ഭൂമിയുടെ മാന്റിലിനെയും കാമ്പിനെയും തമ്മിൽ വേർതിരിക്കുന്ന അതിർവരമ്പ് ?
Aമൊഹോറോവിക് വിച്ഛിന്നത
Bഗുട്ടൻബർഗ് വിച്ഛിന്നത
Cകോൺറാഡ് വിച്ഛിന്നത
Dലെഹ്മാൻ വിച്ഛിന്നത
Answer:
B. ഗുട്ടൻബർഗ് വിച്ഛിന്നത
Read Explanation:
- ഭൂമിയുടെ മാന്റിലിനെയും കാമ്പിനെയും തമ്മിൽ വേർതിരിക്കുന്ന അതിരിനെ "ഗുട്ടൻബർഗ് വിച്ഛിന്നത" അഥവാ "ഗുട്ടൻബർഗ് ഡിസ്കണ്ടിന്യുറ്റി സോൺ" എന്ന് വിളിക്കുന്നു.
- ഭൂകമ്പശാസ്ത്ര പഠനത്തിൽ സമഗ്ര സംഭാവനകൾ നൽകിയിട്ടുള ജർമ്മൻ ഭൂകമ്പ ശാസ്ത്രജ്ഞനായ ബെനോ ഗുട്ടൻബെർഗിന്റെ പേരിലാണ് ഈ അതിർത്തിക്ക് പേര് നൽകിയിരിക്കുന്നത്.
- ഭൂമിയുടെ ഭൂവൽക്കത്തെയും മാന്റ്റിലിനെയും വേർതിരിക്കുന്ന അതിർത്തി -"മൊഹോറോവിക് വിച്ഛിന്നത"
ഭൂവൽക്കം(Earth's Crust)
- ഭൂമിയുടെ ഏറ്റവും പുറമെയുള്ള ഭാഗത്തെയാണ് ഭൂവൽക്കം എന്നുപറയുന്നത്.
- പൂജ്യം മുതൽ 40 കിലോമീറ്റർ വരെ വ്യാപിച്ചിരിക്കുന്ന ബാഹ്യപാളിയാണ് ഇത്
- സമുദ്രാന്തർഭാഗത്ത് ആറുകിലോ മീറ്റർ വരേയും ഭൂഖണ്ഡങ്ങളിൽ 30 മുതൽ 50 വരെ കി.മീറ്റർ വരെയും ഭൂവൽക്കത്തിന്റെ ഘനം വ്യത്യാസപ്പെട്ടിരിക്കുന്നു.
- സിലിക്കൺ,അലൂമിനിയം,മെഗ്നീഷ്യം തുടങ്ങി നിരവധി ധാതുക്കളുടെയും ശിലകളുടെയും കലവറയാണ് ഭൂവൽക്കം
- ഭൂവല്ക്കത്തില് ഏറ്റവും കൂടുതലായി കാണപ്പെടുന്ന ലോഹം - അലുമിനിയം
മാന്റിൽ (Mantle)
- ഭൂവല്ക്കത്തിന് താഴെയായി സ്ഥിതി ചെയ്യുന്നു
- ഭൂവല്ക്ക പാളിക്ക് താഴെ തുടങ്ങി 2900 കി.മീ. വരെ ആഴമുണ്ട്
- ഏറ്റവും കനം കൂടിയ പാളി
- ഉപരിമാന്റ്റിൽ,അധോമാൻറിൽ എന്നിങ്ങനെ രണ്ടായി തരം തിരിച്ചിരിക്കുന്നു
- സിലിക്കൺ സംയുക്തങ്ങൾ കൊണ്ട് നിർമ്മിതമായ ഉപരി മാൻറിൽ ഖരാവസ്ഥയിലാണ്.
- ഉപരിമാൻ്റിലിന് താഴെയായി സ്ഥിതി ചെയ്യുന്ന അധോമാന്റിൽ അർധദ്രവാവസ്ഥയിലാണ്
കാമ്പ്
- ഭൂമിയുടെ കേന്ദ്ര ഭാഗമാണ് കാമ്പ്
- 2900 കിലോമീറ്റർ മുതൽ 6371 കിലോമീറ്റർ വരെ വ്യാപിച്ചിരിക്കുന്ന പ്രദേശം
- പുറക്കാമ്പ്,അകക്കാമ്പ് എന്നിങ്ങിനെ കാമ്പിന് രണ്ട് ഭാഗങ്ങളുണ്ട്
- പുറക്കാമ്പിലെ പദാർത്ഥങ്ങൾ ഉരുകിയ അവസ്ഥയിലാണ്
- ഭൂമിയുടെ അകക്കാമ്പ് ഖരാവസ്ഥയിലാണ്
- അകക്കാമ്പിന്റെ ഏകദേശം കനം - 3400 കിലോമീറ്റർ
- അകക്കാമ്പ് നിർമ്മിച്ചിരിക്കുന്നത് നിക്കലും ഇരുമ്പും കൊണ്ടാണ്.
- പ്രധാനമായും നിക്കൽ (NI), ഇരുമ്പ് (Fe) എന്നീ ധാതുക്കളാൽ നിർമിതമായതിനാൽ അകകാമ്പ് നിഫെ (NIFE) എന്നും അറിയപ്പെടുന്നു.