Question

താഴെ കൊടുത്തിരിക്കുന്ന പ്രസ്താവനകളിൽ ശരിയല്ലാത്തതേത് ?

1. ഫ്രഞ്ച് വിപ്ലവുമായി ബന്ധപ്പെട്ടതായിരുന്നു രേയ്ൻ ഓഫ് ടെറർ
2. ബ്ലഡി സൺഡേ അമേരിക്കൻ വിപ്ലവവുമായി ബന്ധപ്പെട്ടിരിക്കുന്നു
3. 1688-ൽ ഇംഗ്ലണ്ടിൽ മഹത്തായ വിപ്ലവം നടന്നു.
4. 1949-ൽ ചൈനയിൽ ദേശീയ വിപ്ലവം പൊട്ടിപ്പുറപ്പെട്ടു

• A. ii മാത്രം തെറ്റ്
• B. iv മാത്രം തെറ്റ്
• C. എല്ലാം തെറ്റ്
• D. ii, iv തെറ്റ്

Answer 1

Answer:

D. ii, iv തെറ്റ്

ബ്ലഡി സൺഡേ കൂട്ടക്കൊല/'രക്തരൂഷിതമായ ഞായറാഴ്‌ച':

• റഷ്യൻ വിപ്ലവവുമായി ബന്ധപ്പെട്ട സുപ്രധാന സംഭവം
• 1905 ജനുവരി 9-ന്,സെൻ്റ് പീറ്റേഴ്‌സ്ബർഗിലെ തൊഴിലാളികളുടെ ഒരു സംഘം, സാർ നിക്കോളാസ് രണ്ടാമന് ഒരു നിവേദനം നൽകുന്നതിനായി വിൻ്റർ പാലസിലേക്ക് കാൽനടയായി എത്തി
• ഈ  നിവേദനത്തിൽ മെച്ചപ്പെട്ട തൊഴിൽ സാഹചര്യങ്ങൾ, പൗരാവകാശങ്ങൾ, രാഷ്ട്രീയ പരിഷ്കാരങ്ങൾ എന്നിവ ആവശ്യപ്പെട്ടിരുന്നു.
• എന്നാൽ  നിരായുധരായ പ്രതിഷേധക്കാർക്ക് നേരെ രാജാവിന്റെ സൈനികർ (ഇംപീരിയൽ ഗാർഡ്) വെടിയുതിർത്തു 
• അങ്ങനെ തൊഴിലാളികളുടെ സമാധാനപരമായ പ്രകടനം ഒരു കൂട്ടക്കൊലയായി മാറി.
• ഇതാണ് ബ്ലഡി സൺഡേ കൂട്ടക്കൊല എന്നറിയപ്പെടുന്നത് 
• അതിൻ്റെ ഫലമായി നൂറുകണക്കിന് ആളുകൾ കൊല്ലപ്പെടുകയും റഷ്യയിലുടനീളം രോജനരോഷം ആളിക്കത്തിക്കുകയും ചെയ്തു.
• സമാധാനപരമായ പ്രതിഷേധത്തെ ക്രൂരമായി അടിച്ചമർത്തിയത് വിപ്ലവത്തിന് പൊതുജന പിന്തുണ വർദ്ധിപ്പിക്കുകയും സർക്കാർ വിരുദ്ധ വികാരത്തിന് ആക്കം കൂട്ടുകയും ചെയ്തു.

ചൈനയിലെ ദേശീയ വിപ്ലവം

• നടന്ന വർഷം : 1911
• നേതൃത്വം നൽകിയത് : ഡോ. സൻയാത് സെൻ 
• മഞ്ചു രാജഭരണത്തിനെരായി നടന്ന വിപ്ലവം.
• ഇത് ചൈനയിൽ രാജവാഴ്ചയ്ക്ക് അന്ത്യം കുറിച്ചു.
• തുടർന്ന് ദക്ഷിണചൈനയിൽ സൻയാസെന്നിന്റെ നേതൃത്വത്തിൽ കുമി ന്തങ് പാർട്ടി ഒരു റിപ്പബ്ലിക്കൻ ഭരണം സ്ഥാപിച്ചു.
• സൻയാൻ ദേശീയത, ജനാധിപത്യം, സോഷ്യലിസം എന്നീ മൂന്ന് ആശയങ്ങൾക്ക് പ്രാധാന്യം നൽകി.