Question

ധാതുക്കളുടെ ഭൗതികപരമായ സവിശേഷതകളുമായി ബന്ധപ്പെട്ട് നൽകിയിരിക്കുന്ന ശരിയായ പ്രസ്താവനകൾ കണ്ടെത്തുക :

1. ചെറുകണികകളുടെ ആന്തരിക ക്രമീകരണത്തിന്റെ ഫലമായി ധാതുക്കൾക്ക് ബാഹ്യ പരൽ രൂപം ലഭിക്കുന്നു
2. ഒരു ധാതുവിന്റെ പൊടിയുടെ നിറമാണ് ധൂളീവർണം. ഇത് എപ്പോഴും ധാതുവിന്റെ നിറത്തിൽ നിന്ന് വ്യത്യസ്തമായിരിക്കും
3. ഒരു നിശ്ചിതദിശയിൽ പൊട്ടി താരതമ്യേന ഒരു പരന്ന പ്രതലം സൃഷ്ടിക്കാനുള്ള ധാതുക്കളുടെ പ്രവണത വിദളനം (Cleavage) എന്നറിയപ്പെടുന്നു

• A. എല്ലാം ശരി
• B. i, iii ശരി
• C. i തെറ്റ്, ii ശരി
• D. i, ii ശരി

Answer 1

Answer:

B. i, iii ശരി

ധാതുക്കളുടെ ഭൗതിക സവിശേഷതകൾ

• ബാഹ്യപരൽരൂപം (External Crystal form):
  • ചെറുകണികകളുടെ ആന്തരികമായ ക്രമികരണത്താൽ രൂപം കൊള്ളുന്നത്.
  • ഉദാ: ക്യൂബ്, അഷ്ട‌മുഖപിണ്ഡം, ഷഡ്ഭുജസ്‌ഫടികം (Hexagonal Prisms)
• വിദളനം (Cleavage):
  • ഒരു നിശ്ചിതദിശയിൽ പൊട്ടി താരതമ്യേന ഒരു പരന്നപ്ര തലം സൃഷ്ടിക്കാനുള്ള ധാതുക്കളുടെ പ്രവണത
  • ചെറുകണികകളുടെ ആന്തരികക്രമീകരണത്തിൻ്റെ ഫലമായിട്ടാണ് ഇതും  സംഭവിക്കുന്നത്
• പൊട്ടൽ (Fracture):
  • ക്രിസ്റ്റലുകൾ ക്രമരഹിതമായി പിളർപ്പിൻ്റെ പ്രതലത്തിലൂടെ അല്ലാതെ പൊട്ടുന്നു.
  • ക്രിസ്റ്റലിനുള്ളിലെ തന്മാത്രകളുടെ സങ്കീർണമായ ക്രമീകരണമാണ് ഇതിന് കാരണം.
• ദ്യുതി/തിളക്കം (Lustre):
  • ഒരു വസ്തുവിന് അവയുടെ നിറത്തിനുപരി ലോഹങ്ങളുടെയോ പട്ടിന്റേയോ മറ്റു മിനുസതലങ്ങൾക്കോ സമാനമായ രീതിയിലുള്ള തിളക്കമുണ്ടാകും.
• നിറം (Color):
  • ചില ധാതുക്കളുടെ നിറം അവയുടെ ആന്തരികതന്മാത്രഘടനയാൽ സൃഷ്ടിക്കപ്പെടുന്നവയാണ്.
  • അത്തരം ധാതുകൾക്ക് ഉദാഹരണങ്ങളാണ് മാലക്കൈറ്റ്, അസുറൈറ്റ്, ചാൽക്കോപൈറ്റൈറ്റ് തുടങ്ങിയവ.
  • എന്നാൽ മറ്റുചില ധാതുക്കൾക്ക് അവയുടെ നിറം നൽകുന്നത് അവയിൽ അടങ്ങിയിരിക്കുന്ന മാലിന്യങ്ങളാണ്.
  • ഉദാ: ക്വാർട്സ്, വെളുപ്പ്, പച്ച, ചുവപ്പ്, മഞ്ഞ എന്നീ നിറങ്ങളിൽ കാണപ്പെടുന്നത് അവയിൽ അടങ്ങിയിരിക്കുന്ന മാലിന്യങ്ങളാ ലാണ്.
• ധൂളിവർണം (Streak):
  • ഒരു ധാതുവിന്റെ പൊടിയുടെ നിറമാണ് ധൂളീവർണം.
  • ഇത് ധാതുവിന്റെ അതേ നിറമോ വ്യത്യസ്ത‌ നിറമോ ആകാം.
  • മാലക്കൈറ്റിനും അത് മാറ്റു നോക്കുമ്പോൾ ഉണ്ടാകുന്ന പൊടിക്കും പച്ചനിറമാണ്.
  • ഫ്ളൂറൈറ്റിന് പർപ്പിളോ പച്ചയോ നിറമാണ്.
  • പക്ഷേ അതിന്റെ പൊടിക്കു വെളുപ്പു നിറമായിരിക്കും.
• സുതാര്യത (Transparency): 
  • പ്രകാശത്തെ കടത്തിവിടാനുള്ള കഴിവിനനുസരിച്ച് ധാതുക്കൾ മൂന്നു വിധമുണ്ട്.
  • 1) സുതാര്യമായവ ( പ്രകാശത്തെ പൂർണമായും കടത്തിവിടുന്നവ )
  • 2) അർദ്ധതാര്യമായവ ( പ്രകാശത്തെ  ഭാഗികമായി കടത്തിവിടുന്നവ )
  • 3) അതാര്യമായവ പ്രകാശം കടത്തിവിടാത്തവ )
• ഘടന Structure):
  • പരലുകളുടെ  സവിശേഷമായ ക്രമീകരണമാണ് അവയുടെ ഘടനയ്ക്ക് കാരണം.
  • പരലുകൾ നേർത്തതോ സാമാന്യം വലിപ്പമുള്ളതോ നല്ല വലിപ്പമുള്ളതോ ആവാം.
  • നാരുകളായുള്ള ഘടനയും ഉണ്ടാകാറുണ്ട്.
• കാഠിന്യം (Hardness):
  • ഉരസലിനെ പ്രതിരോധിക്കാനുള്ള ധാതുക്കളുടെ ശേഷിയാണ് കാഠിന്യം. 10 \
• ആപേക്ഷികസാന്ദ്രത:
  • ഒരു വസ്തു‌വിന്റെ ഭാരവും തുല്യവ്യാപ്തമുള്ള ജലത്തിന്റെ ഭാരവും തമ്മിലുള്ള അനുപാതം; ഒരു വസ്‌തുവിൻറെ ഭാരം വായുവിലും ജലത്തിലും കണക്കാക്കുക.
  • ഭാരവ്യത്യാസം കാണുക.
  • വായുവിലെ ഭാരത്തെ ഭാരവ്യത്യാസംകൊണ്ട് ഹരിച്ചാൽ ആപേക്ഷിക സാന്ദ്രത കിട്ടും.
  • ഡയമണ്ട്പോലുള്ള ധാതുക്കൾക്ക് ഉയർന്ന ആപേക്ഷികസാന്ദ്രതയും ചോക്ക്, ടാൽക്ക് പോലുള്ളവയ്ക്ക് കുറഞ്ഞ ആപേക്ഷികസാന്ദ്രതയുമാണുള്ളത്