ഉൾക്കൊള്ളൽ വിദ്യാഭ്യാസത്തിൻറെ പ്രത്യേകത ?
Aഅത് പ്രത്യേക പരിഗണനയുള്ള കുട്ടികളെയും സാധാരണ കുട്ടികളെപോലെ കരുതുന്നു
Bഅത് വൈവിധ്യമുള്ള പഠന സാഹചര്യമൊരുക്കുന്നു
Cഅത് വ്യക്തിവ്യത്യാസം പരിഗണിക്കുന്നു
Dഇവയെല്ലാം
Answer:
D. ഇവയെല്ലാം
Read Explanation:
ഉൾച്ചേർന്ന വിദ്യാഭ്യാസം (Inclusive Education)
- ജാതി-മത-വർഗ-സാംസ്കാരിക-സാമ്പത്തിക - സാമൂഹിക ഭേദമെന്യേ യാതൊരു വിധ വിവേചനവും ഇല്ലാതെ ഭിന്നശേഷിക്കാരായ കുട്ടികൾക്ക് സമപ്രായക്കാരായ സാധാരണ കുട്ടികളോടൊപ്പം മുഖ്യധാരാ വിദ്യാഭ്യാസം പൂർണ തോതിൽ തന്നെ പൊതു വിദ്യാലയങ്ങളിൽ ലഭ്യമാക്കുന്ന വിദ്യഭ്യാസമാണ് - ഉൾച്ചേർന്ന വിദ്യാഭ്യാസം / സങ്കലിത വിദ്യാഭ്യാസം
- ഉൾച്ചേർന്ന വിദ്യാഭ്യാസത്തിന് തുടക്കം കുറിച്ചത് - 1990
- ഭിന്നശേഷിക്കാരായവരെ സംബന്ധിച്ച് പ്രത്യയ ശാസ്ത്രപരമായ ഒരു പരിവർത്തനമാണ് "ഉൾച്ചേർന്ന വിദ്യാഭ്യാസം" .
- UNICEF ന്റെ 2003-ലെ കണക്കനുസരിച്ച് മിതമായ മാനസിക വെല്ലുവിളി നേരിടുന്ന ഭിന്നശേഷിക്കാരായ കുട്ടികളിൽ 70% വരെയുള്ളവരെ പൊതു വിദ്യാലയങ്ങളിൽ ചേർത്ത് പഠിപ്പിക്കാനാവും.
- എന്നാൽ തീവ്രമായ പ്രശ്നമുള്ളവർക്ക് സവിശേഷ സ്കൂളുകളാണ് അഭികാമ്യം.
ഉൾച്ചേർന്ന വിദ്യാഭ്യാസത്തിന്റെ മികവുകൾ
- എല്ലാവിധ വിവേചനങ്ങളും ഇല്ലാതാകുന്നു.
- സാമൂഹികവൽക്കരണം സാധ്യമാകുന്നു.
- ഭിന്നശേഷിക്കാരായ കുട്ടികളുടെ പെരുമാറ്റത്തിൽ അഭിലഷണീയമായ മാറ്റങ്ങൾ ഉണ്ടാകുന്നു.
- വിവിധ വിഷയങ്ങളുടെ പഠനം അവന്റെ പരിമിതികൾ കണക്കിലെടുത്തുകൊണ്ടു തന്നെ സൗഹാർദ്ദപരമാകുന്നു.
- ഗുണനിലവാരമുള്ള വിദ്യാഭ്യാസം കുട്ടികളുടെ അവകാശം എന്നത് ഭിന്നശേഷിക്കാരനും അനുഭവവേദ്യമാകുന്നു.
- സ്കൂൾ തലത്തിലുള്ള എല്ലാ പ്രവർത്തനങ്ങളിലും പങ്കാളിയാവാൻ ഭിന്നശേഷിക്കാരായ കുട്ടികൾക്ക് അവസരം ലഭിക്കുന്നു.
- സ്കൂൾ പ്രവർത്തനങ്ങളിൽ സാമൂഹിക ഇടപെടൽ പരസ്പര പൂരകമായി നടക്കുന്നതിനാൽ ഭിന്നശേഷിക്കാരുടെ വിദ്യാഭ്യാസ പുരോഗതിക്ക് വേഗത കൂടുന്നു.
- പഠനത്തിലും ജീവിത വിജയം നേടുന്നതിലും ഭിന്നശേഷിക്കാരായ കുട്ടികളിൽ ആത്മവിശ്വാസം വർധിക്കുന്നു.