BPL രോഗികളെ ആശുപത്രിയിൽ പ്രവേശിപ്പിക്കുമ്പോൾ സഹായം വാഗ്ദാനം ചെയ്യുന്ന കേരള സർക്കാർ പദ്ധതി
Aആരോഗ്യ സഞ്ജീവനി ഹെൽത്ത് പ്ലാൻ
Bകാരുണ്യ ആരോഗ്യ സുരക്ഷാ പദ്ധതി
Cഹെൽത്ത് പ്രൊട്ടക്ഷൻ പ്ലസ്
Dസൗഭാഗ്യ ആരോഗ്യ സുരക്ഷ പദ്ധതി
Answer:
B. കാരുണ്യ ആരോഗ്യ സുരക്ഷാ പദ്ധതി
Read Explanation:
കാരുണ്യ ആരോഗ്യ സുരക്ഷാ പദ്ധതി(കാസ്പ്)
- പൂര്‍ണ്ണമായും സര്‍ക്കാര്‍ നിയന്ത്രണത്തില്‍ സ്റ്റേറ്റ് ഹെല്‍ത്ത് ഏജന്‍സി മുഖേന നടപ്പിലാക്കുന്ന പദ്ധതി
- കാരുണ്യ ആരോഗ്യ സുരക്ഷാ പദ്ധതി വഴി സര്‍ക്കാര്‍ ആശുപത്രികളിലോ സര്‍ക്കാര്‍ എംപാനല്‍ ചെയ്ത സ്വകാര്യ ആശുപത്രികളിലോ ചികിത്സക്കായി ഓരോ വര്‍ഷവും അര്‍ഹതപ്പെട്ട കുടുംബങ്ങള്‍ക്കു അഞ്ച് ലക്ഷം രൂപ വരെയുള്ള ചികിത്സ ലഭ്യമാകും.
- സംസ്ഥാനത്തെ ദരിദ്രരും ദുര്‍ബലരുമായ കുടുംബങ്ങളിലെ ഏകദേശം 64 ലക്ഷത്തോളം പേർ പദ്ധതിയുടെ ഗുണഭോക്താക്കൾ ആണ്
- പദ്ധതിയില്‍ അംഗമാകുന്ന ഏതൊരു വ്യക്തിക്കും മുന്‍ഗണന മാനദണ്ഡങ്ങളില്ലാതെ ചികിത്സ സഹായം ലഭിക്കുന്നതാണ്.
കാരുണ്യ ആരോഗ്യ സുരക്ഷാ പദ്ധതി വഴി ലഭ്യമാകുന്ന സേവനങ്ങള്‍ :
- പരിശോധനക്കോ ചികിത്സക്കോ വേണ്ടി ആശുപത്രിയില്‍ പ്രവേശിക്കപ്പെടുന്നതിനു മുമ്പുള്ള മൂന്ന് ദിവസത്തെ ചികിത്സ സംബന്ധമായ ചിലവ്.
- ആശുപത്രി വാസത്തിനു ശേഷമുള്ള 15 ദിവസത്തെ പ്രസ്തുത ചികിത്സക്കുള്ള മരുന്നുകളും ഈ പദ്ധതിയിലൂടെ നല്‍കുന്നു.
- കുടുംബാംഗങ്ങങ്ങളുടെ പ്രായം, ലിംഗം എന്നിവ പരിഗണിക്കാതെ എല്ലാ വ്യക്തികള്‍ക്കും ചികിത്സ ആനുകൂല്യം പദ്ധതിയിലൂടെ ലഭിക്കും.
- സര്‍ക്കാര്‍, സ്വകാര്യ ആശുപത്രി എന്ന പരിഗണന കൂടാതെ രാജ്യത്തെ തെരെഞ്ഞെടുക്കപ്പെട്ട എല്ലാ സ്ഥാപനങ്ങളില്‍ നിന്നും പണം ഈടാക്കാതെ പദ്ധതിയിലൂടെ ചികിത്സ ലഭിക്കും.
- മരുന്നുകള്‍ അനുബന്ധ വസ്തുക്കള്‍, പരിശോധനകള്‍, ഡോക്ടറുടെ ഫീസ്, ഓപ്പറേഷന്‍ തീയറ്റര്‍ ചാര്‍ജുകള്‍, ഐസിയു ചാര്‍ജ്, ഇംപ്ലാന്റ് ചാര്‍ജുകള്‍ എന്നിവയും പദ്ധതിയിൽ ഉൾപ്പെടുന്നു.