Question

ആറ്റത്തിൽ ഭൂരിഭാഗവും ശൂന്യമാണെന്നും, പോസിറ്റീവ് ചാർജ് മുഴുവൻ കേന്ദ്രീകരിച്ച് ഒരു ഭാഗമുണ്ടെന്ന് സമർഥിക്കുകയും . ഇത് അറ്റത്തിന്റെ ന്യൂക്ലിയസ് ആണെന്നും പറഞ്ഞ ശാസ്ത്രജ്ഞൻ ആര് ?

• A. ഏണസ്റ്റ് റുഥർഫോർഡ്
• B. ജെയിംസ് ചാഡ് വിക്ക്
• C. വില്വം റോൺട്ജൻ
• D. ജെ ജെ തോംസൺ

Answer 1

Answer:

A. ഏണസ്റ്റ് റുഥർഫോർഡ്

ഏണസ്റ്റ് റുഥർഫോർഡ് (1871 - 1937)

• ഇലക്ട്രോണിന്റെ കണ്ടെത്തലോടുകൂടി ആറ്റത്തിലെ മറ്റു കണങ്ങളെക്കുറിച്ചുള്ള അന്വേഷണം ഊർജിതമായി.
•  പദാർഥങ്ങളിൽ പോസിറ്റീവ് ചാർജിന്റെ സാന്നിദ്ധ്യമുണ്ടെന്ന് വളരെ മുമ്പുതന്നെ തിരിച്ചറിഞ്ഞിരുന്നെങ്കിലും, ആധികാരികമായി തെളിയിച്ചത് റൂഥർഫോർഡാണ്. 
• വളരെ നേർത്ത സ്വർണ്ണത്തകിടിലൂടെ പോസിറ്റീവ് ചാർജുള്ള ആൽഫാ കണങ്ങൾ കടത്തിവിട്ടാണ് അദ്ദേഹം പരീക്ഷണം നടത്തിയത്.
• സ്വർണ്ണത്തകിടിലൂടെ പുറത്തു വരുന്ന ആൽഫാ കണങ്ങൾ വൃത്താകൃതിയിൽ ക്രമീകരിച്ച ഒരു ഫോട്ടോഗ്രാഫിക് ഫിലിമിൽ പതിപ്പിച്ചു. 
• ഇതിന്റെ നിരീക്ഷണ ഫലങ്ങൾ വിശകലനം ചെയ്താണ് നിഗമനങ്ങൾ രൂപീകരിച്ചത്.
• ആറ്റത്തിൽ ഭൂരിഭാഗവും ശൂന്യമാണെന്നും, പോസിറ്റീവ് ചാർജ് മുഴുവൻ കേന്ദ്രീകരിച്ച് ഒരു ഭാഗമുണ്ടെന്നും അദ്ദേഹം സമർഥിച്ചു. ഈ കേന്ദ്രമാണ് അറ്റത്തിന്റെ ന്യൂക്ലിയസ്
• 1911ൽ ആറ്റത്തിൽ പോസിറ്റിവ് ചാർജുള്ള കേന്ദ്രമുണ്ടെന്നത് ശാസ്ത്രലോകം അംഗീകരിച്ചു. 
• 1920 ൽ പോസിറ്റീവ് ചാർജിന് കാരണമായ കണങ്ങൾ പ്രോട്ടോൺ ആണെന്ന് തെളിയിക്കപ്പെട്ടു.
• ഇതിന്റെ ചാർജ് ഒരു ഇലക്ട്രോണിന്റെ ചാർജിനുതുല്യവും വിപരീതവുമാണെന്നു കണ്ടെത്തി
• പ്രോട്ടോണിന്റെ മാസ് ഒരു ഹൈഡ്രജൻ ആറ്റത്തിന്റെ മാസിനു തുല്യമാണെന്നും നിർണയിച്ചു
• ന്യൂക്ലിയസിൽ ചാർജില്ലാത്ത ഒരു കണത്തിന്റെ സാന്നിധ്യമുണ്ടാകാമെന്ന് പ്രവചിച്ചു