ജർമ്മനിയിൽ നാസി പാർട്ടി ഒഴികെയുള്ള എല്ലാ രാഷ്ട്രീയ പാർട്ടികളെയും ഹിറ്റ്ലർ നിരോധിച്ച വർഷം?
A1932
B1933
C1936
D1938
Answer:
B. 1933
Read Explanation:
ജർമ്മനിയുടെ ചാൻസലറായതിന് ശേഷമുള്ള അഡോൾഫ് ഹിറ്റ്ലറുടെ പ്രവർത്തനങ്ങൾ
- 1934 ഓഗസ്റ്റിൽ ഹിൻഡൻബർഗിൻ്റെ മരണശേഷം, ഹിറ്റ്ലർ ചാൻസലർ, പ്രസിഡൻ്റ് എന്നീ സ്ഥാനങ്ങൾ ലയിപ്പിച്ചു കൊണ്ട് ജർമ്മനിയുടെ പ്രസിഡന്റായി തീർന്നു.
- ഫ്യൂറർ ( നേതാവ്) എന്നറിയപ്പെട്ട അദ്ദേഹം ജർമ്മനിയെ Third Reich അഥവാ മൂന്നാം സാമ്രാജ്യമായി പ്രഖ്യാപിച്ചു
- ഹിറ്റ്ലറുടെ ഭരണകൂടം എല്ലാ തരത്തിലുള്ള എതിർപ്പിനെയും നിഷ്കരുണം അടിച്ചമർത്തി
- കമ്മ്യൂണിസ്റ്റുകളെയും, സോഷ്യലിസ്റ്റുകളെയും മറ്റ് രാഷ്ട്രീയ വിയോജിപ്പുകൾ ഉള്ളവരെയും ഹിറ്റ്ലർ വേട്ടയാടി
- ഭരണകൂടത്തിൻ്റെ ശത്രുക്കളെ ഭീഷണിപ്പെടുത്തുവാനും, അക്രമിക്കുവാനും, അറസ്റ്റ് ചെയ്യുവാനും ഗസ്റ്റപ്പോയും (ഹിറ്റ്ലറിന്റെ രഹസ്യ പോലീസ്) എസ്എസും (Schutzstaffel) പ്രധാന പങ്കുവഹിച്ചു.
- നാസി പ്രത്യയശാസ്ത്രം പ്രചരിപ്പിക്കാനും വിയോജിപ്പുള്ള ശബ്ദങ്ങളെ അടിച്ചമർത്താനും പത്രങ്ങൾ, റേഡിയോ പ്രക്ഷേപണം, വിദ്യാഭ്യാസം, സാംസ്കാരിക സ്ഥാപനങ്ങൾ എന്നിവയുടെ മേൽ ഹിറ്റ്ലർ കർശന നിയന്ത്രണം ഏർപ്പെടുത്തി.
- പൊതുജനാഭിപ്രായം രൂപപ്പെടുത്തുന്നതിലും ഭരണത്തിന് പിന്തുണ നിലനിർത്തുന്നതിലും ഇത്തരം പ്രചാരണം നിർണായക പങ്ക് വഹിച്ചു.
- 1933-ൽ തന്നെ,അധികാരത്തിൽ കുത്തക ഉറപ്പിക്കുക എന്ന ലക്ഷ്യത്തോടെ നാസി പാർട്ടി ഒഴികെയുള്ള എല്ലാ രാഷ്ട്രീയ പാർട്ടികളെയും ഹിറ്റ്ലർ നിരോധിച്ചിരുന്നു
- വേഴ്സായി ഉടമ്പടിയിലെ വ്യവസ്ഥകളെ ഒന്നൊന്നായി ലംഘിച്ച ഹിറ്റ്ലർ രാജ്യത്തെ വീണ്ടും സൈനികവൽക്കരിക്കുകയും ആക്രമണോത്സുകമായ വിദേശ നയം സ്വീകരിക്കുകയും ചെയ്തു