ഭൂമിക്കുള്ളിലെ സംവഹനപ്രവാഹത്തിനാവശ്യമായ ഊഷ്‌മാവ് നൽകികൊണ്ട് ആദിമകാലത്തെ ഭൗമതാപത്തിന്റെ അവശേഷിപ്പുകൾ ഇന്നും ഭൂമിക്കുള്ളിൽ അവശേഷിക്കുന്നു.ഇതിനെ അറിയപ്പെടുന്നത്?
Aഭൗമ വികിരണം
Bഗീസർ
Cആണവ അപചയം
Dഅവക്ഷിപ്ത താപം
Answer:
D. അവക്ഷിപ്ത താപം
Read Explanation:
സംവഹനപ്രവാഹം
- കാഠിന്യമുള്ള ശിലാമണ്ഡലഫലകങ്ങൾക്കു താഴെ, ശിലാദ്രവം ചാക്രിക ചലനത്തിന് വിധേയമാകുന്നു.
- ചുട്ടു പഴുത്ത മാഗ്മ ഉയർന്നുവരികയും വ്യാപിക്കുകയും ചെയ്യുന്നതിനെത്തുടർന്ന് തണുക്കാൻ തുടങ്ങുകയും വീണ്ടും ആഴങ്ങളിലേക്കാണ്ടു പോവുകയും ചെയ്യുന്നു.
- നിരന്തരം നടക്കുന്ന ഈ പ്രക്രിയയെ ശാസ്ത്രജ്ഞർ സംവഹനപ്രവാഹം എന്നാണ് വിശേഷിപ്പിക്കുന്നത്.
- ശിലാമണ്ഡലഫലകങ്ങളുടെ ചലനത്തിന് കാരണമാകുന്നത് ഇങ്ങനെ സംഭവിക്കുന്ന സംവഹനപ്രവാഹമാണ്
- സംവഹനപ്രവാഹത്തിനാവശ്യമായ ഊഷ്‌മാവ് പ്രധാനമായും രണ്ട് സ്രോതസുകളിൽനിന്നുമാണ് ലഭിക്കുന്നത് :
- ആണവ അപചയം വഴിയും
- അവക്ഷിപ്ത ഊഷ്‌മാവിലൂടെയും
ആണവ അപചയം
- പ്രകൃതിയിലെ ചില ധാതുക്കൾ സ്വയം ഊർജം നഷ്ടപ്പെടുത്തി നശിക്കുന്ന സ്വഭാവത്തോടുകൂടിയവയാണ്.
- വൻതോതിൽ ഊർജം നഷ്ട‌പ്പെടുത്തിക്കൊണ്ട് കാലാന്തരത്തിൽ ഇല്ലാതെയാകുന്ന പ്രക്രിയയാണ് ആണവ അപചയം.
- യുറേനിയം - 238, പൊട്ടാസ്യം - 40, തോറിയം - 232 എന്നിങ്ങനെയുള്ള ധാതുകൾക്ക് അണുവികിരണശേഷിയുണ്ട്
- ഈ ധാതുക്കളുടെ സാന്നിധ്യമാണ് ഭൂമിയുടെ ഉള്ളിലെ വർധിച്ച താപത്തിൻ്റെ ഒരു സ്രോതസ്സ്.
അവക്ഷിപ്ത താപം
- ഭൂമി രൂപംകൊണ്ട സമയത്ത് ചുട്ടുപഴുത്ത വാതക ഗോളമായിരുന്നു.
- അത് സാവധാനം തണുത്തത്തിന്റെ ഫലമാണ് ഭൂമുഖം ഇന്നു കാണുന്ന തരത്തിലായത്.
- ആദിമകാലത്തെ ഭൗമതാപത്തിന്റെ ബാക്കിപത്രം ഇന്നും ഭൂമിക്കുള്ളിൽ അവശേഷി ക്കുന്നു. ഇതാണ് അവക്ഷിപ്ത താപം.