Question

U.V. തരംഗം ഒരു ലോഹപ്രതലത്തിൽ വന്നു പതിക്കുമ്പോൾ, ഫോട്ടോ ഇലക്ട്രിക് പ്രഭാവം സംഭവിക്കുന്നില്ല എങ്കിൽ, ഏത് തരംഗം പതിച്ചാലാണ് ഫോട്ടോഇലക്ട്രിക് പ്രഭാവം സംഭവിക്കുക?

• A. ഇൻഫ്രാറെഡ് തരംഗം
• B. റേഡിയോ തരംഗം
• C. X തരംഗം
• D. മൈക്രോ തരംഗം

Answer 1

Answer:

C. X തരംഗം

ഫോട്ടോഇലക്ട്രിക് എഫെക്ട് (Photoelectric Effect):

• ഒരു വൈദ്യുതകാന്തിക വികിരണം, ഒരു പദാർത്ഥത്തിൽ പതിക്കുമ്പോൾ, ഇലക്ട്രോണുകൾ പുറപ്പെടുവിക്കപ്പെടുന്നു. ഇങ്ങനെ പുറത്തു വിടുന്ന ഇലക്ട്രോണുകളെ ‘ഫോട്ടോ ഇലക്ട്രോണുകൾ’ എന്നറിയപ്പെടുന്നു.
• ഈ പ്രതിഭാസത്തെ ഫോട്ടോഇലക്ട്രിക് എഫെക്ട് എന്നും അറിയപ്പെടുന്നു.
• ഒരു വികിരണത്തിന് ഒരു പ്രത്യേക അളവിൽ കൂടുതൽ ആവൃത്തി ഉണ്ടായാൽ മാത്രമാണ്, ഫോട്ടോഇലക്ട്രിക് എഫെക്ട് സംഭവിക്കുന്നത്

Note:

• അൾട്രാവയലറ്റ് രശ്മികൾ ഒരു ലോഹ ഫലകത്തിൽ പതിച്ചിട്ട്, ഫോട്ടോഇലക്ട്രിക് പ്രഭാവം സംഭവിച്ചില്ല എങ്കിൽ, അതിനേക്കാൾ ഉയർന്ന ആവൃത്തിയിലുള്ള (അല്ലെങ്കിൽ കുറഞ്ഞ തരംഗദൈർഘ്യമുള്ള) വികിരണം ഉപയോഗിച്ചാൽ മാത്രമേ ഫോട്ടോഇലക്ട്രിക് എഫെക്ട് സംഭവിക്കുകയുള്ളു.
• തന്നിരിക്കുന്ന ഓപ്ഷനുകളിൽ, അൾട്രാവയലറ്റ് രശ്മികളേക്കാൾ ഉയർന്ന ആവൃത്തി എക്സ്-റേക്കുണ്ട്. അതിനാൽ, ഇവിടെ ഉത്തരം X – ray ആണ്.

വൈദ്യുതകാന്തിക വികിരണം അവയുടെ കൂടിവരുന്ന ആവൃത്തിയുടെ ക്രമത്തിൽ:

1. റേഡിയോ തരംഗം (Radio waves)
2. മൈക്രോ തരംഗം (Micro waves)
3. ഇൻഫ്രാ റെഡ് തരംഗം (Infrared Waves)
4. ദൃശ്യ പ്രകാശം (Visible light)
5. അൾട്രാ വയലറ്റ് വികിരണം (Ultraviolet Rays)
6. എക്സ് റേ തരംഗം (X- rays)
7. ഗാമ കിരിണം (Gamma rays)