Question

ഭൂപടങ്ങൾ തയ്യാറാക്കാനുപയോഗിക്കുന്ന തോതിന്റെ(scale) അടിസ്‌ഥാനത്തിൽ അവയെ എത്രയായി തരം തിരിച്ചിരിക്കുന്നു?

• A. 4
• B. 2
• C. 6
• D. 3

Answer 1

Answer:

B. 2

ഭൂപടവർഗ്ഗീകരണം തോതിന്റെ(scale) അടിസ്‌ഥാനത്തിൽ

• ഭൂപടങ്ങൾ തയ്യാറാക്കാനുപയോഗിക്കുന്ന തോതിന്റെ(scale) അടിസ്‌ഥാനത്തിൽ അവയെ രണ്ടായി തിരിച്ചിരിക്കുന്നു:
  
  
  1. ചെറിയ തോത് ഭൂപടങ്ങൾ(Small scale maps)
  2. വലിയ തോത് ഭൂപടങ്ങൾ(Large scale maps)
     
     
• ലോകം, വൻകരകൾ, രാജ്യങ്ങൾ, സംസ്ഥാനങ്ങൾ തുടങ്ങിയ വിസ്തൃതമായ പ്രദേശങ്ങളെ ചെറിയൊരു കടലാസിൽ ചിത്രീകരിക്കേണ്ടി വന്നാൽ വളരെക്കുറച്ച് വിവരങ്ങൾ മാത്രമെ അവയിൽ ഉൾപ്പെടുത്താൻ കഴിയുകയുള്ളു.
  
  
• വലിയ ഭൂപ്രദേശങ്ങളിലെ പ്രധാന വിവരങ്ങൾ മാത്രം ഉൾപ്പെടുത്തി തയാറാക്കുന്ന ഭൂപടങ്ങളാണ് ചെറിയ തോത് ഭൂപടങ്ങൾ (Small Scale Maps).
  
  
• എന്നാൽ താരതമ്യേന ചെറിയ ഭൂപ്രദേ ശങ്ങളായ വില്ലേജോ വാർഡോ ആണ് ഭൂപടത്തിൽ ചിത്രീകരിക്കുന്നതെങ്കിൽ ഒട്ടേറെ വിവരങ്ങൾ അതിൽ ഉൾപ്പെടുത്താൻ കഴിയും.
  
  
• ഇത്തരത്തിൽ താരതമ്യേന ചെറിയ പ്രദേശങ്ങളുടെ വിശദമായ വിവരങ്ങൾ ഉൾക്കൊള്ളിച്ചുകൊണ്ട് ചിത്രീകരിക്കുന്ന ഭൂപടങ്ങളാണ് വലിയ തോത് ഭൂപടങ്ങൾ
  
  
• ചെറിയ തോത് ഭൂപടങ്ങൾക്ക് ഉദാഹരണങ്ങൾ :
  
  • അറ്റ്ലസ് ഭൂപടം (Atlas Map)
  • ചുമർഭൂപടങ്ങൾ  (Wall Maps)
    
    
• വലിയ തോത് ഭൂപടങ്ങൾക്ക് ഉദാഹരണങ്ങൾ :
  • കഡസ്ട്രൽ ഭൂപടം(Cadastral Map),
    
  • ധരാതലീയ ഭൂപടം (Topographical Map)