Question

ഒന്നാം ലോകമഹായുദ്ധം പൊട്ടിപ്പുറപ്പെട്ടതിനെക്കുറിച്ചുള്ള ഇനിപ്പറയുന്ന പ്രസ്താവനകൾ പരിഗണിച്ച് തെറ്റായവ കണ്ടെത്തുക:

1. ആർച്ച്ഡ്യൂക്ക് ഫ്രാൻസ് ഫെർഡിനാൻഡിൻ്റെ കൊലപാതമായിരുന്നു യുദ്ധത്തിൻ്റെ ആസന്ന കാരണം.
2. 1914 ജൂൺ 28-ന് ഓസ്ട്രിയ സെർബിയക്കെതിരെ യുദ്ധം പ്രഖ്യാപിച്ചതോടെയാണ് ഒന്നാം ലോകമഹായുദ്ധം ആരംഭിച്ചത് .
3. തുടർന്ന് ഓരോ സഖ്യരാഷ്ട്രവും തങ്ങളുടെ ചേരിയിലെ രാഷ്ട്രങ്ങളെ സഹായിക്കാനായി മുന്നോട്ടുവന്നു

• A. ii മാത്രം തെറ്റ്
• B. i മാത്രം തെറ്റ്
• C. ii, iii തെറ്റ്
• D. എല്ലാം തെറ്റ്

Answer 1

Answer:

A. ii മാത്രം തെറ്റ്

ഒന്നാം ലോക യുദ്ധം സംഭവിക്കാൻ പെട്ടെന്നുള്ള കാരണം

• 1914 ജൂൺ 28 നു ഓസ്ട്രിയൻ കിരീടാവകാശിയായ ആർച്ച് ഡ്യൂക്ക് ഫ്രാൻസിസ് ഫെർഡിനെന്റും ഭാര്യയും ബോസ്നിയൻ തലസ്ഥാനമായ സാരയാവോയിൽ വെച്ചു വധിക്കപ്പെട്ടതാണ് യുദ്ധത്തിന്റെ ആസന്ന കാരണമായി കണക്കാക്കപ്പെടുന്നത്
• സെർബിയൻ തീവ്രവാദിയായ ഗാവ്‌ലൊ പ്രിൻസപ്പ്  ആണ് അവരെ വധിച്ചത്.
• സെർബിയൻ ഗവൺമെന്റിന് ഈ സംഭവത്തിൽ ഉണ്ടായിരുന്നപങ്കിനെ കുറിച്ച് ബോധ്യപ്പെട്ട ഓസ്ട്രിയ 11 വ്യവസ്ഥകൾ അടങ്ങുന്ന ഒരു അന്ത്യശാസനം സെർബിയക്ക് നൽകി.
• 48 മണിക്കൂറിനുള്ളിൽ ഇതിനു മറുപടി നൽകണമെന്ന് ആസ്ട്രിയ ആവശ്യപ്പെട്ടു.
• ഈ അന്ത്യശാസനം സെർബിയ നിരസിച്ചപ്പോൾ 1914 ജൂലൈ 28 ആം തീയതി ആസ്ട്രിയ സെർബിയക്കെതിരെ യുദ്ധം പ്രഖ്യാപിച്ചു
• തുടർന്ന് ഓരോ സഖ്യരാഷ്ട്രവും തങ്ങളുടെ ചേരിയിലെ രാഷ്ട്രങ്ങളെ സഹായിക്കാനായി മുന്നോട്ടുവന്നു.
• ലോകത്തെ ചെറുതും വലുതുമായ രാഷ്ട്രങ്ങൾ നേരിട്ടോ അല്ലാതെയോ ഇതിൽ പങ്കാളികളായി. അതിനാൽ ഈ യുദ്ധം ഒന്നാം ലോകയുദ്ധം എന്നറിയപ്പെടുന്നു.