Question

ദ്രവബുദ്ധി ഉച്ചസ്ഥായിയിൽ എത്തുന്നത് ഏത് കാലഘട്ടത്തിലാണ് ?

• A. ശൈശവാരംഭത്തിൽ
• B. ബാല്യാരംഭത്തിൽ
• C. യൗവ്വനാരംഭത്തിൽ
• D. ഇവയൊന്നുമല്ല

Answer 1

Answer:

C. യൗവ്വനാരംഭത്തിൽ

റെയ്മണ്ട് കേറ്റലിന്റെ സിദ്ധാന്തം

• ബുദ്ധിയുമായി ബന്ധപ്പെട്ട് ആദ്യമായി ഒരു വൈജ്ഞാനിക സിദ്ധാന്തം ആവിഷ്കരിച്ചത് - റെയ്മണ്ട് കാറ്റൽ (Raymond Cattell)
• അദ്ദേഹത്തിന്റെ അഭിപ്രായത്തിൽ ബുദ്ധി ശക്തിക്ക് രണ്ട് തലങ്ങൾ ഉണ്ട്.
  1. ഖരബുദ്ധി (Crystallized Intelligence)
  2. ദ്രവബുദ്ധി (Fluid Intelligence)

ഖര ബുദ്ധി 

• നേരത്തെ നേടിയ അറിവ്, നൈപുണി, അനുഭവങ്ങള്‍ എന്നിവ പ്രയോജനപ്പെടുത്തി പ്രശ്നം പരിഹരിക്കുന്നതിന് സഹായിക്കുന്ന ബുദ്ധി.
• ആഴത്തിലുള്ളതും വിശാലവുമായ പൊതുവിജ്ഞാനം, പദപരിചയം, സംഖ്യാബോധം തുടങ്ങിയവ ഇവിടെ പ്രയോജനപ്പെടുത്തുന്നു.
• ക്ലാസ് റൂം പരീക്ഷകൾ, വ്യത്യസ്തമായ സാമൂഹിക സാഹചര്യങ്ങളിൽ ഇടപെടൽ, എന്നിവ ഖരബുദ്ധിയിൽ ഉൾപ്പെടുന്നു. 
• ദീര്‍ഘകാല ഓര്‍മ ഖര ബുദ്ധിയെ സഹായിക്കുന്നു.
• വിദ്യാഭ്യാസ അനുഭവങ്ങളും ഇത് വികസിപ്പിക്കുന്ന ഈ  ബുദ്ധി ജീവിത്തിലുടനീളം വര്‍ധിച്ചുകൊണ്ടിരിക്കുന്നു.

ദ്രവ ബുദ്ധി 

• നൈസ്സർഗികമായി (സഹജമായി) ലഭിക്കുന്ന കഴിവ്. 
• മുന്നേ നേടിയ അറിവ് പ്രയോജനപ്പെടുത്താതെ തന്നെ, പുതിയ സന്ദര്‍ഭങ്ങളില്‍ യുക്തിപരമായി ചിന്തിക്കാനും പ്രശ്നങ്ങള്‍ പരിഹരിക്കാനും സഹായിക്കുന്ന ബുദ്ധി.
• ഉൾക്കാഴ്ച, സമാനത കണ്ടെത്തുക, ആശയ രൂപീ കരണത്തിനുള്ള കഴിവ്, പുതിയ പ്രശ്നങ്ങള്‍ അപഗ്രഥിക്കുക, പാറ്റേണുകളും ബന്ധങ്ങളും കണ്ടെത്തുക, യുക്തിയുപയോഗിച്ച് പ്രശ്നപരിഹാരത്തിലേക്കു നീങ്ങുക എന്നിവയ്‌ക്കെല്ലാം ദ്രവ ബുദ്ധി സഹായിക്കുന്നു.
• ഈ ബുദ്ധിക്ക് ജീവശാസ്ത്രപരമായ അടിത്തറയുണ്ട്.
• ദ്രവബുദ്ധി ജന്മസിദ്ധമാണ് ഒരു വ്യക്തിയിൽ അന്തർലയിച്ചിരിക്കുന്നതും സാമാന്യമായതുമായ കഴിവാണ് ദ്രവബുദ്ധി. 
• ഇത് യൗവനാരംഭത്തോടെ ഉച്ചസ്ഥായിയിലെത്തുന്നു. ഇരുപത് വയസിനു ശേഷം ദ്രവബുദ്ധിയുടെ വളർച്ചാ നിരക്ക് കുറയുന്നു. 
• ശാസ്ത്ര - ഗണിതശാസ്ത്ര പ്രശ്നങ്ങള്‍ പരിഹരിക്കുമ്പോള്‍ പ്രധാനമായും ഈ ബുദ്ധിഘടകമാണ് പ്രവര്‍ത്തിക്കുന്നത്.
  • ഉദാ: Maths Puzzles
• സ്പിയർമാന്റെ G ഘടകവുമായി ദ്രവബുദ്ധിയെ ബന്ധപ്പെടുത്താം. 
• ദ്രവബുദ്ധിയിൽ Inductive Reasoning ഉം Deductive Reasoning ഉം ഉൾക്കൊള്ളുന്നു.