Question

അന്തരീക്ഷത്തിലെ ഒരു ഘടകമായ പൊടിപടലങ്ങളുമായി (Dust Particles) ബന്ധപ്പെട്ട ശരിയായ പ്രസ്താവനകൾ തിരഞ്ഞെടുക്കുക

1. സാധാരണയായി കണ്ടുവരുന്നത് അന്തരീക്ഷത്തിന്റെ ഭൗമോപരിതലത്തിനോടടുത്ത ഭാഗങ്ങളിലാണ്
2. താപസംവഹന പ്രക്രിയയിലൂടെയാണ് ഇവ മുകളിലേക്കെത്തുന്നത്
3. അന്തരീക്ഷത്തിൽ ഘനീകരണ മർമങ്ങളായി (Hydroscopic nuclei) വർത്തിക്കുന്നു

• A. എല്ലാം ശരി
• B. i മാത്രം ശരി
• C. ii മാത്രം ശരി
• D. iii മാത്രം ശരി

Answer 1

Answer:

A. എല്ലാം ശരി

പൊടിപടലങ്ങൾ (Dust Particles)

• വ്യത്യസ്ത സ്രോതസ്സുകളിൽ നിന്ന് അന്തരീക്ഷത്തിലേക്ക്  എത്തിച്ചേരുന്നു 
• കടലുപ്പ്, ചാരം, പൂമ്പൊടി, ഉൽക്കാശകലങ്ങൾ, നേർത്ത മൺതരികൾ തുടങ്ങിയ ചെറിയ ഖരപദാർഥങ്ങളാണ്  സാധാരണയായി അന്തരീക്ഷം ഉൾക്കൊള്ളുന്ന പൊടിപടലങ്ങൾ.
• അന്തരീക്ഷത്തിന്റെ ഭൗമോപരിതലത്തിനോടടുത്ത ഭാഗങ്ങളിലാണ് സാധാരണയായി പൊടിപടലങ്ങൾ കണ്ടുവരുന്നത്.
• താപസംവഹന പ്രക്രിയയിലൂടെ ഈ ധൂളികണങ്ങൾ ഉയരങ്ങളിലെത്തുന്നു.
• ഉപോഷ്ണമേഖല പ്രദേശങ്ങളിലും മിതോഷ്ണമേഖലാ പ്രദേശങ്ങളിലും വീശുന്ന വരണ്ട കാറ്റു മൂലം ഈ പ്രദേശങ്ങളിലെ അന്തരീക്ഷത്തിൽ ഭൂമധ്യ രേഖാപ്രദേശങ്ങളെ അപേക്ഷിച്ച് പൊടിപടലങ്ങൾ കൂടുതലായി കാണപ്പെടുന്നു.
• അന്തരീക്ഷത്തിൽ ഘനീകരണ മർമങ്ങളായി (Hydroscopic nuclei) വർത്തിക്കുന്ന പൊടിപടലങ്ങളെ ചുറ്റി നീരാവി ഘനീഭവിച്ചാണ് മേഘങ്ങൾ രൂപംകൊള്ളുന്നത്