Question

തെക്കു-പടിഞ്ഞാറൻ മൺസൂണിന്റെ ബംഗാൾ ഉൾക്കടൽ ശാഖയുമായി ബന്ധപ്പെട്ട ശരിയായ പ്രസ്താവനകൾ തിരിച്ചറിയുക :

1. മ്യാൻമറിലും തെക്കുകിഴക്കൻ ബംഗ്ലാദേശിലും വീശിയടിക്കുന്നു.
2. മ്യാൻമർ തീരത്തുള്ള അരക്കൻ കുന്നുകൾ ഈ കാറ്റിൻറെ നല്ലൊരുഭാഗം ഇന്ത്യൻ ഉപഭൂഖണ്ഡത്തിലേക്കുതന്നെ തിരിച്ചുവിടുന്നു.
3. പശ്ചിമബംഗാളിലും ബംഗ്ലാദേശിലും വച്ച് ഈ മൺസൂൺ ശാഖ ഹിമാലയപർവതത്തിന്റെയും വടക്കുപടിഞ്ഞാറൻ ഇന്ത്യയിലെ താപീയന്യൂനമർദത്തിന്റെയും സ്വാധീനത്താൽ രണ്ടായി പിരിയുന്നു.

• A. i, ii എന്നിവ
• B. ഇവയെല്ലാം
• C. ii, iii എന്നിവ
• D. i മാത്രം

Answer 1

Answer:

B. ഇവയെല്ലാം

തെക്കു-പടിഞ്ഞാറൻ മൺസൂൺ

• തെക്കു-പടിഞ്ഞാറൻ മൺസൂൺ കാറ്റുകൾ പ്രധാനമായും കടലിൽ നിന്ന് കരയിലേക്കാണ് വീശുന്നത്.
• ഈ കാറ്റുകൾ ഇന്ത്യൻ മഹാസമുദ്രം, അറബിക്കടൽ, ബംഗാൾ ഉൾക്കടൽ എന്നിവ കടന്ന് ഇന്ത്യയിലെത്തുന്നു.
• ഈ കാറ്റുകൾ ഇന്ത്യയിൽ പൊതുവെ മഴയ്ക്ക് കാരണമാകുന്നു.
• തെക്കുപടിഞ്ഞാറൻ മൺസൂൺകാലത്ത് മഴ വളരെ പെട്ടെന്നുതന്നെ ആരംഭിക്കുന്നു.
• ആദ്യമഴയോടെതന്നെ താപനില കുറയാൻ തുടങ്ങും. 
• തവണകളായി പെയ്യുന്ന മൺസൂൺ മഴയിൽ ഉണ്ടാകുന്ന വരണ്ട ഇടവേളകൾ മൺസൂൺ ബ്രേക്സ് എന്നറിയപ്പെടുന്നു 
• തെക്കു-പടിഞ്ഞാറൻ മൺസൂൺ കാറ്റുകൾ അറബിക്കടൽ ശാഖ , ബംഗാൾ ഉൾക്കടൽ ശാഖ എന്നിങ്ങിനെ രണ്ടു ശാഖകളായി വീശുന്നു

ബംഗാൾ ഉൾക്കടലിലെ മൺസൂൺ കാറ്റുകൾ

• ബംഗാൾ ഉൾക്കടൽ മൺസൂൺശാഖ മ്യാൻമറിലും തെക്കുകിഴക്കൻ ബംഗ്ലാദേശിലും വീശിയടിക്കുന്നു.
• മ്യാൻമർ തീരത്തുള്ള അരക്കൻ കുന്നുകൾ ഈ കാറ്റിൻറെ നല്ലൊരുഭാഗം ഇന്ത്യൻ ഉപഭൂഖണ്ഡത്തിലേക്കുതന്നെ തിരിച്ചുവിടുന്നു.
• അതിനാൽ പശ്ചിമബംഗാളിലും ബംഗ്ലാദേശിലും മൺസൂൺ തെക്കുപടിഞ്ഞാറു ദിശയിൽ നിന്നല്ലാതെ തെക്കുനിന്നും തെക്കുകിഴക്കു നിന്നും പ്രവേശിക്കുന്നു.
• പശ്ചിമബംഗാളിലും ബംഗ്ലാദേശിലും വച്ച് ഈ മൺസൂൺ ശാഖ ഹിമാലയപർവതത്തിന്റെയും വടക്കുപടിഞ്ഞാറൻ ഇന്ത്യയിലെ താപീയന്യൂനമർദത്തിന്റെയും സ്വാധീനത്താൽ രണ്ടായി പിരിയുന്നു.
• ഇതിന്റെ ഒരു ശാഖ പടിഞ്ഞാറ് ദിശയിൽ സഞ്ചരിച്ച് പഞ്ചാബ് സമതലംവരെ എത്തുന്നു.
• മറ്റൊരുശാഖ ബ്രഹ്മപുത്ര താഴ്വരയുടെ വടക്ക്, വടക്കുകിഴക്ക് ദിശയിൽ സഞ്ചരിച്ച് വ്യാപകമായ മഴയ്ക്ക് കാരണമാകുന്നു.
• ഇതിന്റെ ഉപശാഖ മേഘാലയയിലെ ഗാരോ, ഖാസി കുന്നുകളിൽ വീശുന്നു.
• ലോകത്തിൽ ഏറ്റവും കൂടുതൽ വാർഷിക ശരാശരി മഴ രേഖപ്പെടുത്തുന്ന മൗസിൻറാം എന്ന സ്ഥലം ഖാസികുന്നുകളിലാണ് സ്ഥിതിചെയ്യുന്നു