പ്രത്യേക പരിഗണന അർഹിക്കുന്ന കുട്ടികൾ (Children with special needs) :- ശാരീരികമോ ബുദ്ധിപരമോ വികാസപരമോ സാമൂഹികമോ ആയ കാരണങ്ങളാൽ സമപ്രായക്കാരെക്കാൾ കൂടുതൽ ശ്രദ്ധയും പരിഗണനയും ആവശ്യമുള്ളവരാണ് പ്രത്യേക പരിഗണന അർഹിക്കുന്ന കുട്ടികൾ.
പ്രത്യേകതകൾ :-
- വളർച്ച ഘട്ടത്തിൽ താമസം നേരിടുന്നു.
- ചലനപരമായ പ്രശ്നങ്ങൾ കാരണം ദൈനംദിന കാര്യങ്ങൾ സ്വതന്ത്രമായി ചെയ്യാൻ സാധിക്കുകയില്ല.
- ആശയവിനിമയത്തിൽ ബുദ്ധിമുട്ട്.
- വൈകാരിക വ്യവഹാര മേഖലകളിൽ പരിമിതികൾ.
- ബുദ്ധിപരമായ പരിമിതി മൂലം വിവേകത്തോടെ പെരുമാറാൻ കഴിയാറില്ല.
- വരുംവരായ്കകൾ മനസ്സിലാക്കാതെ പ്രവർത്തിക്കുക കാരണം അപകടങ്ങൾക്ക് സാധ്യത ഏറുന്നു.
- പഠന മേഖലകളിലെ പ്രയാസങ്ങൾ.
- സാമൂഹ്യ നിയമങ്ങൾ പാലിച്ചുകൊണ്ട് പെരുമാറാൻ കഴിയാതിരിക്കുക.
ശ്രവണ വൈകല്യം (Hearing impairment)
- പൂർണ്ണമോ, ഭാഗികമോ കേൾവി തകരാറുള്ളവരെ ഈ വിഭാഗത്തിൽപ്പെടുത്താം.
- കേൾവിയിലൂടെ ലഭിക്കുന്ന വിവരങ്ങളെ അപഗ്രഥിക്കാൻ കഴിയാത്തതിനാൽ ഭാഷാപഠനം പ്രയാസമാകുന്നു.
- ഓഡിയോ ഗ്രാം - കേൾവിയിലുണ്ടാകുന്ന തകരാറുകൾ അളന്നു തിട്ടപ്പെടുത്തുന്നതിനുള്ള ടെസ്റ്റാണ് ഓഡിയോ ഗ്രാം.
- കേൾവി പരമായ വെല്ലുവിളി നേരിടുന്ന കുട്ടികൾ ഉൾപ്പെടുന്ന ക്ലാസിൽ അധ്യാപകൻ പരിഗണിക്കേണ്ട കാര്യങ്ങൾ :-
- കുട്ടിയെ മുൻ ബെഞ്ചിൽ ഇരുത്തുക.
- ശബ്ദശല്യങ്ങളിൽ നിന്ന് അകന്നാ യിരിക്കണം ക്ലാസ്റൂം.
- കുട്ടിയുടെ മുഖത്തു നോക്കി മാത്രം സംസാരിക്കുക.
- ഹിയറിങ് എയ്ഡിന്റെ പ്രവർത്തനക്ഷമത ഉറപ്പു വരുത്തുക.
- മറ്റ് ഇന്ദ്രിയങ്ങൾ പരമാവധി ഉപയോഗിക്കും വിധം പഠനോപകരണങ്ങൾ കൈകാര്യംചെയ്യാൻ അവസരമുണ്ടാക്കുക.
