Question

രക്ഷാകർതൃ വിദ്യാഭ്യാസത്തിൻറെ പ്രധാന ലക്ഷ്യം എന്താണ് ?

• A. അധ്യാപക വിദ്യാർത്ഥി ബന്ധം സുദൃഢമാക്കുക
• B. വിദ്യാലയ വികസനത്തിൽ രക്ഷാകർത്താക്കളുടെ സഹകരണം ഉറപ്പാക്കുക
• C. ഭിന്നശേഷിയുള്ള കുട്ടികളുടെ സമഗ്ര വികസനത്തിനായി അവരുടെ രക്ഷിതാക്കൾക്ക് ആത്മബലം നൽകുക
• D. വിദ്യാഭ്യാസം ഗുണമേന്മയുള്ളതും കാര്യക്ഷമതയുള്ളതുമാക്കി മാറ്റിയെടുക്കാൻ രക്ഷാകർത്താക്കളുടെ സഹായം ഉറപ്പുവരുത്തുക

Answer 1

Answer:

C. ഭിന്നശേഷിയുള്ള കുട്ടികളുടെ സമഗ്ര വികസനത്തിനായി അവരുടെ രക്ഷിതാക്കൾക്ക് ആത്മബലം നൽകുക

ഭിന്നശേഷിക്കാർ

ശാരീരികവും ബുദ്ധിപരവും വൈകാരികവുമായ ഏതെങ്കിലും ന്യൂനതയോ തകരാറോ കാരണം മറ്റ് സമപ്രായക്കാരുടെ പോലെ ദൈനംദിന പ്രവർത്തനങ്ങൾ നടത്താൻ കഴിയാത്തവരാണ് - ഭിന്നശേഷിക്കാർ

 

ഭിന്നശേഷിക്കാരുടെ പരിമിതികൾ

1. ചലനപരമായ പ്രശ്നങ്ങൾ കാരണം ദൈനംദിന കാര്യങ്ങൾ സ്വതന്ത്രമായി ചെയ്യാൻ സാധിക്കുകയില്ല.
2. ബുദ്ധിപരമായ പരിമിതിമൂലം വിവേകത്തോടെ പെരുമാറാൻ കഴിയാറില്ല. വരും വരായ്കകൾ മനസ്സിലാക്കാതെ പ്രവർത്തിക്കുക കാരണം അപകടങ്ങൾക്ക് സാധ്യത ഏറുന്നു.
3. സാമൂഹ്യ നിയമങ്ങൾ പാലിച്ചു കൊണ്ട് പെരുമാറാൻ കഴിയാതിരിക്കുക. 
4. വികാരങ്ങളെ നിയന്ത്രിക്കാൻ കഴിയാതിരിക്കുക. 

ക്ലാസ് മുറിയിൽ ബുദ്ധിപരമായ പരിമിതികൾ ഉള്ള കുട്ടികളെ കണ്ടെത്തുന്നതിന് സഹായകമാകുന്ന ലക്ഷണങ്ങൾ 

• വളർച്ചയുടെ വിവിധ ഘട്ടങ്ങളിൽ (Mile Stones of Development - ഇരിക്കൽ, നടക്കൽ, സംസാരിക്കൽ തുടങ്ങിയവ) കാല താമസം ഉണ്ടാകുക. 
• മുഖത്തു കാണുന്ന അസ്വാഭാവികത
• ഭക്ഷണം സ്വയം കഴിക്കാതിരിക്കുക
• നിർദേശങ്ങൾക്കനുസരിച്ച് പ്രവർത്തിക്കുന്നതിന് ബുദ്ധിമുട്ടു പ്രകടിപ്പിക്കുക.
• വായിൽ നിന്ന് എപ്പോഴും ഉമിനീർ ഒഴുകുക.
• പെട്ടെന്നു ദേഷ്യപ്പെടുകയും വികാരങ്ങൾ നിയന്ത്രിക്കാൻ കഴിയാതിരിക്കുകയും ചെയ്യുക.