പരിസ്ഥിതി സംരക്ഷണ നിയമം, 1986 (Environment Protection Act, 1986):
- പരിസ്ഥിതിയുടെ എല്ലാ തരത്തിലുള്ള മലിനീകരണങ്ങൾ കുറയ്ക്കുവാനും, പരിസ്ഥിതിക്ക് കോട്ടം വരുന്ന രീതിയിലുള്ള വ്യവസായവൽക്കരണം, നിയന്ത്രിക്കുവാനുമായി ഇന്ത്യയിൽ നിലവിൽ വന്ന നിയമമാണ്, 1986 ലെ പരിസ്ഥിതി സംരക്ഷണ നിയമം.
- ഭോപ്പാൽ വാതക ദുരന്തമാണ്, പരിസ്ഥിതി സംരക്ഷണ നിയമം പാസാക്കുവാൻ ഇടയായ സംഭവം.
- ഇന്ത്യയിൽ മുഴുവനായി ഈ നിയമം നിലവിൽ വന്നത് - നവംബർ 19, 1986.
വന സംരക്ഷണ നിയമം (Forest Conservation Act, 1980):
- വനത്തിന്റെയും, വന വിഭവങ്ങളുടെയും സംരക്ഷണവും, വന നശീകരണം തടയുന്നതിനും ലക്ഷ്യമിട്ട്, ഇന്ത്യൻ പാർലമെന്റ് പാസാക്കിയ നിയമമാണ്, വന സംരക്ഷണ നിയമം.
- വന സംരക്ഷണ നിയമം നിലവിൽ വന്നത്, 1980, ഒക്ടോബർ 25 ന്.
- ഈ നിയമത്തിൽ, വന സംരക്ഷണവുമായി ബന്ധപ്പെട്ട 5 സെക്ഷനുകൾ ഉണ്ട്.
- 1980 ലെ, വന സംരക്ഷണ നിയമം, ഭേദഗതി ചെയ്തത് 1988 ലാണ്.
ദേശീയ ഹരിത ട്രിബ്യൂണൽ (National Green Tribunal)
- ദേശീയ ഹരിത ട്രൈബ്യൂണൽ ആക്ട്, 2010 പ്രകാരം രൂപീകരിച്ച ഒരു പ്രത്യേക ജുഡീഷ്യൽ ബോഡിയാണ് NGT.
- വനം, പരിസ്ഥിതി, പ്രകൃതി വിഭവങ്ങൾ എന്നിവയുടെ സംരക്ഷണവുമായി ബന്ധപ്പെട്ട കേസുകൾ ഫലപ്രദമായും,വേഗത്തിലും തീർപ്പാക്കുക എന്നതാണ് NGT യുടെ ലക്ഷ്യം.
- ഡൽഹിയാണ് NGTയുടെ ആസ്ഥാനം.
- ഭോപ്പാൽ, പൂനെ, കൊൽക്കത്ത, ചെന്നൈ എന്നിവയാണ് ഡൽഹിക്ക് പുറമെയുള്ള NGT യുടെ ട്രിബ്യൂണലുകൾ .
- NGT സ്ഥാപിച്ചതിലൂടെ, ന്യൂസിലൻഡിനും ഓസ്‌ട്രേലിയയ്ക്കും ശേഷം ഒരു പ്രത്യേക പരിസ്ഥിതി ട്രിബ്യൂണൽ അവതരിപ്പിക്കുന്ന ലോകത്തിലെ മൂന്നാമത്തെ രാജ്യമായി ഇന്ത്യ മാറി.
