Question

ഹൊവാർഡ് ഗാർഡ്‌നറുടെ അഭിപ്രായത്തിൽ ഒരുവന് മറ്റുള്ളവരുടെ വികാര വിചാരങ്ങൾ മനസ്സിലാക്കുക വഴി അവരുമായി നല്ലതുപോലെ ഇടപഴകുവാൻ സാധിക്കുന്ന ബുദ്ധി ശക്തി ഏതാണ് ?

• A. വ്യക്ത്യാന്തര ബുദ്ധി
• B. പ്രകൃതിപരമായ ബുദ്ധി
• C. യുക്തിചിന്തപരവും ഗണിതപരവുമായ ബുദ്ധി
• D. ആന്തരീക വൈയക്തിക ബുദ്ധി

Answer 1

Answer:

A. വ്യക്ത്യാന്തര ബുദ്ധി

• വ്യക്ത്യാന്തര ബുദ്ധി (Interpersonal intelligence): ഇത് ഹവാർഡ് ഗാർഡ്നറുടെ ബഹുമുഖ ബുദ്ധി സിദ്ധാന്തത്തിലെ (Theory of Multiple Intelligences) ഒരു പ്രധാന ഘടകമാണ്. മറ്റുള്ളവരുടെ വികാരങ്ങൾ, ലക്ഷ്യങ്ങൾ, സ്വഭാവരീതികൾ എന്നിവ മനസ്സിലാക്കാനുള്ള കഴിവാണ് ഇത്. നല്ല സാമൂഹിക ബന്ധങ്ങൾ സ്ഥാപിക്കുന്നതിനും കൂട്ടായി പ്രവർത്തിക്കുന്നതിനും ഈ ബുദ്ധിയുള്ളവർക്ക് എളുപ്പത്തിൽ സാധിക്കുന്നു. അധ്യാപകർ, രാഷ്ട്രീയക്കാർ, കൗൺസിലർമാർ എന്നിവർക്ക് ഈ ബുദ്ധി കൂടുതലായി കാണാറുണ്ട്.

• ആന്തരിക വൈയക്തിക ബുദ്ധി (Intrapersonal intelligence): ഇത് സ്വന്തം വികാരങ്ങളെയും ലക്ഷ്യങ്ങളെയും കഴിവുകളെയും മനസ്സിലാക്കാനുള്ള കഴിവാണ്. ഇത് മറ്റുള്ളവരുമായി ബന്ധപ്പെട്ടതല്ല, മറിച്ച് വ്യക്തിഗതമായ കാര്യങ്ങളുമായി ബന്ധപ്പെട്ടതാണ്.

• യുക്തി ചിന്തന / ഗണിതപര ബുദ്ധി: വസ്തുക്കൾ, സംഭവങ്ങൾ എന്നിവയിൽ നിലനിൽക്കുന്ന ബന്ധങ്ങൾ കണ്ടെത്തുന്നതിനും, കാര്യങ്ങളെ യുക്തിപരവും, ഗണിതാത്മകമായും സമീപിക്കുന്നതിനുമുള്ള ബുദ്ധി.

• ഗണിത ശാസ്ത്രജ്ഞർ, അക്കൗണ്ടന്റ്, കമ്പ്യൂട്ടർ പ്രോഗ്രാമർ, ഗവേഷകർ, ശാസ്ത്രജ്ഞർ തുടങ്ങിയവർ ഇതിൽ ഉൾപ്പെടുന്നു.

• യുക്തി ചിന്തനത്തിനും, പരസ്പര ബന്ധം കണ്ടെത്താനും, പ്രശ്ന പരിഹാരശേഷിക്കും സഹായകം.

• പ്രകൃതിപരമായ ബുദ്ധി (Naturalistic intelligence): ഇത് പ്രകൃതിയെയും അതിലെ ജീവജാലങ്ങളെയും മനസ്സിലാക്കാനുള്ള കഴിവാണ്. കർഷകർ, സസ്യശാസ്ത്രജ്ഞർ, പരിസ്ഥിതി പ്രവർത്തകർ എന്നിവർക്ക് ഈ ബുദ്ധി കൂടുതലായിരിക്കും.