Question

തെക്ക് പടിഞ്ഞാറൻ മൺസൂണിന്റെ പ്രഭാവം കൂടുതലായി അനുഭവപ്പെടുന്നത് :

• A. ഉത്തരേന്ത്യൻ ഗംഗാ സമതലം
• B. പശ്ചിമ തീരസമതലം
• C. തെക്കേ ഇന്ത്യയിലെ മൈസൂർ ഫലകം
• D. പൂർവ തീരസമതലം

Answer 1

Answer:

B. പശ്ചിമ തീരസമതലം

തീരസമതലം

• തീരസമതലങ്ങളിലുടനീളം സാന്നിധ്യമുള്ള മണ്ണിനമേത് 

എക്കൽ മണ്ണ്

• ഡെക്കാൺ പീഠഭൂമിയെ ചുറ്റി 6100 കി.മീ. (7516 km) ദൈർഘ്യമുള്ള തീരദേശം ഉപദ്വീപീയ ഇന്ത്യയ്ക്കുണ്ട്.

• ഇന്ത്യയുടെ തീരദേശം ഗുജറാത്തിലെ റാൻ-ഓഫ് കച്ച് മുതൽ ഗംഗ-ബ്രഹ്മപുത്ര ഡെൽറ്റ വരെ വ്യാപിച്ചു കിടക്കുന്നു.

• തീരസമതലത്തിലെ പ്രധാന കാർഷിക വിളകളാണ് തെങ്ങ്, നെല്ല് എന്നിവ.

• തീരസമതലത്തെ പശ്ചിമ തീരസമതലമെന്നും പൂർവ്വതീരസമതലമെന്നും രണ്ടായി തിരിച്ചിരിക്കുന്നു.

പശ്ചിമ തീരസമതലം

• അറേബ്യൻ കടലിനും പശ്ചിമഘട്ടത്തിനുമിടയിൽ കച്ച് മുതൽ കന്യാകുമാരി വരെയുള്ള ഭാഗമാണ് പശ്ചിമ തീരസമതലം.

ഉപവിഭാഗങ്ങൾ 

(SCERT STD XI)

• ഗുജറാത്തിലെ കച്ച്-കത്തിയവാർ തീരം. 

• മഹാരാഷ്ട്രയിലെ കൊങ്കൺ തീരം 

• കർണാടകയിലെ ഗോവ തീരം

• കേരളത്തിലെ മലബാർ തീരം എന്നിങ്ങനെ തിരിക്കാം.

• താഴ്ന്നുപോയ സമതലങ്ങൾക്ക് ഉദാഹരണങ്ങളാണ് പശ്ചിമതീര സമതലങ്ങൾ. 

• ഇന്ത്യയുടെ പ്രധാന ഭൂപദേശത്തിന്റെ ഭാഗമായിരുന്നതും പശ്ചിമതീരത്ത് സ്ഥിതി ചെയ്തിരുന്നതുമായ ദ്വാരക പട്ടണം കടലിൽ താഴ്ന്നു പോയി എന്ന് വിശ്വസിക്കപ്പെടുന്നു. 

• ഈ താഴ്ന്ന് പോകൽ പ്രക്രിയയുടെ ഫലമായി ഇവിടെ പ്രകൃതിദത്ത തുറമുഖങ്ങളും ഹാർബറുകളും വികസിപ്പിക്കുന്നതിന് അനുയോജ്യമായ സാഹചര്യങ്ങൾ സൃഷ്ടിക്കപ്പെട്ടു. 

• പശ്ചിമതീര സമതലങ്ങളുടെ മദ്ധ്യഭാഗം താരതമ്യേന ഇടുങ്ങിയവയും തെക്കും വടക്കും ഭാഗങ്ങൾ വിസ്തൃതി ഏറിവരുന്നവയുമാണ്.

• മലബാർ തീരത്തിലുള്ള കായലുകളെ മൽസ്യബന്ധനത്തിനും ഉൾനാടൻ ജലഗതാഗതത്തിനും വിനോദ സഞ്ചാരത്തിനും പ്രയോജനപ്പെടുത്തുന്നു.

• കായലുകൾ എന്നറിയപ്പെടുന്ന ഉൾനാടൻ ജലാശയങ്ങളാൽ സമൃദ്ധമാണ് മലബാർ തീരം.

• തെക്ക് പടിഞ്ഞാറൻ മൺസൂണിന്റെ പ്രഭാവം ഇവിടെ കൂടുതലായി അനുഭവപ്പെടുന്നു.