ഇന്ത്യ സന്ദർശിച്ച ഫ്രഞ്ച് ആഭരണ വ്യവസായിയായിരുന്നു ?
Aജെസ്യുട്ട് റോബർട്ടോ
Bടവർണിയർ
Cബാർബോസ
Dമനൂച്ചി
Answer:
B. ടവർണിയർ
Read Explanation:
ജീൻ ബാപ്തിസ്തേ ടാവർണിയർ
- പതിനേഴാം നൂറ്റാണ്ടിലെ ഒരു ഫ്രഞ്ച് രത്ന വ്യാപാരിയും സഞ്ചാരിയുമായിരുന്നു.
- ഇദ്ദേഹത്തിന്റെ ആദ്യയാത്ര 1631ൽ കോൺസ്റ്റാന്റിനോപ്പിൾ വഴി പേർഷ്യയിലേക്കും അതുവഴി ഇറ്റലിയിലേക്കുമായിരുന്നു.
- 1638ൽ ആരംഭിച്ച രണ്ടാമത്തെ പര്യടനത്തിൽ പേർഷ്യയിലെത്തിയശേഷം അവിടെ നിന്നും ഇന്ത്യയിലേക്കു തിരിച്ചു.
- മൂന്നാമത്തെ പര്യടനത്തിൽ (1643 ) ഇന്ത്യയിലും തുടർന്ന് ജാവ വരെയും സഞ്ചരിച്ചു.
- 1663ൽ നടത്തിയ നാലാമത്തെ പര്യടനത്തിലും ഇദ്ദേഹം ഇന്ത്യയിലെത്തിയിരുന്നു.
- ഷാജഹാന്റെയും അദ്ദേഹത്തിൻറെ പുത്രൻ ഔറംഗസേബിന്റെയും ഭരണകാലത്താണ് പലതവണകളായി ടാവർണിയർ ഇന്ത്യ സന്ദർശിച്ചത്.
- ആകെ 6 തവണ ഇദ്ദേഹം ഇന്ത്യ സന്ദർശിച്ചിട്ടുള്ളതായി കണക്കാക്കപ്പെടുന്നു,
- ഇന്ത്യയിൽ മുഗൾ രാജ സദസ്സ് ഗോവ, സൂററ്റ്, ആഗ്ര, ഗോൽക്കൊണ്ട എന്നീ പ്രദേശങ്ങൾ ഇദ്ദേഹം സന്ദർശിച്ചിട്ടുണ്ട്.
- സിക്സ് വോയേജസ് (1676) എന്ന പ്രശസ്തമായ യാത്രാ വിവരണഗ്രന്ഥം ടാവർണിയർ രചിച്ചതാണ്.