Question

താഴെപ്പറയുന്നവയിൽ ആർക്കാണ് ഇൻട്രോസ്പെക്ഷൻ അഥവാ ആത്മ നിരീക്ഷണം എന്ന മനശാസ്ത്ര രീതി സ്വീകാര്യമല്ലാത്തത് ?

• A. ഫംഗ്ഷണൽ സ്കൂൾ ചിന്തകർക്ക്
• B. വ്യവഹാരവാദികൾക്ക്
• C. സൈക്കോ അനലിസ്റ്റ് കൾക്ക്
• D. ഗുസ്താൾട്ട് ശാസ്ത്രജ്ഞർക്ക്

Answer 1

Answer:

B. വ്യവഹാരവാദികൾക്ക്

വ്യവഹാരവാദം / ചേഷ്ടാവാദം (Behaviouristic Approach):

         ഏതൊരു ജീവിയുടെയും പെരുമാറ്റവും, മാനസിക പ്രവർത്തനങ്ങളും, ചില ചോദകങ്ങളോടുള്ള പ്രതികരണങ്ങളാണെന്ന് വാദിക്കുന്ന പഠന സമീപനമാണ്, വ്യവഹാരവാദം. ഒരു പ്രത്യേക ചോദകം പ്രത്യക്ഷപ്പെടുമ്പോൾ, ഒരേ പ്രതികരണം ഉണ്ടാകുന്നു.

         വ്യവഹാര വാദത്തെ, ‘ചോദക പ്രതികരണ ബന്ധ സിദ്ധാന്തം’ എന്നും, ‘Stimulus Responses Connections’ എന്നും, ‘SR ബന്ധം’ (S.R Association) എന്നും അറിയപ്പെടുന്നു.

 

വ്യവഹാര വാദത്തിന്റെ പ്രധാന വക്താക്കൾ:

1. പാവ്ലോവ്
2. സ്കിന്നർ
3. ഹൾ
4. ടോൾമാൻ
5. തോൺഡൈക്ക്
6. വാട്സൺ

 

വ്യവഹാരവാദ സിദ്ധാന്തങ്ങൾ:

1. പൗരാണികാനുബന്ധ സിദ്ധാന്തം (Classical Conditioning)
2. ശ്രമ-പരാജയ സിദ്ധാന്തം (Trial and Error Theory)
3. പ്രവർത്തനാനുബന്ധ സിദ്ധാന്തം (Theory of Operant Conditioning)
4. പ്രബലന സിദ്ധാന്തം (Reinforcement Theory)

 

വ്യവഹാരവാദം / ചേഷ്വാടാവാദം:

• വ്യവഹാരവാദത്തിന്റെ ഉപജ്ഞാതാവാണ്, ജെ.ബി. വാട്സൺ ആണ്. 
• ചോദകവും, പ്രതികരണവും തമ്മിലുള്ള അനുബന്ധനം (Conditioning) ആണ് പഠനം എന്ന്, വാദിക്കുന്ന സിദ്ധാന്തമാണ് വ്യവഹാരവാദം. 
• നിരീക്ഷിക്കാവുന്നതും അളക്കാവുന്നതുമായ പ്രതിഭാസങ്ങളാണ് പഠിക്കേണ്ടത് എന്ന് വ്യവഹാര വാദികൾ വാദിക്കുന്നു. 
• ചോദക പ്രതികരണ യൂണിറ്റുകൾക്ക് റിഫ്ലക്സുകൾ (Reflexes) എന്ന പേരും നൽകി.
• വ്യവഹാരവാദികൾ എന്നറിയപ്പെടുന്നത്, ഇ.എൽ.തോൺഡൈക്ക് (E.L.Thorndike), പാവലോവ് (Pavlov), ബി. എഫ്. സ്കിന്നർ (B.F Skinner) എന്നിവരാണ്. 

 

ഘടനാവാദം (Structuralism) 

 

• മനഃശാസ്ത്രത്തിലെ ആദ്യ ചിന്താധാരയാണ് ഘടനാവാദം
• ജർമൻ ദാർശനികനായിരുന്ന വില്യം വൂണ്ട്  (Wilhelm Wundt) ഘടനാവാദത്തിനു തുടക്കം കുറിച്ചു. 
• മനഃശാസ്ത്രത്തിന്റെ പിതാവ് എന്ന് അറിയപ്പെടുന്നത് - വില്യം വൂണ്ട് 
• പരീക്ഷണ മനശാസ്ത്രത്തിന്റെ പിതാവ് - വില്യം വൂണ്ട്
• ആദ്യ മനശ്ശാസ്ത്ര പരീക്ഷണശാല (Psychological Laboratory) 1879-ൽ ലിപ്സീഗ് സർവകലാശാലയിൽ  സ്ഥാപിച്ചത് - വില്യം വൂണ്ട്
• വില്യം വൂണ്ടിന്റെ ശിഷ്യനായ എഡ്വേർഡ് ടിച്ച്നർ ആണ് ഘടനാവാദത്തിന്റെ മറ്റൊരു പ്രധാന വക്താവ്.
• മനുഷ്യമനസ്സിനെ ഘടകങ്ങളായി വിഭജിക്കാനാവുമെന്നും ഈ ഘടകങ്ങളെ കുറിച്ചാണ് മനശാസ്ത്രത്തിൽ പഠിക്കേണ്ടത് എന്നും ഇവർ കരുതി.
• മനസ്സിനെ സംവേദനങ്ങളായും ആശയങ്ങളായും വികാരങ്ങളായുമൊക്കെ ഇഴപിരിക്കാമെന്ന് ഇവർ വാദിച്ചു.
• ഇങ്ങനെ മനസ്സിൻറെ ഘടകങ്ങളെ വേർതിരിച്ചറിയാൻ അന്തർദർശനം (Introspection) എന്ന രീതിയേയും അവർ ആശ്രയിച്ചു.
• എന്നാൽ രസതന്ത്രത്തിൽ ഒരു സംയുക്തത്തെ ഘടക മൂലകങ്ങളാക്കി വിഭജിക്കും പോലെ മനസ്സിനെ വേർതിരിക്കാനാവില്ല എന്ന് മറ്റുപലരും വാദിച്ചു.
• പ്രത്യേകിച്ചും വില്യം ജെയിംസിനെ പോലുള്ള ധർമ്മവാദികൾ.