Question

തെക്കു-പടിഞ്ഞാറൻ മൺസൂണിന്റെ അറബിക്കടൽ ശാഖയിൽ നിന്ന് മഴ ലഭിക്കുന്ന പ്രദേശം ?

1. പശ്ചിമഘട്ടത്തിലെ പശ്ചിമതീരം
2. ഉത്തരേന്ത്യൻ സമതലത്തിലെ സംസ്‌ഥാനങ്ങൾ
3. വടക്കു കിഴക്കൻ സംസ്‌ഥാനങ്ങൾ

• A. ഇവയൊന്നുമല്ല
• B. 1 മാത്രം
• C. 1, 2 എന്നിവ
• D. 2, 3

Answer 1

Answer:

B. 1 മാത്രം

തെക്കു-പടിഞ്ഞാറൻ മൺസൂൺ

• തെക്കു-പടിഞ്ഞാറൻ മൺസൂൺ കാറ്റുകൾ പ്രധാനമായും കടലിൽ നിന്ന് കരയിലേക്കാണ് വീശുന്നത്.
• ഈ കാറ്റുകൾ ഇന്ത്യൻ മഹാസമുദ്രം, അറബിക്കടൽ, ബംഗാൾ ഉൾക്കടൽ എന്നിവ കടന്ന് ഇന്ത്യയിലെത്തുന്നു.
• ഈ കാറ്റുകൾ ഇന്ത്യയിൽ പൊതുവെ മഴയ്ക്ക് കാരണമാകുന്നു.
• തെക്കുപടിഞ്ഞാറൻ മൺസൂൺകാലത്ത് മഴ വളരെ പെട്ടെന്നുതന്നെ ആരംഭിക്കുന്നു.
• ആദ്യമഴയോടെതന്നെ താപനില കുറയാൻ തുടങ്ങും. 
• തവണകളായി പെയ്യുന്ന മൺസൂൺ മഴയിൽ ഉണ്ടാകുന്ന വരണ്ട ഇടവേളകൾ മൺസൂൺ ബ്രേക്സ് എന്നറിയപ്പെടുന്നു 

അറബിക്കടൽ ശാഖയും , ബംഗാൾ ഉൾക്കടൽ ശാഖയും 

• തെക്കു-പടിഞ്ഞാറൻ മൺസൂൺ കാറ്റുകൾ അറബിക്കടൽ ശാഖ , ബംഗാൾ ഉൾക്കടൽ ശാഖ എന്നിങ്ങിനെ രണ്ടു ശാഖകളായി വീശുന്നു
• അറബിക്കടൽ ശാഖയിൽ നിന്നും പശ്ചിമഘട്ടത്തിലെ പശ്ചിമതീരത്ത് വ്യാപകമായി മഴ ലഭിക്കുന്നു.
• അറബിക്കടൽ ശാഖയുടെ മഴനിഴൽ പ്രദേശത്തായതിനാൽ തമിഴ്‌നാട്ടിൽ ഈ സമയം മഴ ലഭിക്കുന്നില്ല.
• ബംഗാൾ ഉൾക്കടൽ ശാഖയിൽ നിന്നും ഹിമാലയത്തിന്റെ അടിവാരത്തുള്ള ഉത്തരേന്ത്യൻ സമതലത്തിലെ സംസ്‌ഥാനങ്ങളിലുടനീളവും വടക്കു കിഴക്കൻ സംസ്‌ഥാനങ്ങളിലും മഴ ലഭിക്കുന്നു.
• കടലിൽ നിന്നും അകലുംതോറും തെക്കു-പടിഞ്ഞാറൻ മൺസൂൺ മഴയുടെ അളവ് കുറയുന്നു