Question

ഡാനിയൽ ഗോൾമാൻ മുന്നോട്ടുവെച്ച വൈകാരിക ബുദ്ധി (Emotional intelligence) യുടെ അടിസ്ഥാന ഘടകങ്ങളിൽ പെടാത്തത് ഏത് ?

• A. സ്വാവബോധം (Self awareness)
• B. അനുപാതം(Empathy)
• C. ആത്മബോധം (Self esteem)
• D. അഭിപ്രേരണ (Self motivation)

Answer 1

Answer:

C. ആത്മബോധം (Self esteem)

വൈകാരിക ബുദ്ധി (Emotional Intelligence)

• വൈകാരിക അവസ്ഥകളെ ബുദ്ധിപരമായി നിയന്ത്രിക്കാനുള്ള കഴിവാണ് വൈകാരിക ബുദ്ധി എന്നതുകൊണ്ട് അർത്ഥമാക്കുന്നത്. അതായത് ഒരു വ്യക്തിക്ക് തൻറെയും മറ്റുള്ളവരുടേയും വൈകാരിക അവസ്ഥകളെ തിരിച്ചറിയാനും വ്യക്തിബന്ധങ്ങൾ മെച്ചപ്പെടുത്താനുമുള്ള പ്രചോദനമായി തിരിച്ചറിവിനെ ഉപയോഗപ്പെടുത്താനുള്ള സാമൂഹ്യമായ ബുദ്ധിശക്തിയെ വൈകാരിക ബുദ്ധി എന്നു പറയുന്നു.

• വൈകാരിക ബുദ്ധി എന്ന ആശയം അവതരിപ്പിച്ചത് പീറ്റര്‍ സലോവയാണ് .

• 1995 ഡാനിയേൽ ഗോൾമാൻ്റെ  Emotional Intelligence എന്ന പുസ്തകത്തിലൂടെ വൈകാരിക ബുദ്ധിയെ കുറിച്ച് കൂടുതൽ വിവരങ്ങൾ ലഭിച്ചു. അങ്ങനെ ജീവിത വിജയത്തെ നിർണയിക്കുന്ന നിർണായക ഘടകമായി ബുദ്ധിയെ സ്വീകരിക്കുകയും ചെയ്തു.

ഡാനിയേൽ ഗോൾമാൻ്റെ അഭിപ്രായപ്രകാരം 5 അടിസ്ഥാന ശേഷികൾ ആണ് വൈകാരിക ബുദ്ധിയെ നിർണയിക്കുന്നത്.

1. അഹം ബോധം / സ്വാവബോധം (Self awareness) - നമ്മുടെ വികാരങ്ങളെ തിരിച്ചറിയുക (Knowing our emotion)

2. ആത്മനിയന്ത്രണം / (Self regulation) - വികാരങ്ങളെ നിയന്ത്രിക്കുക  (Managing our emotion)

3. ആത്മചോദനം / അഭിപ്രേരണ (Self  motivation) - സ്വയം പ്രചോദിതമാവുക /  (Motivating ourselves)

4. സഹഭാവം / അനുതാപം (Empathy) - മറ്റുള്ളവരുടെ വികാരങ്ങളെ അറിയുകയും സ്വാധീനിക്കുകയും ചെയ്യുക / (Recognising the emotions of others)

5. സാമൂഹിക നൈപുണികൾ (Social skills) - ബന്ധങ്ങൾ കൈകാര്യം ചെയ്യാനുള്ള കഴിവ് /  (Dealing relations effectively)

വൈകാരിക ബുദ്ധിയുടെ സവിശേഷതകൾ

• ചിന്തിച്ച് തീരുമാനമെടുക്കാനുള്ള കഴിവ്. 

• വികാരങ്ങളെ തിരിച്ചറിയാനും ഔചിത്യപൂർവം പ്രകടിപ്പിക്കാനുമുള്ള ശേഷി. 

• ആശയവിനിമയശേഷി മൂലം മറ്റുള്ളവരുടെ ശ്രദ്ധയും വിശ്വാസവും പിടിച്ചു പറ്റാനുമുള്ള കഴിവ്. 

• നർമ്മബോധത്തോടെ ജീവിത പ്രതിസന്ധികളെ നേരിടാനുള്ള ശേഷി. 

• ചുമതലകൾ ഏറ്റെടുക്കാനുള്ള സന്നദ്ധത. 

• മറ്റുള്ളവരെ പ്രചോദിപ്പിക്കാനുള്ള കഴിവ്. 

• ആശയസംഘർഷങ്ങളെ ആരോഗ്യകരവും ക്രിയാത്മകവുമായ രീതികളിൽ പരിഹരിക്കുന്നതിനുള്ള ശേഷി. 

 

മാസ്ലോയുടെ ആവശ്യങ്ങളുടെ ശ്രേണി (Maslow’s Heirarchy of Needs):

 

                  മാസ്ലോയുടെ ഏറ്റവും പ്രസിദ്ധമായ സിദ്ധാന്തമാണ്, ആവശ്യങ്ങളുടെ ശ്രേണി (Heirarchy of Needs). മനുഷ്യന്റെ വികാസപരമായ ആവശ്യങ്ങളെ, ശ്രേണിയായി ചിത്രീകരിച്ചത്, അബ്രഹാം മാസ്ലോ ആണ്.

 

സമായോജനത്തിലേക്ക് നയിക്കുന്ന മനുഷ്യന്റെ ആവശ്യങ്ങൾ:

1. ശാരീരികം (Physiological)

2. സുരക്ഷിതത്വം (Safety)

3. സ്നേഹ സംബന്ധമായവ (Belonging and Love)

4. ആത്മാദരം (Self Esteem)

5. ആത്മയാഥാർത്ഥ്യവൽക്കരണം (Self-Actualisation)