Question

സവിശേഷ ബാങ്കായ നബാര്‍ഡിന്റെ സവിശേഷതകള്‍ എന്തെല്ലാമാണ്?

1.ഗ്രാമീണ വികസനത്തിനും കാര്‍ഷിക വികസനത്തിനുമായി പ്രവര്‍ത്തിക്കുന്ന ഇന്ത്യയുടെ പരമോന്നത ബാങ്ക് 

2.ഗ്രാമീണ വികസനത്തിനായി പ്രവര്‍ത്തിക്കുന്ന ബാങ്കുകളെ ഏകോപിപ്പിക്കുന്ന ബാങ്കാണിത് 

3.കൃഷി, കൈത്തൊഴില്‍, ചെറുകിട വ്യവസായം തുടങ്ങിയവയ്ക്ക് സാമ്പത്തിക സഹായം നല്‍കുന്നു. 

• A. 1 മാത്രം ശരി.
• B. 1,2 മാത്രം ശരി.
• C. 1,3 മാത്രം ശരി.
• D. 1,2,3 ഇവയെല്ലാം ശരി.

Answer 1

Answer:

D. 1,2,3 ഇവയെല്ലാം ശരി.

നബാർഡ്

• നാഷണൽ ബാങ്ക് ഫോർ അഗ്രിക്കൾച്ചർ ആൻഡ് റൂറൽ ഡെവലപ്മെന്റ് (National Bank for Agriculture and Rural Development) എന്നാണ് നബാർഡിന്റെ പൂർണരൂപം.
  
  
• കാർഷിക-ഗ്രാമവികസന മേഖലകൾക്കായി 1982 ജൂലൈ 12 നാണ് ഇത് രൂപീകരിച്ചത്.
  
  
• റിസർവ് ബാങ്ക് ഓഫ് ഇന്ത്യയുടെ അഗ്രികൾച്ചർ ക്രെഡിറ്റ് ഡിപ്പാർട്ട്‌മെന്റ്, റൂറൽ പ്ലാനിംഗ് ആൻഡ് ക്രെഡിറ്റ് സെൽ, അഗ്രികൾച്ചർ റീഫിനാൻസ് ആൻഡ് ഡെവലപ്‌മെന്റ് കോർപ്പറേഷനും സംയോജിപ്പിചാണ് നബാർഡ് രൂപീകൃതമായത്.
  
  
• എല്ലാ ഗ്രാമീണ വായ്പാ സ്ഥാപനങ്ങൾക്കും (Rural credit institutions) ധനസഹായം നൽകുകയും അവയുടെ പ്രവർത്തനങ്ങൾ ഏകോപിപ്പിക്കുകയും ചെയ്യുന്ന, മുഴുവൻ ഗ്രാമീണ വായ്പാ സംവിധാനത്തിന്റെയും ദേശീയ പരമോന്നത സ്ഥാപനമാണ് നബാർഡ്.
  
  
• 100 കോടി രൂപയുടെ മൂലധത്തോടെയാണ് നബാർഡ് പ്രവർത്തനമാരംഭിച്ചത്.
  
  
• പിന്നീട് ആർ.ബി.ഐയുടെ അഗ്രികൾച്ചറൽ ക്രെഡിറ്റ് ഫണ്ടിൽ നിന്ന് 1400 കോടി രൂപ ഇതിലേക്ക് നൽകപ്പെട്ടു.
  
  
• 1979 മാർച്ച് 30-ന് ഇന്ത്യാ ഗവൺമെന്റിന്റെ ആസൂത്രണ കമ്മീഷനിലെ മുൻ അംഗമായിരുന്ന ബി.ശിവരാമന്റെ അധ്യക്ഷതയിൽ ഒരു സമിതി സ്ഥാപിതമായി.
  
  
• 1979 നവംബർ 28-ന് സമർപ്പിച്ച കമ്മിറ്റിയുടെ റിപ്പോർട്ട്, ഗ്രാമവികസനവുമായി ബന്ധപ്പെട്ട വായ്പാ സംബന്ധിയായ പ്രശ്നങ്ങളിൽ അവിഭാജ്യ ശ്രദ്ധയും ശക്തമായ ദിശാസൂചനയും നൽകുന്നതിന് ഒരു പുതിയ സംഘടനയുടെ ആവശ്യകത വിവരിച്ചു.
  
  
• ഈ നിർദ്ദേശങ്ങൾ പ്രകാരം 'നാഷണൽ ബാങ്ക് ഫോർ അഗ്രികൾച്ചർ ആൻഡ് റൂറൽ ഡെവലപ്‌മെന്റിന്റെ (നബാർഡ്)' രൂപീകരണം 1981 ലെ ആക്‌ട് 61 വഴി പാർലമെന്റ് അംഗീകരിച്ചു.
  
  
• 1982 ജൂലൈ 12-ന് ആർ.ബി.ഐയുടെ കാർഷിക വായ്പാ പ്രവർത്തനങ്ങളും അന്നത്തെ അഗ്രികൾച്ചറൽ റീഫിനാൻസ് ആൻഡ് ഡെവലപ്‌മെന്റ് കോർപ്പറേഷന്റെ പ്രവർത്തനങ്ങളും കൈമാറ്റം ചെയ്തുകൊണ്ടാണ് നബാർഡ് സ്ഥാപിതമായത്.