Question

ഒന്നാം കോണ്ടിനെന്റൽ കോൺഗ്രസുമായി ബന്ധപ്പെട്ട ശരിയായ പ്രസ്താവനകൾ തിരഞ്ഞെടുക്കുക:

1. 1774 ൽ ഫിലാഡൽഫിയയിലാണ് സമ്മേളിച്ചത്
2. ബ്രിട്ടനിലെ രാജാവിനെയും പാർലമെൻ്റിനെയും ജനങ്ങളെയും അഭിസംബോധന ചെയ്തു മൂന്നു പ്രമേയങ്ങൾ പാസാക്കി
3. പതിമൂന്ന് കോളനികളുടെയും പ്രതിനിധികൾ പങ്കെടുത്തു

• A. എല്ലാം
• B. 1, 2 എന്നിവ
• C. 2, 3
• D. ഇവയൊന്നുമല്ല

Answer 1

Answer:

B. 1, 2 എന്നിവ

ഒന്നാം കോണ്ടിനെന്റൽ കോൺഗ്രസ്

• മാതൃരാജ്യമായ ഇംഗ്ലണ്ടിന്റെ നയങ്ങൾക്കും നിയമങ്ങൾക്കുമെതിരെ പ്രതികരിക്കാനായി ജോർജിയ ഒഴികെയുള്ള കോളനികളുടെ പ്രതിനിധികൾ 1774 ൽ ഫിലാഡൽഫിയയിൽ സമ്മേളിച്ചു.
• ഇത് ഒന്നാം കോണ്ടിനെന്റൽ കോൺഗ്രസ് എന്നറിയപ്പെടുന്നു.
• തുടർന്ന് വ്യവസായങ്ങൾക്കും വ്യാപാരത്തിനും ഏർപ്പെടുത്തിയിട്ടുള്ള നിയന്ത്രണങ്ങൾ നീക്കണമെന്നും തങ്ങളുടെ അംഗീകാരമില്ലാതെ നികുതി ചുമത്തരുതെന്നും ആവശ്യപ്പെട്ട് കോളനിജനത ഇംഗ്ലണ്ടിലെ രാജാവിന് നിവേദനം നൽകി.
• ബ്രിട്ടനിലെ രാജാവിനെയും പാർലമെൻ്റിനെയും ജനങ്ങളെയും അഭിസംബോധന ചെയ്തു മൂന്നു പ്രമേയങ്ങൾ പാസാക്കി
• എന്നാൽ രാജാവ് ജനങ്ങളെ അടിച്ചമർത്താനായി സൈന്യത്തെ അയച്ചു.
• കൊളോണിയൽ പ്രതിഷേധങ്ങളെ  അടിച്ചമർത്താനും, കോളനിക്കാർ  സംഭരിച്ച ആയുധങ്ങളും വസ്തുക്കളും പിടിച്ചെടുക്കാനും മസാച്യുസെറ്റ്സിലെ ബ്രിട്ടീഷ് സൈനിക കമാൻഡർ ജനറൽ തോമസ് ഗേജിന് രാജാവ് ഉത്തരവ് നൽകി. 
• ഇത് ഇംഗ്ലണ്ടും കോളനികളും തമ്മിലുള്ള യുദ്ധത്തിന് വഴിതെളിച്ചു.