മരണമോ അതിഭീകരമായ അനുഭവങ്ങളോ ഏതു നിമിഷവും വന്നുചേരുമെന്ന വ്യാകുലതയിലുള്ളവർ ഏതുതരം വൈകാരിക രോഗമാണ് പ്രകടിപ്പിക്കുന്നത് ?
Aഉത്കണ്ഠ
Bനിരാശ
Cആക്രമണം
Dസമ്മർദ്ദം
Answer:
A. ഉത്കണ്ഠ
Read Explanation:
ഉത്കണ്ഠ (Anxiety)
- ഉത്കണ്ഠ എന്നത് എല്ലാ മനുഷ്യരിലും കാണപ്പെടുന്ന ഒരു വൈകാരിക പ്രതിഭാസമാണ്.
- പലവിധത്തിലാണ് ഓരോ മനുഷ്യരിലും ഉത്കണ്ഠ അനുഭവപ്പെടുന്നത്.
- അവ്യക്തമായ കാരണങ്ങളാലോ അസ്വസ്ഥമായ ചിന്തകൾ കൊണ്ടോ ഉണ്ടാകുന്ന വൈകാരിക അനുഭവമാണ് ഉത്കണ്ഠ എന്ന് നിർവ്വചിക്കാം.
- ഒരു വ്യക്തിയുടെ സ്വാഭാവിക പ്രവർത്തനങ്ങളെയും ജീവിതത്തെയും മോശമായി ബാധിക്കുന്ന വിധം ഉത്കണ്ഠ വളർന്ന് വഷളാകുമ്പോൾ അത് രോഗമാകുന്നു.
- നിസ്സാരകാര്യങ്ങൾ പോലും ചെയ്തു തീർക്കുന്നതിൽ ഉത്കണ്ഠാരോഗമുള്ളവർക്ക് വലിയ ബുദ്ധിമുട്ടനുഭവപ്പെടും.
- ദിവസേന ചെയ്യുന്ന കാര്യങ്ങളിൽ അമിതമായി ഉത്കണ്ഠ അനുഭവിക്കുന്ന അവസ്ഥ ജോലിയെയും കുടുംബജീവിതത്തെയും സാമൂഹിക ഇടപെടലുകളെയും എല്ലാം കാര്യമായിബാധിക്കും. കാലക്രമേണ ഈ ജീവിതം സുരക്ഷിതമല്ലാത്ത ഒന്നാണെന്നും എന്ത് അപകടവും എപ്പോൾ വേണമെങ്കിലും സംഭവിക്കാം എന്ന ഭീതി നിറഞ്ഞ മാനസികാവസ്ഥയിലേക്ക് ഇത്തരം രോഗാവസ്ഥയുള്ളവർ മാറുകയും ചെയ്യും.
- മരണമോ അതിഭീകരമായ അനുഭവങ്ങളോ ഏതു നിമിഷവും വന്നുചേരുമെന്ന വ്യാകുലതയിലായിരിക്കും ഉത്കണ്ഠാരോഗമുള്ളവർ.
- എന്നാൽ യഥാർത്ഥത്തിൽ അങ്ങനെ ഒരവസ്ഥ ആ സമയം നിലനിൽക്കുന്നുണ്ടാവില്ല. വ്യാകുലത മൂലം മനസ്സിനെ സ്വസ്ഥമാക്കാനോ സന്തോഷം അനുഭവിക്കാനോ അവർക്കാവില്ല.
- ഉത്കണ്ഠമൂലം ഒരു വ്യക്തിക്ക് തീരുമാനം എടുക്കാൻ കഴിയാതെ അനിശ്ചിതത്വം തുടരുകയും മറ്റുള്ളവർ അവർക്കു വേണ്ടി തീരുമാനം എടുക്കേണ്ടിവരികയും ചെയ്യുന്ന അവസ്ഥയുണ്ടാകാറുണ്ട്.
- ഉത്കണ്ഠയുള്ള മാതാപിതാക്കളെ കണ്ടു കുട്ടികളും അതേപോലെ ലക്ഷണങ്ങൾ പ്രകടമാക്കാനുള്ള സാഹചര്യവുമുണ്ട്.