Question

ചുവടെ സൂചിപ്പിച്ചിരിക്കുന്ന സംഭവങ്ങളെയും വ്യക്തികളെയും മനസ്സിലാക്കി ചേരുംപടി ചേർക്കുക:

അമേരിക്കൻ സ്വാതന്ത്ര്യ സമരം	തോമസ് പെയ്ൻ
ഫ്രഞ്ച് വിപ്ലവം	ട്രോട്സ്കി
ലാറ്റിനമേരിക്കൻ വിപ്ലവം	വോൾട്ടയർ
റഷ്യൻ വിപ്ലവം	സൈമൺ ബോളിവർ

• A. A-2, B-4, C-3, D-1
• B. A-1, B-3, C-4, D-2
• C. A-3, B-2, C-1, D-4
• D. A-3, B-2, C-4, D-1

Answer 1

Answer:

B. A-1, B-3, C-4, D-2

തോമസ് പെയ്‌ൻ 

• അമേരിക്കൻ  സ്വാതന്ത്ര്യ സമരവുമായി ബന്ധപ്പെട്ട് സുപ്രധാനമായ 'കോമൺ സെൻസ്' എന്ന ലഘുരേഖ തയാറാക്കിയ വ്യക്തി 
• 1776 ജനുവരിയിലാണ്  കോമൺ സെൻസ് എന്ന ലഘുരേഖ തോമസ് പെയ്‌ൻ  പ്രസിദ്ധീകരിച്ചത് 
• ഈ ലേഖനത്തിലൂടെ കോളനികളെ ബ്രിട്ടനിൽ നിന്നും സ്വതന്ത്രമാക്കാൻ പെയിൻ അമേരിക്കൻ ദേശാഭിമാനികളെ ഉദ്ബോധിപ്പിച്ചു.
• "ഇംഗ്ലണ്ടിൽ നിന്നും വേർപിരിയുകയാണ് അമേരിക്കക്കാരെ സംബന്ധിച്ച് വിവേകപൂർവ്വമായ പ്രവർത്തി "എന്ന് ലേഖനം പ്രസ്താവിച്ചു
• ' കോമൺ സെൻസ് എഴുതിയ തൂലികയില്ലായിരുന്നെങ്കിൽ ജോർജ് വാഷിംഗ്ടണിന്റെ വാൾ വ്യർത്ഥമായിപ്പോയേനേ ' എന്ന് ജോൺ ആഡംസ് ഒരിക്കൽ നിരീക്ഷിക്കുകയുണ്ടായി.
• ഈ ലഘുരേഖ വിപ്ലവത്തിനെക്കുറിച്ചുള്ള പൊതുജനാഭിപ്രായം വർദ്ധിപ്പിക്കുകയും, നിരവധി അമേരിക്കക്കാരെ സ്വാതന്ത്ര്യത്തിനായി പോരാടുവാൻ പ്രേരിപ്പിക്കുകയും ചെയ്തു.

വോൾട്ടയർ

• ഫ്രഞ്ച് വിപ്ലവത്തെ സ്വാധീനിച്ച പ്രധാന ചിന്തകൻമാരിൽ പ്രധാനി 
• ഫ്രഞ്ച് വിപ്ലവത്തിന്റെ പിതാവ് എന്ന് പോലും വിശേഷിപ്പിക്കപ്പെടുന്നു 
• പുരോഹിതന്മാരുടെ ചൂഷണത്തെ പരിഹസിച്ചു.
• യുക്തിചിന്ത, സമത്വം, മനുഷ്യസ്നേഹം എന്നിവയെ പ്രോത്സാഹിപ്പിച്ചു.
• വോൾട്ടയറിന്റെ പ്രശസ്തമായ രചന -കാൻഡിഡ്  

സൈമൺ ബൊളിവർ

• തെക്കൻ അമേരിക്കൻ വൻ‌കരയിലെ ഒട്ടേറെ രാജ്യങ്ങളുടെ സ്വാതന്ത്ര്യത്തിനു വഴിയൊരുക്കിയ സൈനിക നേതാവും രാഷ്ട്രതന്ത്രജ്ഞനുമായ വ്യക്തി.
• 1811നും 1825നുമിടയിൽ ബൊളിവർ യുദ്ധങ്ങൾ എന്നറിയപ്പെടുന്ന പോരാ‍ട്ടങ്ങളിലൂടെ തെക്കേ അമേരിക്കൻ വൻ‌കരയിലെ രാജ്യങ്ങളിൽ തദ്ദേശീയ ഭരണകൂടങ്ങൾ സ്ഥാപിച്ചു.
• ലാറ്റിനമേരിക്കയുടെ വിമോചന നായകൻ എന്ന് വിശേഷിപ്പിക്കപ്പെടുന്നു.
• കൊളംബിയയുടെയും ബൊളീവിയയുടെയും ആദ്യത്തെ പ്രസിഡൻറ്.

ബൊളിവറുടെ നേതൃത്വത്തിൽ സ്വാതന്ത്ര്യം നേടിയ രാജ്യങ്ങൾ:

1. ബൊളീവിയ
2. ഇക്വഡോർ
3. പനാമ
4. കൊളംബിയ
5. പെറു
6. വെനസ്വേല

ലിയെഫ് ഡേവിഡോവിച് ട്രോട്സ്കി

• റഷ്യൻ വിപ്ലവകാരിയും,കമ്മ്യൂണിസ്റ്റും, ചിന്തകനുമായിരുന്ന വ്യക്തി 
• മാർക്‌സിസ്റ്റ് ആശയങ്ങളിൽ അധിഷ്‌ഠിതമായ സോഷ്യൽ ഡെമോക്രാറ്റിക് വർക്കേഴ്സ് പാർട്ടി രണ്ടായി പിരിഞ്ഞപ്പോൾ  ലെനിനോടൊപ്പം ബോൾഷെവിക് വിഭാഗത്തിന് നേതൃത്വം നൽകി.
• ഒക്‌ടോബർ വിപ്ലവത്തിൽ അധികാരം പിടിച്ചെടുക്കുന്നതിനു ബോൾഷെവിക്കുകൾക്ക് നേതൃത്വം നല്കി