Question

“തോണ്ടയ്ക്ക്' എന്ന മനഃശാസ്ത്രജ്ഞൻ്റെ നിരവധി പഠനനിയമങ്ങൾ ക്ലാസ്സ് റൂം പഠനപ്രവർത്തനങ്ങളെ സ്വാധീനിക്കുന്നുണ്ട്. താഴെപ്പറയുന്നവയിൽ തോണ്ടയ്ക്കിൻ്റെ പഠനനിയമത്തിൽ ഉൾപ്പെടാത്ത നിയമം ഏത് ?

• A. ഫലനിയമം
• B. സന്നദ്ധതാനിയമം
• C. ശ്രേണീപഠന നിയമം
• D. അഭ്യാസ നിയമം

Answer 1

Answer:

C. ശ്രേണീപഠന നിയമം

എഡ്വേഡ് തോൺഡൈക്ക് - ശ്രമപരാജയ സിദ്ധാന്തം (Trial and Error Theory) OR ബന്ധ സിദ്ധാന്തം (Connectionism) 

• തോൺഡൈക്ക് പ്രധാനപ്പെട്ട വ്യവഹാരവാദിയാണ് (Behaviourist).
• ശ്രമപരാജയ സിദ്ധാന്തം ചോദക പ്രതികരണ സിദ്ധാന്തമാണ്.
• ശ്രമപരാജയ പരീക്ഷണങ്ങൾ തോൺഡൈക്ക് നടത്തിയത് പൂച്ചയിലായിരുന്നു.
• ഭക്ഷണത്തിന്റെ സാന്നിദ്ധ്യവും അത് നേടിയെടുക്കാനുള്ള അഭിവാഞ്ഛയും പൂച്ചയിലുളവാകുന്ന പ്രതികരണങ്ങളുമായിരുന്നു പരീക്ഷണങ്ങൾക്കടിസ്ഥാനം.

ശ്രമപരാജയ പഠനങ്ങളിൽ നിന്നും തോൺഡൈക്ക് ആവിഷ്കരിച്ച മൂന്ന് പഠന നിയമങ്ങൾ :-

1. സന്നദ്ധതാ നിയമം (Law of Readiness)
2. ഫല നിയമം (Law of effect)
3. അഭ്യാസ നിയമം (Law of Exercise)

 

സന്നദ്ധതാ നിയമം (Law of Readiness)

• തോൺഡൈക്കിന്റെ അഭിപ്രായ പ്രകാരം സ്വയം സന്നദ്ധതയും താൽപ്പര്യവും ഉള്ള സമയമാണ് പ്രവർത്തിക്കാൻ ഏറ്റവും അനുയോജ്യം.
• താൽപ്പര്യമില്ലെങ്കിൽ പ്രവർത്തിക്കുക എന്നത് അസ്വാസ്ഥ്യകരമാണ്.
• എന്നാൽ സന്നദ്ധതയുള്ള സമയത്ത് പ്രവർത്തിക്കാതിരിക്കുന്നതും അതിലേറെ അസ്വാസ്ഥ്യകരമാണ്.

ഫല നിയമം (Law of Effect)

• പ്രതികരണത്തിന്റെ ഫലം സുഗമുള്ളതാണെങ്കിൽ അത് വീണ്ടും ആവർത്തിക്കപ്പെടും. അല്ലാത്ത പക്ഷം അതിനുള്ള സാധ്യത കുറവാണ്.

അഭ്യാസ നിയമം (Law of Exercise)

• ചോദക പ്രേരിതമായ ഒരു പ്രതികരണം എത്ര കൂടുതൽ ആവർത്തിക്കപ്പെടുന്നുവോ അത്ര കൂടുതൽ അത് നിലനിൽക്കും എന്നാൽ അഭ്യാസം ലഭിക്കുന്നില്ലെങ്കിൽ ആ ബന്ധം ശിഥിലമാകും ഈ നിയമമാണ് അഭ്യാസനിയമം.
• അഭ്യാസ നിയമത്തെ രണ്ടായി തിരിച്ചിട്ടുണ്ട് :-
  1. പ്രയോഗ നിയമം
  2. പ്രയോഗരാഹിത്യ നിയമം

• തൊണ്ടയ്ക്കിന്റെ പഠന നിയമങ്ങൾ അറിയപ്പെട്ടത് പഠനത്രയം (Trilogy of learning) എന്നാണ്.