Question

ഭൂമധ്യരേഖയ്ക്ക് 30° വടക്കും 30° തെക്കും അക്ഷാംശങ്ങളിൽ സ്ഥിതി ചെയ്യുന്ന മർദ്ദമേഖലകൾ :

• A. ഉപ ധ്രുവീയ ന്യൂനമർദ്ദ മേഖല
• B. ഉഷ്ണമേഖല ന്യൂനമർദ്ദ മേഖല
• C. ധ്രുവീയ ഉച്ചമർദ്ദ മേഖല
• D. ഉപോഷ്‌ണ ഉച്ചമർദ്ദ മേഖല

Answer 1

Answer:

D. ഉപോഷ്‌ണ ഉച്ചമർദ്ദ മേഖല

ആഗോള മർദ്ദമേഖലകൾ (Global Pressure Belts)

• ഭൂമിയിൽ ഒരേ അന്തരീക്ഷമർദ്ദം അനുഭവപ്പെടുന്ന അക്ഷാംശ മേഖലകൾ അറിയപ്പെടുന്നത് ആഗോള മർദ്ദമേഖലകൾ (Global pressure belts).

ഉപോഷ്‌ണ ഉച്ചമർദ്ദ മേഖല (Subtropical High Pressure Belt)

• ഭൂമധ്യരേഖയ്ക്ക് 30° വടക്കും 30° തെക്കും അക്ഷാംശങ്ങളിൽ സ്ഥിതി ചെയ്യുന്ന മർദ്ദമേഖലകൾ.

• മധ്യരേഖാ പ്രദേശത്തു നിന്നു ചൂടുപിടിച്ച് ഉയരുന്ന വായു ക്രമേണ തണുത്ത് ഭൂഭ്രമണത്തിൻ്റെ സ്വാധീനത്താൽ ഉപോഷ്‌ണ മേഖലയിൽ എത്തുമ്പോഴേക്കും താഴുന്നു. അതിനാൽ ഈ മേഖലയിൽ ഉച്ചമർദം അനുഭവപ്പെടുന്നു.

• ഹോഴ്‌സ് ലാറ്റിറ്റ്യൂഡ് എന്നറിയുന്നു

• കപ്പലുകൾക്ക് തിരശ്ചീന തലത്തിലെ കാറ്റിന്റെ അഭാവം കാരണം 30º ഉത്തര അക്ഷാംശത്തോട് ചേർന്നുള്ള ഭാഗം കടക്കാൻ പ്രയാസമായിരുന്നു.

• ഭാരം കുറയ്ക്കാൻ വേണ്ടി കുതിരകളെ കടലിലിറക്കിയതിന് ശേഷം കപ്പൽ യാത്ര തുടരുമായിരുന്നു. 

• കുതിരകളെ കടലിലിറക്കേണ്ടി വരുന്ന ഈ നിർവ്വാത മേഖലയ്ക്ക് കുതിര അക്ഷാംശം (ഹോഴ്‌സ് ലാറ്റിറ്റ്യൂഡ്) എന്ന പേര് വന്നത്.