ഇന്ത്യൻ ഭരണഘടനയുടെ Article 52 പ്രകാരം ഭാരതത്തിന് ഒരു പ്രസിഡന്റ് ഉണ്ടായിരിക്കും.
ഇന്ത്യൻ റിപ്പബ്ലിക്കിന്റെ ഭരണഘടനാപരമായ തലവനാണ് (Constitutional Head) രാഷ്ട്രപതി.
ഭരണഘടനയിലെ Article 53(1) അനുസരിച്ച്, കേന്ദ്ര ഗവൺമെന്റിന്റെ എക്സിക്യൂട്ടീവ് അധികാരം രാഷ്ട്രപതിയിൽ നിക്ഷിപ്തമാണ്.
ഇന്ത്യൻ ഭരണഘടനയുടെ ഭാഗം V (Part V) ആണ് രാഷ്ട്രപതിയെക്കുറിച്ചുള്ള പ്രതിപാദനങ്ങൾ നടത്തുന്നത്.
യഥാർത്ഥ അധികാരങ്ങൾ പ്രധാനമന്ത്രിയുടെ നേതൃത്വത്തിലുള്ള മന്ത്രിസഭയിൽ നിക്ഷിപ്തമാണെങ്കിലും, ഔദ്യോഗികമായ എല്ലാ തീരുമാനങ്ങളും രാഷ്ട്രപതിയുടെ പേരിലാണ് നടപ്പിലാക്കുന്നത്.
ഇന്ത്യയുടെ പ്രഥമ പൗരൻ (First Citizen of India) എന്നും രാഷ്ട്രപതി അറിയപ്പെടുന്നു.
സൈന്യത്തിന്റെ മൂന്ന് വിഭാഗങ്ങളുടെയും (Army, Navy, Air Force) പരമോന്നത കമാൻഡർ കൂടിയാണ് രാഷ്ട്രപതി.
