പ്രഥമ ശുശ്രൂഷയിൽ സി. പി. ആർ. എന്നത് എന്തിനെ സൂചിപ്പിക്കുന്നു ?
Aക്ലാസിക് പൾമൊണറി റെസ്ക്യൂ
Bകാർഡിയോ പൾമൊണറി റെസസിറ്റേഷൻ
Cസെൻട്രൽ പ്രഷർ റിലീഫ്
Dസെർവിക്കൽ പ്രഷർ റിലീസ്
Answer:
B. കാർഡിയോ പൾമൊണറി റെസസിറ്റേഷൻ
Read Explanation:
ഹൃദയശ്വസന പുനരുജ്ജീവനം (Cardio Pulmonary Resuscitation - CPR)
- ഹൃദയശ്വസന പുനരുജ്ജീവനത്തിന്റെ പിതാവ് - പീറ്റർ സഫർ (ആസ്ട്രിയൻ അനസ്തേഷ്യോളജിസ്റ്റ്)
- പീറ്റർ സഫറിന്റെ സഹായിയായിരുന്ന വ്യക്തി - ജെയിംസ് ഏലാം (അമേരിക്കൻ ഫിസിഷ്യൻ ആന്റ് റെസ്പിറേറ്ററി റിസർച്ചർ)
- ഹൃദയത്തിന്റെ പ്രവർത്തനം നിലച്ചാൽ സ്വാഭാവികമായും രക്ത ചംക്രമണം നിന്ന് പോകുന്നു. അതോടെ തലച്ചോറിലേക്കുള്ള രക്ത പ്രവാഹം നിലയ്ക്കുന്നു. തലച്ചോറിലെ കോശങ്ങൾ നശിച്ച് തുടങ്ങുന്നു. ഇത് അധികനേരം തുടർന്നാൽ മരണം സംഭവിക്കും.
- അപകടം, രോഗം എന്നിവയാൽ ഹൃദയത്തിന്റേയും ശ്വാസകോശത്തിന്റേയും പ്രവർത്തനം നിലയ്ക്കുന്ന അവസരത്തിൽ നൽകുന്ന പ്രഥമശുശ്രൂഷയാണ് ഹൃദയശ്വസന പുനരുജ്ജീവനം.
- അബോധാവസ്ഥയിലായ ഒരാൾ ശ്വസിക്കുന്നില്ല എന്ന് ഉറപ്പായാൽ അയാളുടെ ഹൃദയത്തിനും ശ്വാസകോശത്തിനും പുനരുജ്ജീവനം നൽകണം.
- CPR ആരംഭിക്കുന്നതിന് മുമ്പ് പീഡിതന് ബോധമുണ്ടോ എന്ന് പരിശോധിക്കുന്നതിനായി തട്ടി വിളിച്ച് ഉണർത്താൻ ശ്രമിക്കുക.
- അപകടത്തിൽപ്പെട്ടയാളെ ആശുപത്രിയിൽ എത്തിക്കുന്നതുവരെ ഹൃദയപുനരുജ്ജീവനവും ശ്വസനപുനരുജ്ജീവനവും തുടരാം.
- ഈ ക്രിയ ചെയ്യുന്നതിന് മുമ്പ് ഹൃദയം നിലച്ചു പോയി എന്ന് പ്രഥമശുശ്രൂഷകൻ പരിശോധിച്ച് പൂർണമായി ബോധ്യപ്പെടണം. പരിശീലനം ലഭിച്ചിട്ടുള്ളവർ മാത്രമേ ഇത് ചെയ്യാൻ പാടുള്ളു.