സൊമാറ്റോട്രോപിൻ്റെ അമിത ഉത്പാദനം മൂലം വളർച്ചാഘട്ടത്തിനു ശേഷം മുഖം, താടിയെല്ല്, വിരലുകൾ എന്നിവിടങ്ങളിലെ അസ്ഥികൾ വളരുന്ന അവസ്ഥയെ അക്രോമെഗാലി എന്ന് പറയുന്നു.
പിറ്റ്യൂറ്ററി ഗ്രന്ഥി അമിതമായി വളർച്ചാ ഹോർമോൺ ഉത്പാദിപ്പിക്കുന്നതിലൂടെ ഉണ്ടാകുന്ന ഒരു ഹോർമോൺ തകരാറാണ് അക്രോമെഗാലി.
കുട്ടിക്കാലത്ത് വളർച്ചാ ഹോർമോൺ കൂടുതലായി ഉത്പാദിപ്പിക്കപ്പെട്ടാൽ അത് ഭീമാകാരത്വം എന്ന അവസ്ഥയിലേക്ക് നയിക്കുന്നു.
അക്രോമെഗാലി സാധാരണയായി മധ്യവയസ്സിലുള്ള മുതിർന്നവരിലാണ് കണ്ടുവരുന്നത്.
അക്രോമെഗാലി ചികിത്സിച്ചില്ലെങ്കിൽ ടൈപ്പ് 2 പ്രമേഹം, ഉയർന്ന രക്തസമ്മർദ്ദം, ഹൃദയ സംബന്ധമായ പ്രശ്നങ്ങൾ എന്നിവയ്ക്ക് കാരണമാകും.
