ഘട്ടം 1: എയറേഷൻ
ജലം വായുവുമായി കലർത്തുന്ന പ്രവർത്തനമാണ് ഇവിടെ നടക്കുന്നത്. ഇതുമൂലം ജലത്തിലെ ഓക്സിജന്റെ അളവ് വർധിക്കുന്നു.
ഘട്ടം 2: കൊയാഗുലേഷൻ
ജലശുദ്ധീകരണശാലയിൽ നടക്കുന്ന പ്രവർത്തനങ്ങളിൽ പ്രധാനപ്പെട്ട ഘട്ടമാണിത്. ജലത്തിൽ കലർന്നു കിടക്കുന്ന ഖരപദാർഥങ്ങളെ അടിയിക്കുന്നു. ഇതിനുവേണ്ടി ആലം ചേർക്കുന്നു. ആലം ചേർക്കുമ്പോൾ ജലത്തിന്റെ pH മൂല്യം കുറയുന്നു. pH ക്രമീകരിക്കുന്നതിനായി കുമ്മായം ചേർക്കുന്നു.
ഘട്ടം 3: ക്ലാരിഫ്ളോക്കുലേഷൻ
മാലിന്യങ്ങൾ അടിഞ്ഞ ശേഷം തെളിഞ്ഞ വെള്ളം ഫിൽട്ടറിലേക്കു വിടുന്നു.
ഘട്ടം 4: ഫിൽട്ടറേഷൻ
അടിയാതെ കിടക്കുന്ന മാലിന്യങ്ങളെ ഫിൽട്ടറിൽ വച്ച് നീക്കം ചെയ്യുന്നു. മുകളിൽ മണലും, അടിയിൽ വലുപ്പം കൂടിയ കല്ലുകളും ആണ് ഫിൽട്ടർ യൂണിറ്റിൽ ഉപയോഗിക്കുന്നത്.
ഘട്ടം 5: ക്ലോറിനേഷൻ
ഫിൽട്ടർ ചെയ്തു വരുന്ന ജലത്തെ അണുവിമുക്തമാക്കാൻ ക്ലോറിൻ വാതകമോ, ബ്ലീച്ചിങ് പൗഡറോ ചേർക്കുന്നു.
ഘട്ടം 6: സംഭരണം
ശുദ്ധീകരിച്ച ശേഷം ജലം, ശുദ്ധജല സംഭരണിയിൽ ശേഖരിക്കുന്നു.
