മയക്കു മരുന്നിന്റെ ദുരുപയോഗവും കള്ളക്കടത്തും ശിക്ഷാർഹമാക്കുന്നതിന് കൊണ്ടുവന്ന പ്രത്യേക നിയമം?
Aഇന്ത്യൻ ശിക്ഷാ നിയമം
Bനാർക്കോട്ടിക് ഡഗ്സ് ആന്റ് സൈക്കോട്രോപിക് സബ്സ്റ്റൻസ് നിയമം
Cനാർക്കോട്ടിക് സബ്സ്റ്റൻസ് ആന്റ് ഓപ്പിയം നിയന്ത്രണ നിയമം
Dഇന്ത്യൻ രാജ്യസുരക്ഷ നിയമം
Answer:
B. നാർക്കോട്ടിക് ഡഗ്സ് ആന്റ് സൈക്കോട്രോപിക് സബ്സ്റ്റൻസ് നിയമം
Read Explanation:
Narcotic Drugs and Psychotropic Substances Act 1985
- ഇന്ത്യയിൽ മയക്കുമരുന്നുകളുടെയും സൈക്കോട്രോപിക് വസ്തുക്കളുടെയും ഉൽപാദിപ്പിക്കാനും / നിർമ്മിക്കാനും / കൃഷിചെയ്യാനും കൈവശം വയ്ക്കാനും വിൽക്കാനും വാങ്ങാനും ഉപഭോഗം ചെയ്യാനുമുള്ള അവകാശങ്ങളെ നിയന്ത്രിക്കുന്നു.
- മയക്കുമരുന്ന് ദുരുപയോഗത്തിനും അനധികൃത മയക്കുമരുന്ന് കടത്തിനും എതിരായ ഒരു ലീഗൽ ഫ്രെയിംവർക്ക് എന്ന നിലയിൽ 1985-ൽ ഈ നിയമം നിലവിൽ വന്നു.
- 1985 നവംബർ 14 മുതൽ പ്രാബല്യത്തിൽ വന്ന നിയമം 1988, 2001, 2014 എന്നീ വർഷങ്ങളിൽ ഭേദഗതിക്ക് വിധേയമായി
- Narcotic Drugs and Psychotropic Substances Act ൽ 6 ചാപ്റ്ററുകളും ,83 സെക്ഷനുകളുമാണ് ഉള്ളത്.
NDPS നിയമത്തിന്റെ പ്രധാന ലക്ഷ്യങ്ങൾ ഇവയാണ്:
1.മയക്കുമരുന്നുകളുടെയും സൈക്കോട്രോപിക് വസ്തുക്കളുടെയും നിയന്ത്രണം :
- മയക്കുമരുന്നുകളുടെയും സൈക്കോട്രോപിക് വസ്തുക്കളുടെയും ഉൽപ്പാദനം, നിർമ്മാണം, കൈവശം വയ്ക്കൽ, ഗതാഗതം, വിതരണം എന്നിവയുൾപ്പെടെ അവയുടെ നിയന്ത്രണത്തിനുള്ള സംവിധാനങ്ങൾ ഈ നിയമം നൽകുന്നു.
2.ദുരുപയോഗം തടയൽ:
- മയക്കുമരുന്ന്, സൈക്കോട്രോപിക് ലഹരിവസ്തുക്കൾ എന്നിവയുടെ ദുരുപയോഗം തടയുന്നതിന് ലൈസൻസിംഗും പെർമിറ്റുകളും പോലുള്ള കർശനമായ നടപടികൾ നടപ്പിലാക്കുന്നു
- വൈദ്യശാസ്ത്രപരവും ശാസ്ത്രീയവുമായ ആവശ്യങ്ങൾക്ക് അവയുടെ നിയമാനുസൃതമായ ഉപയോഗം ഉറപ്പാക്കാൻ ഈ നിയമം ലക്ഷ്യമിടുന്നു.
3.മയക്കുമരുന്നുമായി ബന്ധപ്പെട്ട കുറ്റകൃത്യങ്ങളും പിഴകളും:
- NDPS നിയമം വിവിധ മയക്കുമരുന്നുകളുമായി ബന്ധപ്പെട്ട കുറ്റകൃത്യങ്ങളും അവയുടെ അളവും സ്വഭാവവും അടിസ്ഥാനമാക്കിയുള്ള തടവും പിഴയും ഉൾപ്പെടെയുള്ള ശിക്ഷകളും വിവരിക്കുന്നു.
4.അന്താരാഷ്ട്ര സഹകരണം:
- മയക്കുമരുന്ന് കടത്തും അനുബന്ധ കുറ്റകൃത്യങ്ങളും ചെറുക്കുന്നതിനുള്ള അന്താരാഷ്ട്ര സഹകരണവും ഏകോപനവും ഈ നിയമം ഉറപ്പാക്കുന്നു
- ഇതുമായി ബന്ധപ്പെട്ട് മയക്കുമരുന്ന് നിയന്ത്രണത്തിനായി നിരവധി അന്താരാഷ്ട്ര കൺവെൻഷനുകളിലും ഉടമ്പടികളിലും ഇന്ത്യ ഒപ്പുവച്ചിട്ടുണ്ട്.