Question

ജീവിതത്തിൽ സന്ദർഭോചിതമായ തീരുമാനമെടുക്കാൻ മറ്റെന്തിനേക്കാളും പ്രധാനപ്പെട്ടതാണ് വ്യക്തിപരബുദ്ധി (Personal Intelligence) എന്ന് ഗാർഡ്നർ സൂചിപ്പിക്കുന്നുണ്ട്. താഴെ പറയുന്നവയിൽ വ്യക്തിപര ബുദ്ധിയായി കണക്കാക്കുന്നവ :

1. ഭാഷാപരമായ ബുദ്ധി (Linguistic-Verbal Intelligence) 
2. വ്യക്ത്യാന്തര ബുദ്ധി (Inter Personal Intelligence) 
3. ആന്തരിക വൈയക്തിക ബുദ്ധി (Intra Personal Intelligence) 
4. പ്രകൃതിപരമായ ബുദ്ധി (Naturalistic Intelligence)

• A. 1, 4
• B. 2, 4
• C. 2, 3
• D. 3, 4

Answer 1

Answer:

C. 2, 3

ബഹുതര ബുദ്ധി സിദ്ധാന്തം (Theory of Multiple Intelligence):

• 1983-ൽ അമേരിക്കൻ ജ്ഞാനനിർമ്മിതിവാദിയായ ഹൊവാർഡ് ഗാർഡ്നർ (Howard Gardner) ആണ് ബഹുതര ബുദ്ധി സിദ്ധാന്തം ആവിഷ്കരിച്ചത്.
• 1983 ൽ, മനസിന്റെ ചട്ടക്കൂട് (Frames of mind) എന്ന ഗ്രന്ഥത്തിലാണ്, ഗാർഡ്നർ ഈ സിദ്ധാന്തം പരാമർശിക്കുന്നത്.
• ബഹുതര ബുദ്ധി സിദ്ധാന്ത പ്രകാരം, ഓരോ വ്യക്തിയും 7 തരം മാനസിക ശേഷിയുടെ ഉടമയാണെന്ന് അദ്ദേഹം വാദിച്ചു.

ഗാർഡനറുടെ 7 മാനസിക ശേഷികൾ:

1. ദൃശ്യ / സ്ഥലപര ബുദ്ധി (Visual/ Spatial Intelligence)
2. വാചിക / ഭാഷാപര ബുദ്ധി (Verbal / Linguistic Intelligence)
3. യുക്തി ചിന്തന / ഗണിതപര ബുദ്ധി (Logical/ Mathematical Intelligence)
4. കായിക / ചാലകപരമായ ബുദ്ധി (Bodily / Kinesthetic Intelligence)
5. താളാത്മക / സംഗീതാത്മക ബുദ്ധി (Rhythmic / Musical Intelligence)
6. വ്യക്ത്യാന്തര ബുദ്ധി (Interpersonal Intelligence)
7. ആന്തരിക വൈയക്തിക ബുദ്ധി (Intrapersonal Intelligence)

വ്യക്ത്യാന്തര ബുദ്ധി:

• മറ്റുള്ളവരുടെ വികാരങ്ങൾ, മാനസികാവസ്ഥ, താല്പര്യങ്ങൾ ഇവ മനസിലാക്കുന്നതിനും അത് ഉൾക്കൊണ്ട് പ്രവർത്തിക്കുന്നതിനുമുള്ള ബുദ്ധിയാണ് വ്യക്ത്യാന്തര ബുദ്ധി.  
• സഹകരണാത്മക - സഹവർത്തിത പ്രവർത്തനത്തിൽ ഏർപ്പെടാൻ സഹായിക്കുന്ന ബുദ്ധിയാണിത്.
• സാമൂഹിക സേവന സംഘടനാ പ്രവർത്തകർ, ആതുര ശുശ്രൂഷ, പരിസര വിലയിരുത്തൽ, സർവ്വേ, പഠനയാത്ര തുടങ്ങിയവ ഈ ബുദ്ധിയുടെ വികാസത്തിന് സഹായിക്കുന്നു.

ആന്തരിക വൈയക്തിക ബുദ്ധി:

 

 

• സ്വന്തം ശക്തി ദൗർബല്യങ്ങൾ, വൈകാരിക ഭാവങ്ങൾ എന്നിവ തിരിച്ചറിഞ്ഞ് പ്രവർത്തിക്കുന്നതിനുള്ള ബുദ്ധിയാണ് ആന്തരിക വൈയക്തിക ബുദ്ധി.
• മാനസിക സംഘർഷം കുറച്ച്, ആത്മവിശ്വാസത്തോടെ പ്രവർത്തിക്കാനും, സ്വന്തം കഴിവ് പരമാവധിയിൽ എത്തിക്കാനും, തെറ്റുകൾ തിരുത്തി മെച്ചപ്പെടാനും, ഒരു വ്യക്തിയ്ക്ക് കഴിയുന്നത് ഈ ബുദ്ധിയുടെ സഹായത്താലാണ്.