വൈകാരിക മണ്ഡലത്തിലേക്ക് ബെഞ്ചമിൻ ബ്ലൂം നിർണയിച്ച ബോധനോദ്ദേശ്യങ്ങളിൽ പെടാത്തത് ഏത് ?
Aഅഭിഭാവം
Bമൂല്യങ്ങൾ
Cആസ്വാദനം
Dഅവധാരണം
Answer:
D. അവധാരണം
Read Explanation:
- അമേരിക്കയിലെ വിദ്യാഭ്യാസ മനശാസ്ത്രജ്ഞൻ ആണ് ബെഞ്ചമിൻ സാമുവൽ ബ്ലൂം. അദ്ദേഹം ആവിഷ്കരിച്ച ഉദ്ദേശ്യാധിഷ്ഠിത ബോധനത്തിന് ആധാരമായ മുഖ്യ ഗ്രന്ഥമാണ് ടാക്സോണമി ഓഫ് എഡ്യൂക്കേഷൻ ഓബ്ജക്റ്റീവ്സ്.
വൈകാരിക മേഖല (Affective Domain)
- വ്യക്തി എങ്ങനെ വികാരപരമായി പ്രതികരിക്കുന്നു എന്നതാണ് ഈ ഘട്ടത്തിൽ പരിശോധിക്കുന്നത്.
- വസ്തുതയോടുള്ള ആസ്വാദനം, താല്പര്യം, മനോഭാവം, മൂല്യം എന്നിവ ഈ ഘട്ടത്തിൽ പരിശോധിക്കുന്നു.
- ഈ ഘട്ടത്തിൽ പ്രധാനമായും അഞ്ച് ഉപവിഭാഗങ്ങളാണുള്ളത്.
- ഒരു പ്രത്യേക പ്രതിഭാസത്തെയോ ചോദകത്തെയോ ശ്രദ്ധിക്കാനുള്ള പഠിതാവിന്റെ സന്നദ്ധതയാണ് - സ്വീകരണം (Receiving)
- പഠനപ്രക്രിയയിൽ പഠിതാവിന്റെ സജീവമായ പങ്കാളിത്തമാണ് - പ്രതികരണം (Responding)
- പഠിതാവ് ഒരു പ്രത്യേക പദാർത്ഥത്തിനോ, പ്രതിഭാസത്തിനോ വ്യവഹാരത്തിനോ കൽപിക്കുന്ന മൂല്യവുമായി ബന്ധപ്പെട്ടിരിക്കുന്നതാണ് - വിലകൽപിക്കൽ (Valuing)
- വിവിധ മൂല്യങ്ങളെ, അവ തമ്മിലുള്ള പൊരുത്തക്കേടുകൾ പരിഹരിച്ച് ഒത്തിണക്കുന്നതാണ് - സംഘാടനം / ഒത്തിണക്കം (Organisation)
- വ്യക്തി തന്റെ വ്യവഹാരങ്ങളെ ദീർഘമായ കാലയളവിൽ നിയന്ത്രിച്ചു പോരുന്ന ഒരു മൂല്യസംഘാതം ഉൾക്കൊണ്ടുകഴിഞ്ഞിരിക്കുന്നതാണ് - മൂല്യത്തിന്റെയോ സംഘാതത്തിന്റെയോ ഫലമായി നടക്കുന്ന സ്വാഭാവിക വ്യവഹാര ശൈലീരൂപവൽക്കരണം (Characterisation by a value complex)