താഴെ കൊടുത്തിരിക്കുന്നവയിൽ വ്യക്തി വ്യത്യാസത്തിൽ ഉൾപ്പെടാത്തത് ഏത് ?
Aതാൽപര്യങ്ങളിലേയും അഭിരുചികളിലേയും വ്യത്യാസം
Bസാമ്പത്തിക , സാമൂഹിക സാഹചര്യങ്ങളിലെ വ്യത്യാസം
Cപഠന ശൈലിയിലെ വ്യത്യാസങ്ങൾ
Dവൈകാരികമായ വ്യത്യാസങ്ങൾ
Answer:
B. സാമ്പത്തിക , സാമൂഹിക സാഹചര്യങ്ങളിലെ വ്യത്യാസം
Read Explanation:
വ്യക്തി വ്യത്യാസം
- രണ്ടു വ്യക്തികൾ ഒരിക്കലുംതനിപ്പകർപ്പായിരിക്കില്ല. ഒരു തരത്തിൽ അല്ലെങ്കിൽ മറ്റൊരു തരത്തിൽ അവർ പരസ്പരം വ്യത്യാസപ്പെട്ടിരിക്കുന്നു.
- വ്യക്തികൾ തമ്മിൽ അത്തരത്തിലുള്ള സാമ്യതയും വ്യത്യാസവും വ്യക്തിവ്യത്യാസം വെളിപ്പെടുത്തുന്നു
- കായികവും മാനസികവും വൈകാരികവുമായ സവിശേഷ സ്വഭാവങ്ങളിൽ രണ്ടു വ്യക്തികൾ ഒരു പോലെയാകാത്ത വൈജാത്യമാണ്.
വ്യക്തി വ്യത്യാസ മേഖലകൾ
ചുവടെ കൊടുത്തിട്ടുള്ള മേഖലകളിൽ വ്യക്തി വ്യത്യാസം കാണപ്പെടുന്നു.
1. കായികമായ ഭേദങ്ങൾ
- പൊക്കം, തൂക്കം, തൊലിയുടെ നിറം, കൈകാലുകളുടെ നീളം, വായുടെയും മൂക്കിൻറെയും ആകൃതി, മുഖഭാവം, സംഭാഷണ രീതിയിലും നടത്തത്തിലും ഉള്ള പ്രത്യേകതകൾ, തലമുടിയുടെ സ്വഭാവം, തുടങ്ങിയ കാര്യങ്ങളിൽ വ്യക്തിം കാണാനാവും.
2. വൈകാരിക ഭേദങ്ങൾ
- വികാരപ്രകടനത്തിൻറെ രീതിയിലുള്ള വ്യക്തികൾ വ്യത്യസ്തത പുലർത്തുന്നു.
- ചിലർ പെട്ടെന്ന് വികാരാധീനരാകുന്നു.
- മറ്റു ചിലർ വികാരങ്ങൾ ഒതുക്കി വയ്ക്കുന്നു.
- ചില വ്യക്തികളിൽ, സ്നേഹവാത്സല്യങ്ങൾ പോലെയുള്ള മൃദുല വികാരങ്ങൾ മുന്നിട്ട് നില്ക്കും.
- മറ്റു ചിലരാകട്ടെ വെറുപ്പ്, കോപം തുടങ്ങിയ പരുക്കൻ വികാരങ്ങൾക്കാവും ശക്തി.
- ചിലർ വൈകാരിക സ്ഥിരതയും പക്വതയും കാട്ടുമ്പോൾ വേറെ ചിലർ അസ്ഥിരരും അപസ്വമതികളും ആയിരിക്കും.
3. ബൗദ്ധിക ഭേദങ്ങൾ
- യുക്തിവിചാരം, ചിന്ത, ഭാവന, സർഗ്ഗാത്മക ശേഷി, ഏകാഗ്രത തുടങ്ങിയ മാനസിക ശേഷികളിൽ വ്യക്തികൾ സാരമായ വൈജാത്യം പുലർത്തുന്നുണ്ട്.
- ബുദ്ധിശക്തിയുടെ അടിസ്ഥാനത്തിൽ ആളുകളെ ഇഡിയറ്റുകൾ, മന്ദബുദ്ധികൾ, മോറോണുകൾ, ബോർഡർ ലൈനിൽ പെട്ടവർ, ബുദ്ധി കുറഞ്ഞവർ, ശരാശരി ബുദ്ധിശാലികൾ, പ്രതിഭാധനർ എന്നിങ്ങനെ വേർതിരിച്ചിട്ടുണ്ട്.
- ബഹുതരബുദ്ധിശക്തികളെ സംബന്ധിച്ചുള്ളനൂതന സിദ്ധാന്തം ഈ മേഖലയിലെ വ്യക്തിവ്യത്യാസങ്ങൾക്കു പുതിയ മാനംനൽകിയിരിക്കുന്നു.
4. സാമൂഹിക, സാന്മാർഗിക ഭേദങ്ങൾ
- സാമൂഹികവും സാന്മാർഗ്ഗികവുമായ വ്യവഹാരങ്ങളുടെ കാര്യത്തിൽ വലിയ വ്യക്തിഭേദം കാണാനാകും.
- ചിലർ നല്ല സാമൂഹിക യോജനം പുലർത്തുന്നവരാണ്.
- ചിലർ അപസമായോജനത്തിനു അടിമകളത്രെ
- ചിലർ സാന്മാർഗിക ഭദ്രത പുലർത്തുമ്പോൾ മറ്റു ചിലർ സാന്മാർഗിക ദൗർബല്യം കാണിക്കുന്നവരായിരിക്കും.
5. അഭിരുചികളിലും താല്പര്യങ്ങളിലും ഉള്ളവ്യക്തി ഭേദങ്ങൾ:
- ഒരേ പാരമ്പര്യവും പരിസ്ഥിതിയും ഉള്ളവർപോലും ഭിന്നങ്ങളായ അഭിരുചികളുംതാല്പര്യങ്ങളും പുലർത്തുന്നു.
- ഒരേ മാതാപിതാക്കൾക്ക് പിറന്ന ഒരേവീട്ടിൽ വളരുന്ന കുട്ടികൾ പോലുംഇക്കാര്യത്തിൽ വ്യത്യസ്തരായികാണപ്പെടുന്നു.
- ചിലർക്ക് യന്ത്ര വിദ്യയിലാകും അഭിരുചി,മറ്റു ചിലർക്ക് പാട്ടിലുംകലയിലുമായിരിക്കും വാസന.
- ഒരു കൂട്ടർ സാമൂഹിക പ്രവർത്തനങ്ങളിൽതാൽപര്യം കാണിക്കുന്നു.
- മറ്റേക്കൂട്ടർ ഏകാന്തത ഇഷ്ട്ടപ്പെടുന്നു.