Question

നിരീക്ഷിക്കപ്പെടുന്ന വ്യക്തിക്ക്, താൻ നിരീക്ഷിക്കപ്പെടുന്നുണ്ട് എന്ന് മനസ്സിലാകാത്ത തരത്തിൽ നടത്തുന്ന നിരീക്ഷണമാണ്?

• A. പ്രത്യക്ഷ നിരീക്ഷണം
• B. നിയന്ത്രിത നിരീക്ഷണം
• C. പരോക്ഷ നിരീക്ഷണം
• D. പങ്കാളിത്ത നിരീക്ഷണം

Answer 1

Answer:

C. പരോക്ഷ നിരീക്ഷണം

OBSERVATION METHOD : നിരീക്ഷണരീതി

• വിദ്യാർത്ഥികളുടെ പെരുമാറ്റം, പഠനരീതികൾ, കൂട്ടുപ്രവർത്തനം, അധ്യാപക-വിദ്യാർത്ഥി ഇടപെടൽ മുതലായവ നേരിട്ട് കണ്ടറിഞ്ഞ് പഠിക്കുന്ന രീതിയാണ് നിരീക്ഷണരീതി.

• വിദ്യാഭ്യാസ മനശ്ശാസ്ത്രത്തിൽ അടിസ്ഥാനപരമായ ഡാറ്റ ശേഖരണരീതി.

• വിവിധ പെരുമാറ്റങ്ങൾ കണ്ടെത്താൻ ഏറ്റവും പ്രാഥമികവും സ്വാഭാവികവുമായ രീതി.

• നിരീക്ഷണം എന്നാൽ പുറത്തേക്ക് നോക്കുക എന്നാണർത്ഥം

• മറ്റുള്ളവരുടെ വ്യവഹാരങ്ങളെ നിരീക്ഷിച്ച് പഠിക്കുന്ന രീതിയാണിത്. 

• സ്വാഭാവിക സാഹചര്യങ്ങളിൽ വ്യക്തി ഇപ്പോൾ എന്ത് ചെയുന്നു, എന്തുകൊണ്ട് അങ്ങനെ ചെയുന്നു എന്ന് നിരീക്ഷിച്ചു പഠിക്കുന്ന രീതി.

• ഒരു വ്യക്തിയുടെ വ്യവഹാരത്തെ തുടർച്ചയായി നിരീക്ഷിച്ച് നിഗമനങ്ങളിലെത്തുന്നതാണ് ഇത്. 

• നിരീക്ഷണം രണ്ട് തരത്തിൽ

1. പ്രത്യക്ഷ നിരീക്ഷണവും പരോക്ഷ നിരീക്ഷണവും 

2. പങ്കാളിത്ത നിരീക്ഷണവും പങ്കാളിത്തേതര നിരീക്ഷണവും

1. പ്രത്യക്ഷ നിരീക്ഷണവും പരോക്ഷ നിരീക്ഷണവും 

• നിരീക്ഷിക്കപ്പെടുന്ന വ്യക്തിക്ക്, താൻ നിരീക്ഷിക്കപ്പെടുന്നുണ്ട് എന്ന് മനസ്സിലാവുന്ന തരത്തിൽ നടത്തുന്ന നിരീക്ഷണമാണ് പ്രത്യക്ഷ നിരീക്ഷണം. (Direct Observation)

• നിരീക്ഷിക്കപ്പെടുന്ന വ്യക്തിക്ക്, താൻ നിരീക്ഷിക്കപ്പെടുന്നുണ്ട് എന്ന് മനസ്സിലാകാത്ത തരത്തിൽ നടത്തുന്ന നിരീക്ഷണമാണ് പരോക്ഷ നിരീക്ഷണം (Indirect Observation). 

• പരോക്ഷ നിരീക്ഷണം (Indirect Observation)  പ്രകൃത്യായുള്ള നിരീക്ഷണം (Natural observation)എന്നും അറിയപ്പെടുന്നു. 

• നിരീക്ഷിക്കുന്ന ആൾ നിരീക്ഷണ വിധേയനായ വ്യക്തിയെ പരമാവധി അയാളറിയാതെ നിരീക്ഷിക്കുന്നതിനാൽ ഇത് കുറച്ചു കൂടി വസ്തുനിഷ്‌ഠമാണ് (Objective).

• പ്രത്യക്ഷ നിരീക്ഷണത്തെ, നിയന്ത്രിത നിരീക്ഷണം (Controlled Observation) എന്നും പരോക്ഷ നിരീക്ഷണത്തെ, നൈസർഗിക നിരീക്ഷണം (Natural Observation) എന്നും പറയാറുണ്ട്. 

• പ്രത്യക്ഷ നിരീക്ഷണത്തെ ഗുണാത്മക നിരീക്ഷണം (Qualitative Observation), പരോക്ഷ നിരീക്ഷണത്തെ ഗണാത്മകനിരീക്ഷണം (Quantitative Observation) എന്നിങ്ങനെ രണ്ടുതരം നിരീക്ഷണമുണ്ട്.

2. പങ്കാളിത്ത നിരീക്ഷണവും പങ്കാളിത്തേതര നിരീക്ഷണവും 

• Participant Observation and Non Participant Observation

• നിരീക്ഷിക്കപ്പെടുന്ന വ്യക്തി അംഗമായിട്ടുള്ള ഗണത്തിൽ നിരീക്ഷകൻ അംഗമായിക്കൊണ്ട് നടത്തുന്ന നിരീക്ഷണമാണ് പങ്കാളിത്ത നിരീക്ഷണം.

• ഇതിൽ നിരീക്ഷണ വിധേയനായ വ്യക്തിയോടൊപ്പം നിരീക്ഷണം നടത്തുന്ന ആൾകൂടി അവരിലൊരാളായി മാറി നിരീക്ഷണം നടത്തുന്നു.
  

• നിരീക്ഷിക്കപ്പെടുന്ന വ്യക്തി അംഗമായിട്ടുള്ള ഗണത്തിൽ അംഗമാവാതെ, ഗണത്തിന് പുറത്തു നിന്ന് നിരീക്ഷിക്കുന്നതാണ് പങ്കാളിത്ത രഹിത നിരീക്ഷണം.

• അതായത് നിരീക്ഷണം നടത്തുന്ന ആൾ മാറി നിന്ന് കൊണ്ട് നിരീക്ഷണം നടത്തുന്നു.