതിൻറെ അർത്ഥം "ഒരു കെട്ട് ദണ്ഡയും അതിൻറെ മുകളിൽ മഴു"വും എന്നാണ്,പുരാതന റോമിലെ അധികാരം ചിഹ്നമായിരുന്നു ഇത്.

ഫാസിസത്തിന്റെ പ്രത്യേകതകൾ:

• ജനാധിപത്യത്തോടുള്ള വിരോധവും സോഷ്യലിസത്തോടുള്ള എതിർപ്പും.
• രാഷ്ട്രത്തെ മഹത്വവൽക്കരിക്കുന്നതും,വംശ മഹിമ ഉയർത്തിപ്പിടിക്കുന്നതും.
• തീവ്രദേശീയത പ്രചരിപ്പിക്കുകയും യുദ്ധത്തെ മഹത്വവൽക്കരിക്കുയും ചെയ്യുക.
• ഭൂതകാലത്തെ പ്രകീർത്തിക്കുക.
• കല, സാഹിത്യം, വിദ്യാഭ്യാസം തുടങ്ങിയവ ആശയപ്രചാരണത്തിനായി ഉപയോഗിക്കുക.
• സൈനിക സ്വേച്ഛാധിപത്യവും,രാഷ്ട്രീയ എതിരാളികളെ ഉന്മൂലനം ചെയ്യുന്നതും.