Question

രണ്ടാം ലോക യുദ്ധ വേളയിൽ ഫ്രാൻസിന്റെ കീഴടങ്ങലുമായി ബന്ധപ്പെട്ട ചില പ്രസ്താവനകൾ നൽകിയിരിക്കുന്നു. തെറ്റായവ കണ്ടെത്തുക

1. 1940 മാർച്ചിൽ ജർമ്മൻ സൈന്യം ഫ്രാൻസിൻ്റെ തലസ്ഥാനമായ പാരീസ് കീഴടക്കി.
2. ഫ്രാൻസും ജർമ്മനിയും തമ്മിലുള്ള യുദ്ധം  അവസാനിപ്പിച്ചുകൊണ്ട് 1940 ജൂൺ 22-ന് ഒരു യുദ്ധവിരാമ കരാർ  ഒപ്പുവച്ചു.
3. ജർമ്മനിയോട് കീഴടങ്ങിയ ശേഷം ഫ്രഞ്ച് സർക്കാർ ഫ്രാൻസിൻ്റെ  തെക്കൻ ഭാഗത്തുള്ള വിച്ചി എന്ന പട്ടണത്തിലേക്ക് ആസ്ഥാനം മാറ്റി.
4. ജർമ്മൻ അധിനിവേശത്തിനെതിരായ പോരാട്ടം തുടരുകയും ഫ്രാൻസിൻ്റെ വിമോചനം നേടുകയും ചെയ്യുക എന്ന ലക്ഷ്യത്തോടെ ഫ്രീ ഫ്രാൻസ് മൂവ്‌മെൻ്റ്  എന്ന പ്രസ്ഥാനം രൂപീകരിക്കപ്പെട്ടു
5. ഫിലിപ്പ് പെറ്റൈനായിരുന്നു ഫ്രീ ഫ്രാൻസ് മൂവ്‌മെൻ്റ് എന്ന പ്രസ്ഥാനത്തിന്റെ സ്ഥാപകനും നേതാവും

• A. 1, 5 തെറ്റ്
• B. 3, 5 തെറ്റ്
• C. 1, 3 തെറ്റ്
• D. എല്ലാം തെറ്റ്

Answer 1

Answer:

A. 1, 5 തെറ്റ്

ഫ്രാൻസിൻ്റെ പരാജയം:

• 1940 ജൂണിൽ ഫ്രാൻസിനെതിരെ ജർമ്മനി നേടിയ വിജയം രണ്ടാം ലോകമഹായുദ്ധത്തിലെ ഒരു പ്രധാന വഴിത്തിരിവായിരുന്നു.
• 1940 ജൂണിൽ ജർമ്മൻ സൈന്യം ഫ്രാൻസിൻ്റെ തലസ്ഥാനമായ പാരീസ് കീഴടക്കി.
• ഈ അധിനിവേശം ഫ്രാൻസിന് നേരിട്ട  അപമാനത്തിൻ്റെയും പരാജയത്തിൻ്റെയും പ്രതീകമായിരുന്നു.
• പാരീസ് അധിനിവേശത്തെത്തുടർന്ന്, മാർഷൽ ഫിലിപ്പ് പെറ്റിൻ്റെ നേതൃത്വത്തിലുള്ള ഫ്രഞ്ച് സർക്കാർ ജർമ്മനിയുമായി ഒരു സന്ധിക്ക്  ശ്രമിച്ചു.
• ഇതിന്റെ ഭാഗമായി ഫ്രാൻസും ജർമ്മനിയും തമ്മിലുള്ള യുദ്ധം  അവസാനിപ്പിച്ചുകൊണ്ട് 1940 ജൂൺ 22-ന് ഒരു യുദ്ധവിരാമ കരാർ  ഒപ്പുവച്ചു.
• കീഴടങ്ങലിന് ശേഷം ഫ്രഞ്ച് സർക്കാർ ഫ്രാൻസിൻ്റെ  തെക്കൻ ഭാഗത്തുള്ള വിച്ചി പട്ടണത്തിലേക്ക് ആസ്ഥാനം മാറ്റി.
• വിച്ചി ഫ്രാൻസ് എന്നറിയപ്പെട്ട  ഈ ഗവൺമെന്റ്  നാസി അധികാരികളുമായി സഹകരിച്ചു കൊണ്ട് ഫ്രാൻസിൻ്റെ തെക്കൻ ഭാഗം ഭരിച്ചു,
• അതേസമയം ഫ്രാൻസിന്റെ വടക്കൻ, പടിഞ്ഞാറൻ പ്രദേശങ്ങൾ ജർമ്മനി നേരിട്ട് ഭരിച്ചു.

ഫ്രീ ഫ്രാൻസ് മൂവ്‌മെൻ്റ് 

• ജർമ്മൻ സേന ഫ്രാൻസിനെ പരാജയപ്പെടുത്തിയത്തിനും, വിച്ചി ഫ്രാൻസ്  സ്ഥാപിതമായതിനും തൊട്ടുപിന്നാലെയാണ് ഈ പ്രസ്ഥാനം രൂപീകരിച്ചത്
• ഫ്രഞ്ച് സൈന്യത്തിലെ ബ്രിഗേഡിയർ ജനറലായിരുന്ന ചാൾസ് ഡി ഗാളിന്റെ നേതൃത്വത്തിലാണ് ഇത് രൂപീകരിക്കപ്പെട്ടത് 
• ജർമ്മൻ അധിനിവേശത്തിനെതിരായ പോരാട്ടം തുടരുകയും ഫ്രാൻസിൻ്റെ വിമോചനം നേടുകയും ചെയ്യുക എന്നതായിരുന്നു ഫ്രീ ഫ്രാൻസ് പ്രസ്ഥാനത്തിൻ്റെ പ്രാഥമിക ലക്ഷ്യം.