വേൾ+തു = വേട്ടു ഇത് ഏത് സന്ധി വിഭാഗത്തിൽ പെടുന്നു ?
Aആദേശ സന്ധി
Bദിത്വ സന്ധി
Cആഗമ സന്ധി
Dലോപസന്ധി
Answer:
A. ആദേശ സന്ധി
Read Explanation:
ദിത്വ സന്ധി
- രണ്ടു വർണ്ണങ്ങൾ തമ്മിൽ ചേരുമ്പോൾ ഒരു വർണം ഇരട്ടിക്കുന്നത് ദിത്വ സന്ധി
- '+' നു മുമ്പായി ചന്ദ്രക്കലയിട്ട് വരുന്ന വ്യഞ്ജനാക്ഷരമോ ചില്ലക്ഷരമോ വരികയും ചേർത്ത് എഴുതുമ്പോൾ അത് ഇരട്ടിക്കുകയും ചെയ്താൽ '+' ന് ശേഷമുള്ള എല്ലാ അക്ഷരങ്ങളും വന്നിട്ടുണ്ടോ എന്ന് നോക്കണം. '+'ശേഷം ആദ്യം സ്വരമാണുള്ളതെങ്കിൽ ചേർത്തെഴുതുമ്പോൾ അതിൻറെ അടയാളമേ വരൂ
- ഉദാഹരണo : എൺ + ആയിരം = എണ്ണായിരം
ആദേശ സന്ധി
- രണ്ടു വർണ്ണങ്ങൾ തമ്മിൽ ചേരുമ്പോൾ ഒരു വർണ്ണം പോയി അതിൻറെ സ്ഥാനത്തു മറ്റൊരു വർണ്ണം വരുന്നതാണ് ആദേശ സന്ധി
- വിഗ്രഹിക്കുമ്പോൾ '+' നു മുൻപ് ചന്ദ്രക്കലയിട്ട വ്യഞ്ജനമോ ചില്ലക്ഷരമോ അനുസരമോ (o) വരുകയും ചേർത്ത് എഴുതുമ്പോൾ അവ വരാതിരിക്കുകയും ചെയ്യുന്നത് ആദേശ സന്ധിയാണ്
- ഉദാ : സത് + ആചാരം = സദാചാരം , എൺ+ നൂറ്=എണ്ണൂറ്
ആഗമ സന്ധി
- രണ്ടു വർണ്ണങ്ങൾ തമ്മിൽ ചേരുമ്പോൾ ഒരു വർണ്ണം മാറാതെ പുതിയൊരു വർണ്ണം വന്നുചേരുന്നതാണ് ആഗമ സന്ധി
- പിരിച്ചെഴുതുമ്പോൾ '+' നു ശേഷം സ്വരാക്ഷരം വരുകയും ചേർത്ത് എഴുതുമ്പോൾ ആ സ്വരത്തിന്റെ സ്ഥാനത്ത് ';യ' എന്നോ 'വ' എന്നോ വരികയും ചെയ്താൽ അത് ആഗമ സന്ധി.
- ഉദാ : തിരു + ആതിര = തിരുവാതിര
നെടി +അരി = നെടിയരി - കരി , മല , മാ , മുള ,പുളി, പൂ എനിക്കിവയ്ക്കടുത്തായി ങ്ക ,ഞ്ച, ണ്ട, ന്ത ,മ്പ എന്നീ കൂട്ടക്ഷരങ്ങളിൽ ഏതെങ്കിലും വന്നു ഒന്നു വന്നാൽ അതും ആഗമ സന്ധ്യ ആയിരിക്കും
- ഉദാ : കരി + കല്ല് = കരിങ്കല്ല്
കരി+ ചന്ത = കരിഞ്ചന്ത
ലോപ സന്ധി
- രണ്ടു വണ്ണങ്ങൾ തമ്മിൽ ചേരുമ്പോൾ അതിലൊന്ന് ഇല്ലാതാവുന്നത് ലോപ സന്ധി
- പിരിച്ചെഴുതുമ്പോൾ എല്ലാ അക്ഷരങ്ങളും എണ്ണി നോക്കണം തുടർന്ന് ചേർത്ത് എഴുതുമ്പോൾ പിരിച്ചെഴുതിയപ്പോൾ ഉണ്ടായിരുന്ന അക്ഷരങ്ങളുടെ എണ്ണത്തിൽ നിന്ന് ഒന്ന് കുറവായിരിക്കും എന്നാൽ ലോപo
- ഉദാ : വന്നു + ഇല്ല = വന്നില്ല
തേര് + ഓട്ടം = തേരോട്ടം