Question

ഒരു പദാർത്ഥത്തിന്റെ പ്രതലത്തിൽ മാത്രം ധാരാളം വാതകം വലിച്ചെടുത്തു വയ്ക്കുന്ന പ്രതിഭാസത്തിന്റെ പേര്?

• A. അതിവ്യാപനം
• B. ഓക്സീകരണം
• C. അധിശോഷണം
• D. വ്യതിവ്യാപനം

Answer 1

Answer:

C. അധിശോഷണം

അധിശോഷണം (Adsorption):

• ഖരം അഥവാ ദ്രാവകാവസ്ഥയിലുള്ള ഒരു പദാർഥത്തിന്റെ ഉള്ളിലേക്ക് പോകാതെ അതിന്റെ പ്രതലത്തിൽ തന്നെ തന്മാത്രാ ഗണങ്ങൾ സ്വരൂപിക്കപ്പെടുന്നതിനെ, അധിശോഷണം (adsorption) എന്നു പറയുന്നു.

• ഏത് വസ്തുവിന്റെ ഉപരിതലത്തിലാണോ തന്മാത്രാഗണങ്ങൾ ശേഖരിക്കപ്പെടുന്നത്, അതിനെ അധിശോഷകം (Adsorbent) എന്നു പറയുന്നു.

• പ്രതലത്തിൽ ശേഖരിക്കപ്പെടുന്ന പദാർഥത്തെ, അധിശോഷ്യം (adsorbate) എന്നും പറയുന്നു.

• അധിശോഷണം അടിസ്ഥാനപരമായി ഒരു പ്രതല പ്രതിഭാസമാണ്.

• ഖരപദാർഥത്തിന് പ്രത്യേകിച്ച് അതിസൂക്ഷ്മാവസ്ഥയിൽ പ്രതല പരപ്പളവ് കൂടുതലായിരിക്കും.

• അതു കൊണ്ട് നന്നായി പൊടിച്ച രൂപത്തിലുള്ള കരി, സിലിക്ക ജെൽ, അലുമിന ജെൽ, കളിമണ്ണ്, കൊളോയിഡുകൾ, ലോഹങ്ങൾ മുതലായവ നല്ല അധിശോഷകങ്ങളാണ്.

Note:

• അഡ്‌സോർപ്‌ഷനിൽ (adsorption), സംയുക്തങ്ങൾ പദാർത്ഥത്തിന്റെ ഉപരിതലത്തിൽ പറ്റി നിൽക്കുന്നു.

• ആഗിരണം (absorption) ചെയ്യുമ്പോൾ പദാർത്ഥങ്ങൾ, ദ്രാവകത്തിന്റെയോ, ഖര പദാർത്ഥത്തിന്റെയോ ഉള്ളിലേക്ക് പ്രവേശിക്കുന്നു.