Question

ചേരുംപടി ചേർക്കുക :

ഉന്നതതലമേഘങ്ങൾ	സിറോസ്ട്രാറ്റസ്, സിറോക്യുമുലസ്
മധ്യ തലമേഘങ്ങൾ	ക്യുമുലസ് , ക്യൂമുലോനിബംസ്
താഴ്ന്നതല മേഘങ്ങൾ	സ്ട്രാറ്റോക്യൂമുലസ്‌, നിംബോസ്ട്രാറ്റസ്
വിശാല ലംബതല വികാസമുള്ള മേഘങ്ങൾ	അൾട്ടോസ്ട്രാറ്റസ്, അൾട്ടോക്കുമുലസ്

• A. A-3, B-1, C-2, D-4
• B. A-1, B-4, C-3, D-2
• C. A-1, B-3, C-4, D-2
• D. A-3, B-4, C-1, D-2

Answer 1

Answer:

B. A-1, B-4, C-3, D-2

മേഘങ്ങൾ (clouds)

• അന്തരീക്ഷത്തിൽ ഉയർന്ന തലങ്ങളിൽ ജല ബാഷ്പം ഘനീഭവിച്ച് രൂപംകൊള്ളുന്ന നേർത്ത ജല കണികകളുടെയോ ഹിമകണികകളുടെയോ സഞ്ചയമാണ് മേഘങ്ങൾ. 

• ഭൂമുഖത്തുനിന്നും ഉയരങ്ങളിൽ രൂപം കൊള്ളുന്നതിനാൽ മേഘങ്ങൾ വിവിധ ആകൃതിയിൽ കാണപ്പെടുന്നു. 

• ഉയരം, വിസ്തൃതി, സാന്ദ്രത, സുതാര്യത എന്നിവയുടെ അടിസ്ഥാനത്തിൽ മേഘങ്ങളെ തിരിച്ചിരിക്കുന്നു :

1. സിറസ്

2. ക്യുമുലസ് 

3. സ്ട്രാറ്റസ്

4. നിംബസ് 

സിറസ് (cirrus) 

• 8000 മീറ്റർ മുതൽ 12000 മീറ്റർവരെ ഉയരത്തിൽ രൂപപ്പെടുന്നു. 

• നേർത്ത തൂവലുകൾക്ക് സമാനമായി കാണപ്പെടുന്ന മേഘങ്ങളാണിത്. 

• എല്ലായ്പ്പോഴും ഇവയ്ക്ക് വെളുപ്പു നിറമായിരിക്കും.

ക്യൂമുലസ് (cumulus) 

• കാഴ്‌ചയിൽ ക്യൂമുലസ്‌ മേഘങ്ങൾ പഞ്ഞിക്കെട്ടു പോലെ തോന്നും. 

• 4000 മീറ്റർ മുതൽ 7000 മീറ്റർവരെ ഉയരത്തിൽ രൂപംകൊള്ളുന്നു. 

• പരന്ന അടിഭാഗത്തോടു കൂടി അങ്ങിങ്ങായി ചിതറിക്കിടക്കുന്ന രീതിയിൽ ഈ മേഘങ്ങൾ കാണപ്പെടുന്നു.

• ക്വാളിഫ്ളവർ ആകൃതിയിലും ചെമ്മരിയാടിൻ്റെ രോമക്കെട്ടുകൾ പോലെയും, പഞ്ഞിക്കെട്ടുകൾ പോലെയും കാണപ്പെടുന്ന മേഘങ്ങൾ .

• ഉയർന്ന സംവഹന പ്രക്രിയയുടെ ഫലമായി തൂവൽക്കെട്ടുകൾപോലെ രൂപം കൊള്ളുന്ന മേഘങ്ങൾ.

• പ്രസന്നമായ കാലാവസ്ഥ പ്രദാനം ചെയ്യുന്ന മേഘങ്ങൾ.

സ്ട്രാറ്റസ് (stratus) 

• പേര് സൂചിപ്പിക്കുന്നതുപോലെ ആകാശത്തിൻ്റെ സിംഹഭാഗവും ഉൾക്കൊള്ളുന്ന അടുക്കുകളായി കാണപ്പെടുന്നു. 

• താപനഷ്ടം മൂലമോ വ്യത്യസ്ത ഊഷ്‌മാവിലുള്ള വായുസഞ്ചയങ്ങളുടെ സങ്കലനം മൂലമോ ആണ് ഇവ രൂപം കൊള്ളുന്നത്.

• മോശമായ കാലാവസ്ഥയിലും മഴച്ചാറ്റലുള്ള അവസരങ്ങളിലും കാണപ്പെടുന്ന മേഘങ്ങൾ 

• ശൈത്യകാല മേഘങ്ങൾ എന്നറിയപ്പെടുന്നത് .

• ഭൗമോപരിതലത്തെ സ്‌പർശിക്കുന്ന സ്ട്രാറ്റസ് മേഘങ്ങൾ അറിയപ്പെടുന്നത്  മൂടൽമഞ്ഞ് .

നിംബസ് (nimbus)

• കറുപ്പ് അഥവാ ഇരുണ്ടചാരനിറമാണ് നിംബസ് മേഘങ്ങൾക്ക്. 

• ഭൂമിയുടെ ഉപരിതലത്തിനോട് വളരെയടുത്താണ് ഇവ കാണുന്നത്. 

• സാന്ദ്രത കൂടിയ അതാര്യമായ ഈ മേഘങ്ങൾ സൂര്യപ്രകാശത്തെ കടത്തിവിടുന്നില്ല. 

• ചിലപ്പോൾ ഈ മേഘങ്ങൾ ഭൗമോപരിതലത്തിൽ സ്പർശിക്കുംവിധം വളരെ താഴെയായി കാണപ്പെടുന്നു. 

• പ്രത്യേക ആകൃതിയൊന്നുമില്ലാതെ കാണുന്ന ജലകണികകളുടെ കൂമ്പാരമാണ് നിംബസ് മേഘങ്ങൾ.

മുകളിൽ സൂചിപ്പിച്ച് നാലുതരം അടിസ്ഥാനമേഘങ്ങളും കുടിക്കലർന്ന് താഴെ പറയുന്ന മേഘങ്ങൾ രൂപപ്പെടുന്നു: 

(i) ഉന്നതതലമേഘങ്ങൾ (high clouds) - സിറസ്, സിറോസ്ട്രാറ്റസ്, സിറോക്യുമുലസ് 

(ii) മധ്യ തലമേഘങ്ങൾ (middle clouds) - അൾട്ടോസ്ട്രാറ്റസ്, അൾട്ടോക്കുമുലസ് 

(iii) താഴ്ന്നതല മേഘങ്ങൾ (low clouds) - സ്ട്രാറ്റോക്യൂമുലസ്‌, നിംബോസ്ട്രാറ്റസ്

(iv) വിശാല ലംബതല വികാസമുള്ള മേഘങ്ങൾ (clouds with extensive vertical development) - ക്യുമുലസ് , ക്യൂമുലോനിബംസ്.

സിറോസ്ട്രാറ്റസ് മേഘം

• തെളിഞ്ഞ ആകാശത്തിൽ ചന്ദ്രന് ചുറ്റും കാണപ്പെടുന്ന മഞ്ഞ വലയത്തിന് കാരണം സിറോസ്ട്രാറ്റസ് മേഘം.

ആൾട്ടോസ്ട്രാറ്റസ്

• നേർത്ത പാടപോലെ ആകാശത്തെ മൂടി കാണപ്പെടുന്ന മേഘങ്ങൾ ആൾട്ടോസ്ട്രാറ്റസ്

• ആകാശത്തിന് നീല, ചാര നിറങ്ങൾ നൽകുന്ന മേഘങ്ങൾ

ആൾട്ടോക്യുമുലസ്

• ആകാശത്ത് തിരമാലകൾ പോലെ കാണപ്പെടുന്ന മേഘങ്ങൾ

• കൊടുങ്കാറ്റിൻ്റെ സൂചനയായി പരിഗണിക്കപ്പെടുന്ന മേഘങ്ങൾ