Question

ഫ്രഞ്ച് വിപ്ലവത്തിന് മുൻപായി രാജ്യത്ത് അനുഭവപ്പെട്ട സാമ്പത്തിക പ്രതിസന്ധി പരിഹരിക്കാൻ ഫ്രഞ്ച് ഗവൺമെന്റ് ഇവയിൽ ഏത് നടപടിയാണ് സ്വീകരിച്ചു?

1. പുരോഹിതന്മാരുടെയും പ്രഭുക്കന്മാരുടെയും എസ്റ്റേറ്റുകളിൽ നിന്ന് നികുതി ചുമത്താൻ തീരുമാനിച്ചു
2. വിദേശ ബാങ്കുകളിൽ നിന്ന് പണം കടം വാങ്ങുവാൻ തീരുമാനിച്ചു
3. സർക്കാർ ഉടമസ്ഥതയിലുള്ള ഭൂമി സ്വകാര്യ വ്യക്തികൾക്ക് വിൽക്കുവാൻ തീരുമാനിച്ചു

• A. i മാത്രം
• B. i, iii എന്നിവ
• C. ii, iii
• D. i, ii എന്നിവ

Answer 1

Answer:

A. i മാത്രം

• ഫ്രഞ്ച് വിപ്ലവത്തിന് മുമ്പ്, യുദ്ധങ്ങൾ, രാജവാഴ്ചയുടെ അമിത ചെലവുകൾ, സാമ്പത്തിക മാന്ദ്യം എന്നിവയുൾപ്പെടെയുള്ള വിവിധ ഘടകങ്ങൾ കാരണം ഫ്രഞ്ച് സർക്കാർ കടുത്ത സാമ്പത്തിക പ്രതിസന്ധി നേരിട്ടിരുന്നു.
• ഈ പ്രതിസന്ധി ലഘൂകരിക്കാൻ, പുരോഹിതരുടെയും പ്രഭുക്കന്മാരുടെയും എസ്റ്റേറ്റുകൾക്ക് മേൽ കൂടി നികുതി ചുമത്താൻ ഗവൺമെന്റ് തീരുമാനിച്ചു.
• അത് വരെ ഈ രണ്ട് വിഭാഗത്തിൽപെട്ടവരെയും നികുതി നൽകുന്നതിൽ നിന്ന് ഒഴിവാക്കിയിരുന്നു 
• യഥാക്രമം ഒന്നും രണ്ടും എസ്റ്റേറ്റുകളിൽ ഉൾപ്പെട്ട പുരോഹിതന്മാരും പ്രഭുക്കന്മാരും ഈ നടപടിയെ ശക്തമായി എതിർത്തു.
• അത്തരമൊരു തീരുമാനമെടുക്കാൻ രാജാവിന് ഒറ്റയ്ക്ക് കഴിയുകയില്ലെന്നും, ഫ്രഞ്ച് സമൂഹത്തിലെ മൂന്ന് എസ്റ്റേറ്റുകളെയും പ്രതിനിധീകരിക്കുന്ന എസ്റ്റേറ്റ് ജനറലിനാണ് അതിനുള്ള അധികാരമെന്നും അവർ വാദിച്ചു .
• ഈ ഏതിർപ്പിനെ തുടർന്ന് ഫ്രാൻസിൽ 175 വർഷത്തിനുശേഷം ലൂയി പതിനാറാമൻ 1789 മെയ്‌ 5ന്  എസ്റ്റേറ്റ് ജനറൽ വിളിച്ചു കൂട്ടി