Question

ഉപോഷ്ണ ഉച്ചമർദമേഖലയിൽ നിന്നും വീശി ഉയരുന്ന ചൂടുവായുവും ധ്രുവങ്ങളിൽ നിന്നും വീശി താഴുന്ന ശീത വായുവും മധ്യഅക്ഷാംശമേഖലയിൽ സൃഷ്‌ടിക്കുന്ന ചംക്രമണമാണ് :

• A. ഹാഡ്ലി സെൽ
• B. ധ്രുവീയ സെൽ
• C. ഫെറൽ സെൽ
• D. ജെറ്റ് പ്രവാഹം

Answer 1

Answer:

C. ഫെറൽ സെൽ

അന്തരീക്ഷത്തിൻ്റെ പൊതുചംക്രമണം

• ആഗോളവാതകങ്ങളുടെ സഞ്ചാരക്രമമാണ് അന്തരീക്ഷ പൊതുസംക്രമണം (Atmospheric Circulation).

• ഭൗമോപരിതലത്തിൽ നിന്നും മുകളിലേക്കും തിരികെയുമുള്ള വായുവിന്റെ ചാക്രികഗതിയെ ചംക്രമണ കോശങ്ങൾ (Cells) എന്നുവിളിക്കുന്നു.

ആഗോളവാതകങ്ങളുടെ ക്രമം ആശ്രയിച്ചിരിക്കുന്ന ഘടകങ്ങൾ :

• വിവിധ അക്ഷാംശങ്ങളിൽ അന്തരീക്ഷം ചൂടുപിടിക്കുന്നതിലെ ഏറ്റക്കുറച്ചിൽ 

• മർദമേഖലകളുടെ ആവിർഭാവം 

• സൂര്യൻ്റെ ആപേക്ഷികമാറ്റത്തിനനുസരിച്ച് മർദമേഖലകൾക്കുണ്ടാകുന്ന സ്ഥാനമാറ്റം 

• വൻകരകളുടെയും സമുദ്രങ്ങളുടെയും വിതരണം 

• ഭൂമിയുടെ ഭ്രമണം

• ഉഷ്ണമേഖലയിലെ ചംക്രമണകോശം അറിയപ്പെടുന്നത് ഹാഡ്‌ലി ചംക്രമണകോശം (Hadley Cells)

• മധ്യമേഖലയിലേയ്ക്ക് വീശുന്ന വാണിജ്യവാതങ്ങൾ ഡോൾഡ്രമ്മിലെത്തി മുകളിലേയ്ക്ക് ഉയരുകയും ഉയർന്ന വിതാനങ്ങളിലൂടെ ഇരുവശവുമുള്ള 30° അക്ഷാംശങ്ങളിലേക്ക് ചെന്ന് തണുത്ത് ഊർന്നിറങ്ങുകയും ചെയ്യുന്നതിൻ്റെ ഒരു ഭാഗം വീണ്ടും വാണിജ്യവാതങ്ങളായി ഭൂമധ്യരേഖയെ ലക്ഷ്യമാക്കി വീശുന്നു. 

• ഉഷ്ണമേഖലയിലെ ഈ വായുചംക്രമണങ്ങളാണ് ഹാഡ്‌ലി സെൽ.

• ഉപോഷ്ണ ഉച്ചമർദമേഖലയിൽ നിന്നും വീശി ഉയരുന്ന ചൂടുവായുവും ധ്രുവങ്ങളിൽ നിന്നും വീശി താഴുന്ന ശീത വായുവും മധ്യഅക്ഷാംശമേഖലയിൽ സൃഷ്‌ടിക്കുന്ന ചംക്രമണമാണ് ഫെറൽ സെൽ (Ferrel Cell)

• ഭൗമോപരിതലത്തിൽ ഈ കാറ്റിനെ പശ്ചിമവാതമെന്ന് വിളിക്കുന്നു.

• ധ്രുവപ്രദേശങ്ങളിൽ താഴ്ന്നിറങ്ങുന്ന തണുത്തുറഞ്ഞ സാന്ദ്രത കൂടിയ വായു മധ്യ അക്ഷാംശപ്രദേശത്തിലേക്ക് ധ്രുവീയപൂർവവാതങ്ങളായി (Easterly winds) വീശുന്നു. ഇതാണ് ധ്രുവീയചംക്രമണകോശം (Polar Cell).

• മൂന്ന് ചംക്രമണകോശങ്ങളും ചേർന്ന് അന്തരീക്ഷത്തിന്റെ പൊതുചംക്രമണക്രമം നിശ്ചയിക്കുന്നു.