Question

താഴെ കൊടുത്തവയിൽ തെറ്റായ ജോഡി തെരഞ്ഞെടുക്കുക.

• A. ക്രിയാഗവേഷണം - സ്റ്റീഫൻ. എം. കോറി
• B. പ്രക്ഷേപണരീതി - തീമാറ്റിക്
• C. ക്ലിനിക്കൽ മെത്തേഡ് - ജെ. എൽ. മൊറീനോ
• D. സാമൂഹ്യ ബന്ധപരിശോധന - ക്ലിക്കുകൾ

Answer 1

Answer:

C. ക്ലിനിക്കൽ മെത്തേഡ് - ജെ. എൽ. മൊറീനോ

ക്ലിനിക്കൽ മെത്തേഡ് (Clinical Method)

• മനോരോഗ ബാധിതരായവരുടെ രോഗനിർണയത്തിലും ചികിത്സയിലുമാണ് ഇത് അധികവും ഉപയോഗിക്കുക. 

• ക്ലിനിക്കൽ പശ്ചാത്തലത്തിൽ അബ്നോർമൽ വ്യക്തിത്വ പ്രശ്നങ്ങൾ പഠിക്കുന്നു, കണ്ടെത്തുന്നു, വൈദ്യശാസ്ത്ര മാർഗ്ഗങ്ങളിൽ പരിഹരിക്കുന്നു.

• ലെറ്റ്നർ വിമർ ആണ് ക്ലിനിക്കൽ  മനശ്ശാസ്ത്രവും ക്ലിനിക്കൽ രീതിയും ആദ്യമായി അവതരിപ്പിച്ചത്. 

• പിന്നീട് ഫ്രോയ്ഡ്, ആഡ്‌ലർ, യൂങ് എന്നിവർ ഇത് ഫലപ്രദമായി ഉപയോഗിച്ചിരുന്നു. 

സാമൂഹ്യ ബന്ധപരിശോധനകൾ (Sociometric techniques)

• ഗ്രൂപ്പുകളിൽ ഒരു വ്യക്തിയുടെ സാമൂഹ്യബന്ധത്തിൻറെ അളവ് നിശ്ചയിക്കാനും അയാളുടെ സ്വീകാര്യതയും അയാളോടുള്ള വിമുഖതയും എത്രമാത്രമെന്ന് പരിശോധിക്കാനുമുള്ള ഒരു മാർഗ്മാണ് ജെ. എൽ. മൊറീനോ വികസിപ്പിച്ച സാമൂഹ്യ ബന്ധപരിശോധന.

• അംഗങ്ങളോട് വിവിധ സാഹചര്യങ്ങളിൽ അവരോടൊപ്പമുണ്ടാകണമെന്ന് ആഗ്രഹിക്കുന്ന വ്യക്തികളുടെ പേരുകളും ഒഴിവാക്കാൻ ആഗ്രഹിക്കുന്ന വ്യക്തികളുടെ പേരുകളും നിർദേശിക്കാൻ ആവശ്യപ്പെടുന്നു.  സാധാരണഗതിയിൽ സഹസമൂഹങ്ങളിലാണ് ഇത്തരം പഠനം നടത്താറുള്ളത്.